ەلوردانىڭ ازىق-ت ۇلىك بەلدەۋىن جەتىلدىرۋدىڭ جول كارتاسى مەملەكەت باسشىسىنىڭ 2017 جىلعى ساۋىردە بەرگەن تاپسىرمالارىنا سايكەس ازىرلەندى. بۇل تۋرالى پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ مالىمدەدى.
ايتۋعانوۆتىڭ ايتۋىنشا, قالانىڭ جەكە ءوندىرىسى استانا حالقىنىڭ ۇنعا, ماكارون ونىمدەرىنە, نان مەن جارماعا دەگەن قاجەتتىلىگىن جابادى. ەلوردا تۇرعىندارىن وتاندىق ازىق-ت ۇلىك تاۋارلارىمەن قامتاماسىز ەتۋ ماقساتىندا ازىق-ت ۇلىك بەلدەۋى ايماعىندا قاجەتتى ءوندىرىستى قۇرۋ, رەسپۋبليكانىڭ وزگە وڭىرلەرىنەن ونىمدەردى تۇراقتى تۇردە جەتكىزىپ تۇرۋعا جاعداي جاساۋ جانە استانانىڭ ساۋدا ينفراقۇرىلىمىن دامىتۋ بويىنشا مىندەتتەر قويىلدى.
ءۇش ايماققا ءبولۋ ارقىلى قاراعاندى وبلىسىنىڭ جاقىن ورنالاسقان ءتورت اۋدانىنىڭ جانە اقمولا وبلىسىنىڭ بارلىق اۋداندارى ءوندىرىسىنىڭ الەۋەتىنە تالداۋ جۇرگىزىلدى. ءبىرىنشى ايماق 100 شاقىرىم راديۋستا, ەكىنشىسى — 200 جانە ءۇشىنشىسى — 300 شاقىرىم.
ەكى وبلىستىڭ اكىمدىكتەرىنە ارنالعان جول كارتاسىندا ءارتاراپتاندىرۋدى ەسەپكە العاندا 2018 جىلعا ارنالعان ەگىس القاپتارىنىڭ قاجەتتى قۇرىلىمى انىقتالعان. 300 شاقىرىم راديۋستاعى اۋدانداردىڭ قوي ەتى ءوندىرىسىنىڭ كولەمىن قاجەتتىلىكتىڭ 60%-نا دەيىن ۇلعايتۋ الەۋەتى بار. ال شۇجىق ونىمدەرىن, وڭدەلگەن ءسۇت, سارى ماي, ىرىمشىك جانە سۇزبە كولەمىن قاجەتتىلىكتىڭ 50%-نا دەيىن ۇلعايتۋ الەۋەتى بار. ەت وڭدەۋ بويىنشا جالپى قۋاتتىلىعى 28 مىڭ توننا جانە جۇكتەمەسى 72% بولاتىن 24 كاسىپورىن قىزمەت كورسەتەدى. جىلىنا 90 مىڭ توننا ءسۇت ءوندىرۋ قۋاتتىلىعىن ەسكەرگەندە, ازىق-ت ۇلىك بەلدەۋىنىڭ 20 ءسۇت زاۋىتى بويىنشا جۇكتەمە 55%-دى قۇرايدى. سونداي-اق, مۇندا ءوندىرىس كولەمىن ۇلعايتۋ بويىنشا ناقتى ينديكاتورلار قويىلعان.
ءبىرىنشى ۆيتسە-ءمينيستردىڭ ايتۋىنشا, وڭدەۋ كاسىپورىندارىنا شيكىزات بەرۋدى ىنتالاندىرۋ ءۇشىن ۇساق جانە ورتاشا شارۋاشىلىقتاردى اۋىل شارۋاشىلىعى كووپەراتيۆتەرىنە بىرىكتىرۋ جۇمىستارى جالعاستىرىلىپ جاتىر. قازاقستاننىڭ وزگە وڭىرلەرىنەن جەتىسپەيتىن ازىق-ت ۇلىك تۇرلەرىن جەتكىزۋدى قوسا العاندا, استاناعا ازىق-ت ۇلىك جەتكىزۋ جۇمىستارىن ىنتالاندىرۋ ءۇشىن زاڭنامالىق دەڭگەيدە «استانا قالاسىنىڭ ازىق-ت ۇلىك بەلدەۋىنە قاتىسۋشى» ستاتۋسى بەكىتىلەدى. ول اۋىل شارۋاشىلىعى وندىرۋشىلەرىنە بەلگىلى-ءبىر جەڭىلدىكتەر الۋعا مۇمكىندىك بەرەدى.
ساۋدا ينفراقۇرىلىمىن كەڭەيتۋ بويىنشا ءۇشىنشى مىندەتتى ىسكە اسىرۋ ءۇشىن استانا قالاسىندا جىل سوڭىنا دەيىن 50 مودۋلدىك ساۋدا پاۆيلونى ىسكە قوسىلادى. وسى ماقساتتارعا وراي, ەلوردا اكىمدىگى جەر تەلىمدەرىن ءبولىپ, «كوشە ساۋداسىن دامىتۋ» باعدارلاماسى اياسىندا 90 ملن تەڭگە كولەمىندە ينۆەستيتسيالار تارتتى.
«جالپى, جول كارتاسىن ىسكە اسىرۋ استانا قالاسىنىڭ حالقىن «باعا-ساپا» تەپە-تەڭ قاتىناسى بويىنشا قاجەتتى ازىق-ت ۇلىك كولەمىمەن قامتاماسىز ەتەدى», دەدى ق.ايتۋعانوۆ.
دينارا بىتىك,
"ەگەمەن قازاقستان"
