تۇجىرىمداماعا سايكەس, ەلوردانىڭ 20 جىلدىق مەرەيتويىن تويلاۋدىڭ ءۇش كەزەڭى بەلگىلەندى. دايىندىق كەزەڭى: 2017 جىلعى 10 جەلتوقسانعا دەيىن; نەگىزگى كەزەڭ: 2017 جىلعى 10 جەلتوقساننان باستاپ - 2018 جىلعى 6 شىلدەگە دەيىن; مەرەكەدەن كەيىنگى كەزەڭ: 2018 جىلعى 6 شىلدەدەن باستاپ - 2018 جىلعى 31 جەلتوقسانعا دەيىن. ياعني, 2018 جىل مەرەيتويلىق جىل بولعاننان كەيىن, جوسپارلانعان ءىس-شارالار جىل بويى وتكىزىلەتىن بولادى.
استانانىڭ 20 جىلدىعىن دايىنداۋ جانە وتكىزۋ بويىنشا كوميسسيا قۇرامى بەكىتىلدى. ونىڭ توراعاسى - قر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ. توراعانىڭ ورىنباسارلارى - قر پرەمەر-ءمينيسترىنىڭ ءبىرىنشى ورىنباسارى اسقار مامين مەن استانا قالاسىنىڭ اكىمى اسەت يسەكەشەۆ. حاتشىسى - استانا قالاسى اكىمى اپپاراتىنىڭ باسشىسى بەرىك جاكەنوۆ.
