ەلىمىزدەگى اۋدان ورتالىقتارىن ايتپاعاندا قاي جاعىنان الىپ قاراساق تا, قايسىبىر قالالارىمىزدان ءبىر باس جوعارى تۇراتىن بۇل اۋىلدىق وكرۋگ رەسپۋبليكامىزعا كەڭىنەن تانىلعانى بەلگىلى. الەۋمەتتىك ماسەلەلەردىڭ ءبارى دە تولىعىمەن شەشىلىپ, الەۋەتى ارتقان اتالمىش اۋىلعا وتىز جىلدان بەرى يۆان ساۋەر جەتەكشىلىك ەتىپ كەلەدى. مەملەكەت باسشىسىنىڭ ءوزى ءجيى كەلىپ تۇراتىن رودينادانىڭ بۇگىنگى ساناتى «اۋىلدىق وكرۋگ» بولعانىمەن, بۇل جەردە ءومىر ءسۇرۋ ساپاسى قالاداعىداي. مۇندا ءاربىر ءۇيدىڭ اۋلاسىنا دەيىن اسفالت توسەلىپ, كوشەسى بيۋدجەت قاراجاتىنسىز تولىق جارىقتاندىرىلعان, بالاباقشاسى تەگىن, زاماناۋي تالاپقا ساي كىتاپحاناسى مەن مادەنيەت ءۇيىنىڭ قىزمەتى ۇيلەسىم تاپقان اۋىل تۇرعىندارىنىڭ بارلىعى دا 100 پايىزدىق كورسەتكىشپەن جۇمىسقا تارتىلعان. مىنە, سوندىقتان دا بۇل اۋىلدى وزگەلەرگە ۇلگى ەتىپ, ونەگەسىن وزگەلەر السا دەيمىز.
ء«بىز بۇل اۋىلداعى الەۋمەتتىك ماسەلەلەردىڭ ءتيىمدى شەشىلۋىنە ءجىتى كوڭىل ءبولىپ, ەتەنە تانىسۋ ءۇشىن كەلىپ تۇرمىز. قولدانىستاعى زاڭدارىمىزدىڭ شەڭبەرىندە ازاماتتاردىڭ ءومىر ءسۇرۋ قاعيداسىن قالاي جاقسارتۋعا بولاتىندىعىن كوزبەن كورىپ, قالىڭ ەلگە ۇلگى بولارلىق وسىنداي دۇنيەلەردى جارقىراتىپ كورسەتكىمىز كەلەدى. بۇل ەلباسىمىزدىڭ «رۋحاني جاڭعىرۋ» باعدارلامالىق ماقالاسىندا ناقتىلانعان تالاپتارعا ساي جۇزەگە اسىرۋعا تۇرارلىق جوبا ەكەنى ءسوزسىز. ەلىمىزدىڭ ءاربىر ازاماتى ءوز تۋعان جەرىنە وسىلايشا اق ادال نيەتپەن قىزمەت ەتسە, قازاقستاننىڭ ءاربىر اۋىلى كەرەمەت كوركەيگەن بولار ەدى», دەدى ۆ.بوجكو.
ۇزاق جىلدار بويى تىنىمسىز ەڭبەك ەتىپ, اۋىلدى بۇگىنگىدەي كۇيگە جەتكىزگەن رودينانىڭ ديرەكتورى يۆان ساۋەر دە دەپۋتاتتاردىڭ بۇل ساپارى تۇرعىنداردىڭ الەۋمەتتىك ماسەلەلەرىنىڭ شەشىلۋ جولىنا تەرەڭىرەك ۇڭىلۋگە باعىتتالعانىن ايتادى.
ء«بىزدىڭ اۋىلىمىزدا دا شەشىمىن تابۋدى قاجەت ەتەتىن كەيبىر ماسەلەلەر بارشىلىق. دەسەك تە, قازىرگى جاعدايىمىزدى وزگەلەرگە ۇلگى رەتىندە ۇيالماي كورەتە الامىز. ءبىلىم بەرۋ مەن دەنساۋلىق ساقتاۋ, مادەنيەت پەن سپورتتان بولەك, الەۋمەتتىك-تۇرمىستىق تۇيتكىلدەر تۇگەل دەرلىك ۇساق-تۇيەگىنە دەيىن تاقلىلاۋدان ءوتىپ, شەشىمىن تاپقان. پرەزيدەنت جاريالاعان «تۋعان جەر» باعدارلاماسى اياسىندا بيىلدىڭ وزىندە 30 ملن تەڭگەگە اۋىلدىق ەمحانا قىزمەتىن قايتا جاڭعىرتتىق. اۋىل ىرگەسىنەن جاڭادان 28 كوتتەدج سالۋ ارقىلى «جاستار» دەپ اتالاتىن شاعىن قالاشىق اشىپ, تۇرعىنداردىڭ باسپانا ماسەلەسىن تۇپكىلىكتى شەشتىك. مۇنىڭ ءبارى دە مەملەكەتتىڭ بىزگە بىرگەن مۇمكىندىكتەرىنىڭ ناتيجەسى. تەك, جوسپاردى جۇيەلەپ, ءىستى ۇيلەستىرە الساڭ بولعانى», دەيدى اۋىلدىق وكرۋگتىڭ ديرەكتورى.
ي.ساۋەر دەپۋتاتتاردى ءوز جۇمىسىنىڭ ناتيجەلەرىمەن تانىستىرا ءجۇرىپ, اۋىلدى كوركەيتۋگە قاتىستى زاڭنامالىق تۇرعىدا كوپتەگەن ماسەلەلەر مەن بىرقاتار قيىندىق, كەدەرگىلەردىڭ بار ەكەندىگىن باياندادى.
«مىسالى, كوپتەگەن اۋىل-ايماقتاردى دامىتۋعا بولىنەتىن قاراجات كولەمى بيۋدجەتكە تولەنەتىن سالىق كولەمىمەن بايلانىستىرىلمايتىندىعى ءبىزدىڭ جانىمىزعا باتادى. سول سياقتى جەرگىلىكتى تۇرعىندار سانى 2 مىڭنان اساتىن اۋىلدارعا جەكە بيۋدجەتىنىڭ بولۋىن قامتاماسىز ەتەتىن ەرەجە سىناق رەتىندە قولدانىسقا ەندى. ءوز باسىم بۇل ادىلەتسىز شەشىم دەپ سانايمىن. ەگەر وسى ەرەجەگە سۇيەنسەك, قانشا جەردەن سالىقتىق تولەمدەر ارقىلى بيۋدجەتكە قوماقتى قارجى قۇيعانىمىزبەن, ءبىزدىڭ اۋىلعا جەكە بيۋدجەتكە يە بولۋ قۇقى بەرىلمەيدى. سەبەبى, اۋىل تۇرعىندارىنىڭ سانى – 1 735. ياعني, 2 مىڭعا جەتپەيدى. سونىمەن قاتار, «جەكە قوسالقى شارۋاشىلىق تۋرالى» زاڭ جوباسىنىڭ دا كەيبىر ماسەلەلەرى بار. ۆەتەرينارلىق شارۋاشىلىققا قاتىستى زاڭدارىمىزدى دا تۇپكىلىكتى وزگەرتۋدى قاجەت ەتەدى. ەگەر ءبىز مەملەكەت باسشىسى باعىتىمىزدى ايقىنداپ بەرگەندەي اۋىل-ايماقتارىمىزدى دامىتقىمىز كەلسە, زاڭدارىمىزدا كورىنىس بەرەتىن كەمشىن تۇستارىن تولىقتىرىپ, جەتىلدىرۋىمىز كەرەك», دەدى ي.ساۋەر.
شارۋاشىلىق باسىندا دەپۋتاتتارمەن وربىگەن اڭگىمە اراسىندا شارۋا قوجالىقتارىنا مەملەكەت تاراپىنان بەرىلەتىن سۋبسيديا ماسەلەسى دە ءسوز بولدى. اسىرەسە, ەل ۇكىمەتىنىڭ قولداۋىمەن ءوز جەرىمىزدە ءونىم ءوندىرىپ, ونىسىن سىرتقى نارىققا شىعارۋ ارقىلى تابىسىن ەسەلەۋگە بەيىم كاسىپورىنداردىڭ قىزمەتىنە مەملەكەتتىك قولداۋدى توقتاتۋ جايى ايتىلدى. ال ءوز كەزەگىندە ءسوز العان حالىق قالاۋلىلارى زاڭدا بەكىتىلگەن تارتىپپەن جۇمىس ىستەۋ بارىسىندا تاجىريبەدەن تۋىندايتىن كەيبىر قايشىلىقتاردىڭ بار ەكەندىگىن جوققا شىعارا المادى. ءسويتىپ, شارۋالار مەن دەپۋتاتتار مۇنداي ولقىلىقتاردىڭ ورنىن تولتىرۋ ماقساتىندا الداعى ۋاقىتتا ءتيىستى دەڭگەيدە بىرلەسە جۇمىس ىستەيتىن بولىپ ۋاعدالاسىپ, تارقاتى.
نۇرلىبەك دوسىباي,
«ەگەمەن قازاقستان»
