سەنىم گراموتالارىن قابىلدادى

كەشە مەملەكەت باسشىسى نۇرسۇلتان نازارباەۆ اقوردادا برازيليا, گەرمانيا جانە اقش ەلشىلەرىنەن سەنىم گراموتالارىن قابىلدادى. سەنىم گراموتاسىن ءبىرىنشى كەزەكتە تاپسىرعان برازيليا فەدەراتيۆتىك رەسپۋبليكاسىنىڭ ءتو­تەن­شە جانە وكىلەتتى ەلشىسى وس­ۆال­دو بياتو جۋنيور قازاقستاندا ۇستىمىزدەگى جىلدىڭ 7 قىر­كۇيە­گى­نەن باستاپ جۇمىسقا كىرىسكەن ەكەن. ول بۇعان دەيىن بىرقاتار ەلدەردە, سونىڭ ىشىندە قىتاي مەن رەسەيدە ديپلوماتيالىق قىزمەت اتقارىپتى. وسى سالاداعى جۇمىس تاجىريبەسىنە 30 جىلدان استام ۋاقىت بولعان. مۇنان كەيىن ەلباسى ەلىمىزدە 12 تامىزدان بەرى قىزمەت اتقارىپ جاتقان گەرمانيا فەدەراتيۆتىك رەسپۋبليكاسىنىڭ توتەنشە جانە وكىلەتتى ەلشىسى گيدو گەرتستەن سەنىم گراموتاسىن قابىلدادى. 60 جاستاعى گيدو گەرتس تە بۇعان دەيىن اتالعان ەلدىڭ ەۋروپا وداعىن­داعى وكىلدىگىندە, تۋنيستە, رەسەيدە, تانزانيادا وكىلەتتى قىزمەت­تەر اتقارعان باي تاجىريبەلى ديپلومات بولىپ تابىلادى. قازاقستان باسشىسىنا ءۇشىنشى بولىپ سەنىم گراموتاسىن تاپ­سىر­عان اقش-تىڭ توتەنشە جانە وكىلەتتى ەلشىسى كەننەت فەيرفاكس 1959 جىلدىڭ 11 ناۋرىزىندا كەن­­تۋككي شتاتىنىڭ لۋيسۆيلل قا­لا­سىندا دۇنيەگە كەلىپتى. ول دا وماندا, وڭتۇستىك كورەيادا, رەسەيدە, كانادادا, ۋكراينادا, پول­شادا, ۆەتنامدا, يراكتا ديپ­لو­ما­تيالىق قىزمەتتەر اتقارىپ, ءاب­دەن ىسىلعان. قازاقستانعا قىر­كۇيەك ايىنىڭ سوڭىندا كەلگەن ەكەن. اتالعان ەلشىلەردەن سەنىم گرا­موتالارىن قابىلداعاننان كەيىن ەلباسى قىسقاشا ءسوز سويلەپ, ەلشىلەردى قىزمەتتەرىمەن قۇتتىق­تادى. ولاردىڭ قىزمەتكە كىرىسۋى قازاقستان تاۋەلسىزدىگىنىڭ 20 جىلدىق ءدۇبىرلى مەرەكەسىنىڭ قار­سا­ڭىنا سايكەس كەلگەندىگىن اتاپ ءوتىپ, مەملەكەت تاراپىنان ولار­دىڭ جۇمىسىنىڭ جەمىستى بولۋى­نا, ەل مەن ەلدىڭ اراسىن جاقىن­داستىرۋىنا, ىنتىماقتى قارىم-قاتىناستى ودان ءارى نى­عاي­تۋلارىنا بارلىق مۇمكىندىكتەر جاسايتىندىعىن اتاپ كورسەتتى. مۇنان كەيىن پرەزيدەنت قا­زاق­ستاننىڭ برازيليامەن, گەرمانيامەن, امەريكا قۇراما شتات­تارى­مەن قارىم-قاتىناستارىنا  جەكە-جەكە توقتالىپ ءوتتى. قازاقستاننىڭ اقش-پەن قا­رىم-قاتىناسىندا ستراتەگيالىق ارىپتەستىكتىڭ ورنىققاندىعىن, ىن­­تى­ماقتاستىقتىڭ بارلىق با­عىت­­تارى بويىنشا العا باسۋدىڭ ايقىن سەزىلىپ وتىرعاندىعىن, ەكى ەل اراسىندا 2012 جىلعا دەيىنگى مەرزىمدى قامتيتىن باعدارلاما تۇزىلگەندىگىن, ونى ورىنداۋعا ۇلەس قوسۋ ەلشىگە ابىرويلى مىندەت جۇكتەيتىندىگىن جەتكىزدى. ال گەرمانيا – قازاقستاننىڭ ەۋروپالىق وداقتاعى جەتەكشى ارىپتەستەرىنىڭ ءبىرى. ەكى ەل ارا­سىن­داعى تاۋار اينالىمىنىڭ جىل­دىق كورسەتكىشى 3,5 ملرد. دوللارعا جەتىپ وتىر. بىلتىر گەر­مانيانىڭ قازاقستانداعى جىلى تابىسپەن ءوتتى. ەندى قا­رىم-قاتىناستى ودان ءارى دامىتۋ ماسەلەسىنە توقتالا كەلە, قازاق­ستان باسشىسى گەرمانيا فەدەراتيۆتىك رەسپۋبليكاسىنىڭ بىرلىگى كۇنى بولىپ سانالاتىن 3 قا­زان­داعى مەرەكەلەرىمەن قۇتتىقتاپ ءوتتى. قازاقستان مەن برازيليا ارا­سىنداعى قارىم-قاتىناستار دا دامۋ ۇستىندە. برازيليا – قازاق­ستاننىڭ لاتىن امەريكاسىنداعى سەنىمدى ارىپتەستەرىنىڭ ءبىرى. ەكى ەل اراسىندا پارلامەنتارالىق ىن­تى­ماقتاستىق جاقسى ۇدەرىس الىپ كەلەدى. اۋىل شارۋاشىلىعى, تۋريزم, سپورت سالالارى بويىنشا قارىم-قاتىناستاردىڭ نىعايا ءتۇس­كەندىگى سەزىلەدى. دەگەنمەن, ەكى ەل اراسىنداعى ساۋدا-ەكونوميكالىق قارىم-قاتىناستى ودان ءارى دا­مى­تا ءتۇسۋ قاجەت. ەلشىلەر ەلباسىنا سەنىم گراموتالارىن تاپسىرىپ, قىسقا­شا پىكىر الماسقاننان كەيىن بۇقا­رالىق اقپارات قۇرالدارى وكىل­دەرىنىڭ الدىنا شىقتى. برازيليا ەلشىسى وسۆالدو بياتو جۋنيور قازاقستانعا كەلىپ قىز­مەت ىستەۋ, مەملەكەت باسشىسى نۇرسۇلتان نازارباەۆقا سەنىم گراموتاسىن تاپسىرۋ وزىنە ۇلكەن قۇرمەت ەكەندىگىن ايتتى. يادرولىق قارۋلاردى تاراتپاۋ جونىندەگى قازاقستاننىڭ باستاماشىلىعىن جوعارى باعالايتىندىعىن جەتكىزدى. امەريكا قۇراما شتاتتارى­نىڭ ەلشىسى كەننەت فەيرفاكس ءوزى­نىڭ قازاقستان تاۋەلسىزدىگىنىڭ 20 جىلدىعى قارساڭىندا وسى قىز­مەت­كە كىرىسۋىن باقىت دەپ باعا­لاي­تىندىعىن, ەكى ەل اراسىنداعى قارىم-قاتىناس قارقىندى تۇردە دامۋ ۇستىندە ەكەندىگىن, بۇل قا­رىم-قاتىناس قاۋىپسىزدىك ءجونىن­دە­گى ىنتىماقتاستىقتان باستاۋ الىپ, قازىرگى كۇنى ادامدار ارا­سىنا دەيىن جەتكەندىگىن اتاپ كورسەتتى. تاياۋدا قازاقستان ءوز تاۋەلسىزدىگىنىڭ  20 جىلدىق مەرەكەسىن اتاپ وتپەك. سونىمەن قاتار, قازاقستان مەن اقش اراسىندا ديپلوماتيالىق قارىم-قاتى­ناس­تىڭ ورنىققانىنا دا وسىنشاما ۋاقىت بولماق.  مىنە, وسى ءما­سە­لە­لەرگە توقتالا كەلگەن ەلشى ءوزىنىڭ جاڭا قىزمەتىندە ەكى ەل ارا­سىن­داعى قالىپتاسقان ورنىقتى باي­لانىستى ودان ءارى نىعايتۋعا قىزمەت ەتەتىندىگىن جەتكىزدى. گەرمانيا فەدەراتيۆتىك رەس­پۋب­ليكاسىنىڭ ەلشىسى گيدو گەرتس ءدۇبىرلى وقيعاعا تولى قازاق­ستان­نىڭ جاڭا تاريحىندا وسى اپتا­نىڭ دا ماڭىزدى وقيعالارمەن ەرەكشەلەنگەندىگىن, سەمەي پولي­گو­نىنىڭ جابىلعانىنىڭ 20 جىل­دى­عى اتاپ وتىلگەندىگىن ايتتى. قازاقستان بىلتىر ەقىۇ-عا توراعالىق جاساسا, بيىل يسلام ىنتىماقتاستىق ۇيىمىنا جەتەكشىلىك ەتۋدە. مۇنىڭ ءوزى 20 جىل ىشىندە ەلدىڭ ۇلكەن بەدەلگە يە بولعاندىعىن بىلدىرەدى. وسى ماسەلەلەرگە توقتالىپ وتكەن ەلشى   قازاقستان مەن گفر اراسىندا شيكىزات,  ونەركاسىپ سالالا­رىن­دا­عى قارىم-قاتىناستى نىعايتۋ تۋرالى جاڭا كەلىسسوزدەردىڭ ءساتتى اياقتالعاندىعىن اتاپ كورسەتە كەلە, بۇل جاعدايدىڭ ەكى جاقتى ىنتىماقتاستىققا جاڭا سەرپىن بەرەتىندىگىن جەتكىزدى. سۇڭعات ءالىپباي.