ءمانىسى مىناۋ. ايعا ورىس, قازاق جانە نەمىس كوشىپ بارادى. نەمىس بارا سالا ءۇي سالۋعا كىرىسىپ كەتەدى. ورىس مۇجىعى باۋ-باقشا وسىرەدى. ال, بىرگە كەلگەن قازاق ۇشتى-كۇيلى جوق.
كۇز بولادى. ورىس باۋ-باقشا ونىمدەرىن, اراق-شارابىن كوتەرىپ, نەمىستىڭ ۇيىنە كەلەدى. ءۇي جايلى. جىپ-جىلى ۇياداي.
– سەندە ءۇي بار. مەندە ازىق-ت ۇلىك بار. بىرگە تۇرايىق, – دەيدى ورىس. نەمىس كەلىسەدى.
ەكەۋى اس ىشە بەرگەندە ەسىك اشىلىپ, قازاق كىرىپ كەلەدى.
– سەرجانت پالەنشەەۆ. قونىستارىڭ قۇتتى بولسىن. تانىسىپ قويالىق. مەن سەندەردىڭ «ۋچاسكوۆويلارىڭمىن».
مەملەكەت باسشىسى ءازىل رەتىندە ايتقانىمەن, ۇلى ابىز اباي مىنەگەن جالقاۋلىقتان ارىلا الماي جۇرگەنىمىز راس. ءبارى بىردەي بولماسا دا ءۇي, قورا سالىپ, باۋ-باقشا وسىرگەندە قوڭسى اعايىنداردىڭ كومەگىنە جۇگىنەتىندىگىمىز جانە راس.
وڭاي جەردەن پايدا تاپقىسى كەلگەن جالعان پوليتسەي شىمكەنت قالاسىندا دا پايدا بولىپتى. ۇستىندە ينە-جىپتەن جاڭا شىققانداي پوليتسيا وفيتسەرىنىڭ كيىمى, قولىندا قۇجاتى بار, دۇكەنگە كىرىپ كەلگەن ول زاڭ بۇزۋشىلىق فاكتىلەرىن ايتا باستايدى. زارەسى كەتكەن دۇكەن قوجايىنى «ايىپپ ۇلىن» قولما-قول تولەپ جىبەرەدى. دانىككەن پوليتسەيدىڭ ەركىنسىگەنى سونشا اقشا, تەلەفون الۋدان بولەك, توڭازىتقىشتاردى اشىپ قاراپ, قالاعانىن الا باستاعان.
كۇدىك العان دۇكەن يەلەرىنىڭ ءبىرى جالعان پوليتسەيدى اڭگىمەگە تارتىپ تۇرىپ, وبلىستىق ءىىب قىزمەتكەرلەرىنە حابار بەرەدى.
قىلمىس ۇستىندە ۇستالعان ول قالاداعى اباي اۋداندىق پوليتسيا بەكەتىندە قاماۋدا وتىر.
بۇگىندە سوتقا دەيىنگى تەرگەۋ امالدارى جۇرگىزىلۋدە.
بىرەۋدىڭ مۇلكىن بوپسالاۋ ارقىلى پايدا تاۋىپ كەلگەن جالعان پوليتسەي ەندى شىن پوليتسەيلەرگە جاۋاپ بەرىپ جاتىر.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
