ۇمتىلىس

تاۋەلسىزدىگىمىزدىڭ باياندى بولۋىنا قىزمەت ەتەتىن, سىرتتان كەلىپ جاتقان اقپارات تاسقىنىنا توتەپ بەرەتىن قازاق تىلىندەگى ءاربىر جاڭا باسىلىمعا قولداۋ كورسەتۋ ابزال. قوعامنىڭ تۇزەلۋى ادام ءتار­بيەسىنەن, ادام تاربيەسى وتباسىنان باستالاتىنىن ەسكەرىپ, وتكەن جىلى كۇزدە «شاڭىراق سەرىگى» دەگەن اتپەن اقپارات ايدىنىنا شىققان جاڭا جۋرنالعا ءبىر جىل تولدى. العاشقى قيىندىقتارعا قاراماس­تان, بۇل جۋرنال دا ءوزىنىڭ بەت-باعدارىن ايقىنداپ الۋعا ۇم­تىل­عانى بايقالادى. قازاق تىلىندە اي سايىن شى­عاتىن «شاڭىراق سەرىگىندە» ءبىر جىل ۋاقىت ىشىندە جاريالانعان ماتەريالدارعا از عانا توقتالىپ وتسەك, «ءداستۇر» ايدارىمەن اقسەلەۋ سەيدىمبەكتىڭ «تۋ­ىس­قاندىق اتاۋلار جۇيەسى» دەگەن ەڭبەگى, «ونەر – ماڭگىلىك» ايدارىمەن بەتحوۆەن, وگينسكي, سەگوۆيا, برامس, ت.ب. الەمدىك ونەر تار­لاندارى تۋرالى ماقا­لالار جارىق كوردى. «شاڭى­راق سەرىگىنىڭ» انىقتا­ما­لىعى «مۇزتاۋ» دەپ اتالعان ايدار «ءبىر سالانى تولىق ءبىل, ءار سالانى شولىپ ءبىل» دەگەندى ۇران ەتىپ, ءنومىر سايىن بەلگىلى ءبىر سالا جونىندە ءار وتباسىنا قاجەتتى ءارى قىزىقتى ماعلۇمات بەرىپ وتىرادى. مىسالى, وسىعان دەيىن وقىرماندارعا «ءسان (مودا)», «ينتەرنەت», «اقشا», «گرەك ميفولوگياسى», «فۋتبول» تاقىرىپتارى ۇسىنىلدى. بۇل ايداردىڭ ماتە­ريالدارى قيىپ الىپ ساقتاپ قويۋعا ىڭعايلى ەتىپ جاسالعان. جۋر­­نال­دىڭ تاعى ءبىر ۇتىمدى باستاماسى – «ءۇي كىتاپ­حا­ناسى» ايدارى. مۇندا «حح عاسىر: قازاقتىڭ ءجۇز كىتابى» دەگەن اتپەن قازاق كىتاپتارىن ءاربىر شاڭى­راققا ناسيحاتتاۋ كوزدەلگەن. «اقيقات پەن اڭىز» كىتابى تۋرالى جازۋشى ءا.نۇرشايىقوۆتىڭ كوزى تىرىسىندە الىنعان سۇحبات, ت.ايبەرگەنوۆتىڭ «قۇم­­داعى مۇنارالار», م.ماقاتاەۆتىڭ «ءومىر­داس­تان», س.مۇراتبەكوۆتىڭ «جابايى الما», م.ماعاۋ­ين­نىڭ «الاساپىران», ق.امانجولوۆتىڭ «داۋىل» كى­تاپ­­تارى تۋرالى ماقالالار وسى ايدار اياسىندا جا­رىق كوردى. تاعى ءبىر تارتىمدى جوبا – «سول جىلى... سول كۇنى...» دەپ اتالاتىن ايدار. مۇندا تاريحتاعى ەرەكشە وقيعالاردىڭ قالاي بولعانى جان-جاقتى دەرەك كوزدەرى ارقىلى جانە كۋاگەرلەر سوزىمەن بايان­دا­لادى. «قاتار جانعان جۇلدىزدار» ايدارى ءبىر شا­ڭىراق استىندا ءومىر سۇرگەن ەرلى-زايىپتى, تاريحتا ءىز قالدىرعان تۇلعالار جايىندا اڭگىمە قوزعايدى. «الاڭ» ايدارىمەن قوعامداعى كوڭىل الاڭداتار ءما­سەلەلەر ءسوز ەتىلسە, «ءتىل جانە وتباسى» ايدارى ءار شاڭىراقتاعى ءتىل تازالىعىنا ۇلەس قوسۋدى كوزدەيدى. ءامينا قۇلجاباەۆا.