مەترو قىزىعىنىڭ قۋانىشى

مەترو ارقىلى جۇيتكيتىن كۇندەر دە الىس ەمەس, ال وعان دەيىن الماتى­لىق­تار­دىڭ ءبىر لەگى ساۋلەتى كەلىسكەن, سامالاداي جارىق مەترو ستانسالارىنا ءتۇسىپ, جەر اس­تىندا جولاۋ­شى­لاۋ­دىڭ قانداي ەكەنىن بايقاپ كوردى. وسىلايشا, وتكەن دەمالىس كۇندەرى الماتى مەتروپوليتەنىندە اشىق ەسىك كۇنى ءوتتى. قالالىقتار ءۇشىن العاش رەت گوگول مەن پانفيلوۆ كوشەلەرى­نىڭ قيىلىسىنداعى «جىبەك جو­لى» ستانساسى ەسىگىن ايقارا اش­ىپ, مەترو قىزمەتكەرلەرى كوپشى­لىك­تى بىرنەشە شاقىرىم ساياحات جاساۋعا شاقىردى. ءبىرىنشى بولىپ مەتروعا وتىرۋ مۇمكىندىگىن جىبەرمەگەن الماتىلىقتار كۇنى بويى بىرنەشە ستانسانى ارالاپ, وسىنداعى قالا تىرشىلىگىنە ار­نال­عان فوتوكورمەنى تاماشالادى. العاش جەر استى ارقىلى جو­لاۋ­شىلاعان جۇرتشىلىق اباي داڭ­­عىلى مەن فۋرمانوۆ كوشە­سى­نىڭ قيىلىسىنا ورنالاسقان «اباي» ستانساسىنا, ودان كەيىن وپەرا تەا­ترىنىڭ تۇسىنان شى­عا­تىن «ال­ما­لى» ستانسالارىنا ساپار شەكتى. اباي-ماناس كوشەلەرىنىڭ قي­ى­لىسىنان باستالاتىن الماتى مەتروسىنىڭ العاشقى تارماعى «ساياحات» اۆتوۆوكزالىنا دەيىن سو­زىلاتىنىن جانە ول جەتى ستان­سانى قۇرايتىندىعىنان بۇعان دەيىن دە حاباردار ەتكەنبىز. بۇل ارالىقتى جەر استى پويىزدارى 12 مينۋتتا ءجۇرىپ وتەدى, قۇ­را­ما­لار ءار 9 مينۋت سايىن ستان­سا­لارعا كەلىپ وتىرادى. ەندى ەل مەترو تولايىم ىسكە قوسىلاتىن ەل تاۋەلسىزدىگىنىڭ 20 جىلدىعىن كۇتىپ وتىر. بۇل كۇندەرى الماتى مەترو­سى­نىڭ ەكىنشى تارماعىنىڭ دا قۇ­رى­لى­سى ءجۇرىپ جاتىر. ناتيجەسىندە ال­ماتى مەتروسى قالانى «قال­قا­مان» پوسەلكەسىمەن جالعايتىن بولادى. قازىرگە بەلگىلىسى, مەترودا ءجۇ­رۋ اقىسى 100 تەڭگە بولماق. قالا اكىمدىگى مەترو ءۇشىن مۇنداي جو­ل­اقى قىمبات ەمەس دەپ ەسەپتەيدى. كوشەدەگى كولىك كەپتەلىستەرىندە جۇيكەنى جۇقارتىپ, ۋاقىتتى زايا كەتىرگەنشە ساۋلەت ونەرى سالتانات قۇرىپ تۇرعان ستانسالاردا قى­دى­رىپ, كەرەك جەرىڭە جايلى ۆاگوندار ارقىلى كوزدى اشىپ-جۇم­عان­شا جەتىپ الۋدىڭ دۇرىستىعىن ايتادى. ايناش ەسالي. الماتى. ----------------------------------- سۋرەتتى تۇسىرگەن يۋري بەككەر.