«قازاقستاندى ماقتان تۇتامىز»

تۇرىكتىڭ قا­زاق­ستانداعى «جي­ھان» اق­پاراتتىق اگەنت­تىگى قازاق­ستان مەن ءتۇر­كيا اراسىن­دا­عى حا­لىق­تىق ديپ­لوما­تيا­نىڭ تە­رەڭ­دەي تۇسۋىنە اي­تار­لىق­تاي ۇلەس قو­سىپ كەلەدى. وسى اگەنت­تىكتىڭ وكىلى دوعان يىلدىز مىر­زانى ءبىز ءاردايىم ەلىمىزدەگى بارلىق ساياسي, الەۋمەتتىك-ەكونو­ميكالىق, ءما­دە­ني-گۋمانيتار­لىق, سپورت­­تىق ءىس-شا­را­نىڭ قايناعان ور­تاسىنان كو­رە­مىز جانە ول ءوزىنىڭ ەلىنە بارىنشا  شى­نايى اقپارات جىبەرىپ جاتقانىنا سە­نىمدىمىز. ويتكەنى, بۇل اعاي­ى­نى­مىز­دىڭ قا­زاق­ستانعا, قازاق حالقىنا دەگەن باۋىر­مال, جان­اشىر  ءىلتيپاتى ايرىقشا ەكەنىن ۇنەمى كورىپ ءجۇرمىز. جۋىردا دوعان يىلدىزدىڭ ۇيىمداس­تىرۋى­مەن, «قازاق-ءتۇ­رىك مۇناي» كومپانياسىنىڭ قار­­­جىلىق قولداۋىمەن ءتۇر­كيادان قازاقستان ءتاۋ­­ەلسىزدىگىنىڭ 20 جىل­دىعىنا ارنالعان «تاريح تاڭ­باسى» اتتى 2009-2010 جىل­دارداعى ەكى مەملە­كە­ت­تىڭ ارا­سىنداعى ىنتىماقتاستىق پەن ىقپالداس­تىقتىڭ سان قىرلارىن كورسەتكەن اسەم بەزەندىرىلگەن فوتوالبوم جارىق كوردى. ءبىز جوبانىڭ نەگىزگى ۇيلەستىرۋشىسى دوعان يىلدىزعا جولىعىپ,  بىرنەشە سۇراقتار قويعان ەدىك: – بۇل جوبانى قولعا الۋعا قانداي سەبەپتەر بولدى؟ – ەكى ەلدىڭ اراسىنداعى سوڭ­عى جىلداردا جاسالعان جوعارى دەڭگەيدەگى ءىسساپارلار ايتار­­لىق­تاي ناتيجە بەرىپ كەلە جات­قانىن بىلەمىز. قا­زاقستان پرەزيدەنتى, قۇرمەتتى نۇرسۇلتان نازار­باەۆ­تىڭ: «بۇگىنگە دەيىن ەكى ەلدىڭ قارىم-قاتى­ناس­­تارىنا كەدەرگى بولاتىنداي ەشبىر وقيعا بولعان جوق, بۇدان كەيىن دە بولمايدى», دەگەن ءسوزىنىڭ تاريحي ماڭىزى زور. وسىنداي جىلى قاتىناستار ءبىزدىڭ وسى شى­عار­ماشىلىق ءىستى قولعا الۋىمىزعا نەگىز بولدى. – ءوزىڭىز قىزمەت ەتەتىن «جي­ھان» اقپارات اگەنتتىگىنىڭ قىزمەتى تۋرالى ءبىر اۋىز ءسوز ايتا كەتسەڭىز. – قازاقستاننىڭ تاۋەلسىز­دى­گىن ەڭ العاشقى بو­لىپ تۇركيا مەملەكەتى تانىعانىن بىلەسىز. ءبىزدىڭ «جيھان» حابار اگەنتتىگى سول كەزدەن باستاپ ءوز جۇ­مىسىن ەكى ەلدىڭ اراسىندا حابار تارا­تۋعا عانا ارناپ قويماي, قازاق­ستاندى تۇركياعا جانە الەمگە تانىتۋدى ماقسات ەتىپ كەلەدى. ءبىز قازاقستاننىڭ قىسقا مەر­زىم­نىڭ ىشىندە الەمدىك زور سال­ماعى بار مەملەكەتكە اينالعا­نىنا ەرەكشە ءتانتىمىز. ەقىۇ توراعاسى, ودان يىۇ-عا ءتور­اعا­ بولعان­دى­عى­نىڭ ءوزى قازاق­ستاننىڭ زور بەدەلىنىڭ كورىنىسى. تۇركى حالىقتارىنىڭ ىشىنەن شىق­قان وسىنداي مەملەكەتتى قالاي ماقتان تۇتپاسسىڭ؟! سون­دىقتان ءبىزدىڭ «جيھان» اقپا­رات­تىق اگەنتتىگى قازاق­ستان­دى بارلىق تۇرعىدان, بارلىق قىر­لارىنان تارا­تۋعا قۇمار بولىپ وتىر. مىنا ەڭبەك سول باۋ­ىر­لاستىعىمىزدىڭ, ءوزارا قارىم-قاتىنا­سىمىز­دىڭ ءبىر بەلگىسى بولىپ قالسىن دەيمىز. اڭگىمەلەسكەن جاقسىباي سامرات.