كەڭەس وتىرىسىن قازاقستان رەسپۋبليكاسى پرەزيدەنتىنىڭ جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى ديرەكتورىنىڭ ورىنباسارى ءازىمحان قويلىباەۆ جۇرگىزىپ وتىردى. سونداي-اق اتالعان ءىس-شاراعا وڭىرلىك «قوعامدىق كەلىسىم» كوممۋنالدىق-مەملەكەتتىك مەكەمەسىنىڭ باسشىلارى – دوستىق ۇيلەرىنىڭ ديرەكتورلارى, قازاقستان حالقى اسسامبلەياسى, ەتنومادەني بىرلەستىكتەردىڭ مۇشەلەرى جانە ەتنواعارتۋ كەشەندەرىنىڭ وقىتۋشىلارى قاتىستى. جيىندا اۋەلى جامبىل وبلىسى اكىمىنىڭ ورىنباسارى ەرقانات مانجۋوۆ ءسوز سويلەپ, وبلىستىق قازاقستان حالقى اسسامبلەياسىنىڭ جانە «دوستىق» ءۇيىنىڭ بۇگىنگى تاڭدا اتقارىپ وتىرعان جۇمىستارىنا توقتالدى. ەلىمىزدە باستاۋ العان رۋحاني جاڭعىرۋ نەگىزىندە دە بىرقاتار ناتيجەلەرگە قول جەتكىزگەنىن اتاپ ءوتتى.
بۇدان كەيىن استانا قالاسىنان كەلگەن «وزبەك ەتنومادەني بىرلەستىگى» قوعامدىق بىرلەستىگىنىڭ توراعاسى, «دىندەردى زەرتتەۋ ورتالىقتارى» قاۋىمداستىعىنىڭ ساراپشىسى شەرزود پۋلاتوۆ «رۋحاني جاڭعىرۋدىڭ فاكتورى رەتىندە قازاقستاندىق بىرەگەيلىكتى نىعايتۋ» تاقىبىرىندا بايانداما جاسادى. ءوز سوزىندە شەرزود اببوز ۇلى ەلىمىزدىڭ بۇگىنگى تاڭدا بىرەگەيلىك پەن تاتۋلىقتى ساقتاپ وتىرعان بىردەن-ءبىر مەملەكەت ەكەنىن اتاپ ءوتىپ, قازاقستاندىق بىرەگەيلىكتى نىعايتۋ جونىندە ويلارىن ايتتى. سونداي-اق «ۆىنحۋا» جامبىل وبلىستىق دۇنگەن مادەني ورتالىقتارىنىڭ قاۋىمداستىعى» قوعامدىق بىرلەستىگىنىڭ پرەزيدەنتى رۋسلان يسمازوۆ جاڭاقازاقستاندىق ءپاتريوتيزمدى تاربيەلەۋدەگى قوعامدىق ۇيىمداردىڭ ءرولى جونىندە ايتىپ وتسە, باتىس قازاقستان وبلىسى اكىمى اپپاراتىنىڭ «قوعامدىق كەلىسىم» كوممۋنالدىق-مەملەكەتتىك مەكەمەسى ديرەكتورىنىڭ ورىنباسارى جامال يحسانوۆا «وبلىستىق قازاقستان حالقى اسسامبلەياسى قوعامدىق كەلىسىم كەڭەسىنىڭ جۇمىستارىن ۇيىمداستىرۋ جونىندە» ءسوز سويلەدى. ال الماتى وبلىسى اكىمى اپپاراتىنىڭ «دوم درۋجبى – قوعامدىق كەلىسىم» كوممۋنالدىق-مەملەكەتتىك مەكەمەسىنىڭ ديرەكتورى تاڭىربەرگەن قاسىمبەركەباەۆ قايىرىمدىلىق بويىنشا جۇمىستاردىڭ نەگىزگى باعىتتارى جونىندە اڭگىمەلەسە, ماڭعىستاۋ وبلىسى اكىمى اپپاراتىنىڭ «قوعامدىق كەلىسىم» كوممۋنالدىق-مەملەكەتتىك مەكەمەسىنىڭ ديرەكتورى امانكۇل جايىلحانوۆا قازاقستان حالقى اسسامبلەياسى مەدياتسيا كابينەتتەرىنىڭ مەملەكەتتىك ورگاندار جانە ازاماتتىق قوعام ينستيتۋتتارىمەن ءوزارا ءىس-قيمىلىنىڭ تەتىكتەرى جونىندە وي ءبولىستى.
جالپى, بۇگىندە رۋحاني جاڭعىرۋ نەگىزىندە جاستارمەن جۇمىس جۇرگىزۋدەگى يننوۆاتسيالىق جوبالار ماڭىزدى. بۇل جونىندە سولتۇستىك قازاقستان وبلىسى اكىمى اپپاراتىنىڭ «قوعامدىق كەلىسىم» كوممۋنالدىق-مەملەكەتتىك مەكەمەسىنىڭ ديرەكتورى اسەمگۇل ەسقوجا ايتىپ بەردى. سونداي-اق اقمولا وبلىسى اكىمى اپپاراتىنىڭ «قوعامدىق كەلىسىم» كوممۋنالدىق-مەملەكەتتىك مەكەمەسى ديرەكتورىنىڭ ورىنباسارى مانات يسماعۇلوۆ, جەزقازعان قالاسى «دوستىق جانە مادەنيەت ءۇيى» مەكەمەسىنىڭ كوركەمدىك جەتەكشىسى عاينياش مەرگەنوۆا جانە شىعىس قازاقستان وبلىسى, بورودۋليحا اۋدانى دوستىق ءۇيى كوممۋنالدىق-مەملەكەتتىك قازىنالىق كاسىپورنىنىڭ ديرەكتورى الەكساندرا شپيلكينا ءسوز سويلەپ, ءوز پىكىرلەرىن ءبىلدىردى. سونىمەن قاتار وتىرىس بارىسىندا رۋحاني جاڭعىرۋدىڭ فاكتورى رەتىندە قازاقستاندىق بىرەگەيلىكتى نىعايتۋ, جاڭاقازاقستاندىق ءپاتريوتيزمدى تاربيەلەۋدەگى قوعامدىق ۇيىمدار ءرولىنىڭ ماسەلەلەرى دە تالقىلاندى. سونداي-اق قازاقستان حالقى اسسامبلەياسىن, دوستىق ۇيلەرىن دامىتۋ تۇجىرىمداماسىنىڭ ەكىنشى كەزەڭىنە سايكەس, كوممۋنالدىق-مەملەكەتتىك مەكەمەلەر مەن دوستىق ۇيلەرى قىزمەتكەرلەرىنىڭ بىلىكتىلىكتەرىن ارتتىرۋ ماسەلەسى دە قارالدى. وتىرىستا ديرەكتورلار الماتى, باتىس قازاقستان جانە جامبىل وبلىستارىنىڭ مىسالىندا دوستىق ۇيلەرىنىڭ جۇمىس تاجىريبەسى, وبلىستىق قازاقستان حالقى اسسامبلەياسى «قوعامدىق كەلىسىم» كەڭەسىنىڭ جۇمىستارىن ۇيىمداستىرۋ, سونداي-اق قازاقستان حالقى اسسامبلەياسى قىزمەتىنىڭ جاڭا باعىتتارى بولىپ سانالاتىن قايىرىمدىلىقتى, مەدياتسيانى دامىتۋ ماسەلەلەرى بويىنشا دا پىكىر الماستى.
وتىرىس شەڭبەرىندە تىلدەردى ۇيرەتۋدىڭ يننوۆاتسيالىق ادىستەرىنە, بارشاعا ارنالعان مەدياتيۆتىك تەحنولوگيا تاقىرىبىنا ارنالعان «بىلىكتىلىكتى كوتەرۋ جۇيەسى: داستۇرلەر مەن يننوۆاتسيالار», «قازاقستاننىڭ 100 جاڭا تۇلعاسى», «بارشاعا ارنالعان مەدياتيۆتىك تەحنولوگيا» تاقىرىپتارىندا پانەلدىك پىكىرسايىستار مەن سەمينار-ترەنينگتەر دە ۇيىمداستىرىلدى.
حاميت ەسامان,
«ەگەمەن قازاقستان»
جامبىل وبلىسى
