كەيبىر كاتەگوريالارعا راقىمشىلىق جاسالادى

كەشە پارلامەنت ءماجىلىسى توراعاسىنىڭ ورىنباسارى جانىبەك كارىبجانوۆتىڭ جەتەكشىلىك ەتۋىمەن پالاتانىڭ جالپى وتىرىسى بولىپ ءوتتى. وندا «قازاقستان رەسپۋب­ليكاسى تاۋەلسىزدىگىنىڭ 20 جىلدىعىنا بايلانىستى راقىمشىلىق جاساۋ تۋرالى» زاڭ جوباسى ماقۇلداندى. زاڭ جوباسىنىڭ كوزدەگەن ماقساتى تۋرالى ادىلەت ءمينيسترىنىڭ ورىنباسارى ءامىرحان امان­باەۆ بايانداما جاسادى. وتىرىستا زاڭ جوباسى بويىنشا قۇرىلعان جۇمىس توبىنىڭ جەتەكشىسى, ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى سەرىك تەمىربولاتوۆ قوسىمشا تۇسىنىك بەردى. بۇل زاڭ جوباسىندا ونشا اۋىر ەمەس جانە اۋىرلىعى ورتاشا قىلمىستار ءۇشىن سوتتالعان ازاماتتاردىڭ الەۋمەتتىك تۇرعىدان وسال سا­نات­تارىنا, ياعني كامەلەتكە تولماعاندار, جۇكتى ايەل­دەر جانە كامەلەتكە تولماعان بالالارى بار ايەل­دەر, زەينەتكەرلەر, مۇگەدەكتەر جانە باس­­قالارعا قاتىستى راقىمشىلىق جاساۋدى ءجۇر­گىزۋ كوزدە­لىپ وتىر. سونداي-اق وسى زاڭ قول­دا­نىسقا ەنگىزىلگەنگە دەيىن ونشا اۋىر ەمەس جانە اۋىرلىعى ورتاشا قىلمىس جاساعانى ءۇشىن قىلمىستىق جاۋاپكەرشىلىككە تارتىلا­تىن بار­لىق قىلمىستىق ىستەردى جانە قىل­مىس­تار تۋرالى سوتتا قارال­ماعان ىستەردى توقتاتۋ كوزدەلەدى. «عارىش قىزمەتى تۋرالى» زاڭ جوباسى ەكىنشى وقىلىمدا تالقىعا سالىنىپ, ناتيجەسىندە تولىقتاي ماقۇلداندى. جانە «قازاقستان رەس­پۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىكتى دامىتۋ مەن قورعاۋ تەتىكتەرىن جەتىلدىرۋ ماسەلەلەرى بويىنشا وزگەرىس­تەر مەن تولىقتىرۋلار ەنگىزۋ تۋرالى» زاڭ جو­باسى ءبىرىنشى وقىلىمدا قولداۋ تاپتى. زاڭ جوباسى قازاقستان پرەزيدەنتى نۇرسۇلتان نا­زارباەۆتىڭ 2011 جىلعى 17 ءساۋىر كۇنگى ۇكى­مەت­تىڭ كەڭەيتىلگەن ماجىلىسىندە بەرگەن تاپ­سىر­ماسىن ورىنداۋ ءۇشىن ازىرلەنگەن. جالپى وتىرىستا بىرقاتار حالىقارالىق ماڭىزى بار زاڭ جوبالارى تالقىعا سالىندى. سونىڭ ىشىندە «ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشى­لى­عىنىڭ, ونىڭ پەرسونالىنىڭ جانە مۇشە مەملەكەتتەر وكىلدەرىنىڭ ارتىقشىلىقتارى مەن يممۋنيتەتتەرى تۋرالى كونۆەنتسيانى راتيفيكاتسيا­لاۋ تۋرالى» زاڭ جوباسى جونىندە سىرت­قى ىستەر ءمينيسترىنىڭ ورىنباسارى قايرات سارىباي بايانداما جاسادى. حالىقارالىق ىستەر, قورعا­نىس جانە قاۋىپسىزدىك كوميتەتىنىڭ مۇشەسى سا­عىن­بەك تۇرسىنوۆ قوسىمشا بايانداما جاسادى. ءماجىلىس دەپۋتاتتارى زاڭ جوباسىن ماقۇلداۋ جونىندە ورتاق كەلىسىمگە كەلدى. سو­نىمەن قاتار, «1992 جىلعى 15 مامىرداعى ۇجىمدىق قاۋىپ­سىزدىك تۋرالى شارتقا وزگەرىس­تەر ەنگىزۋ تۋرالى حات­تامانى راتيفيكاتسيالاۋ تۋرالى» جانە «2002 جىلعى 7 قازانداعى ۇجىمدىق قاۋىپسىز­دىك تۋ­رالى شارت ۇيىمىنىڭ جارعىسىنا وزگە­رىس­تەر ەنگىزۋ تۋرالى حاتتا­مانى راتيفيكاتسيالاۋ تۋ­را­لى» ەكى زاڭ جوباسى دا ماقۇلداندى. زاڭ جو­باسى جونىندە سىرتقى ىستەر ءمينيسترىنىڭ ورىن­باسارى امانگەلدى جۇ­ماباەۆ بايانداما جا­ساعاننان كەيىن, ءماجى­لىس­تىڭ حالىقارالىق ىستەر, قورعانىس جانە قاۋىپ­سىزدىك كوميتەتىنىڭ ءمۇ­شەسى ەرجان يساقۇلوۆ قوسىمشا تۇسىنىك بەردى. كەلەسى كەزەكتە «كوپجاقتى ساۋدا جۇيەسى شەڭ­بەرىندە كەدەن وداعىنىڭ جۇمىس ىستەۋى تۋرالى شارتتى راتيفيكاتسيالاۋ تۋرالى» زاڭ جوباسى تالقىعا ءتۇسىپ, بۇل زاڭ جوباسى دا تولىقتاي ماقۇلداندى. جالپى وتىرىستا باسقا دا بىرقاتار زاڭ جوبالارى جان-جاقتى تالقىعا ءتۇسىپ, ءتيىستى شەشىمدەر قابىلداندى. سونىمەن قاتار, ۇكىمەتتەن كەلىپ تۇسكەن جا­ڭا زاڭ جوبالارىنا قورىتىندى ازىرلەۋ ۋا­قىتتارىن ناقتىلاۋ بويىنشا پالاتا شەشىمى شىعارىلدى.