ولاردىڭ قاتارىندا Siemens VAI (اۆستريا), Mitsui & Co ي Nippon Steel (جاپونيا), ەۆراز حولدينگ (رەسەي), Kardemir (تۇركيا), NDT Technologies Inc. (كانادا) تاعى باسقا دا كومپانيالار بار.
«قتج» ۇك» اق ينفراقۇرىلىم جوبالارى جونىندەگى ۆيتسە-پرەزيدەنت ب. ورىنباساروۆ قر پرەمەر-ءمينيسترىنىڭ ءبىرىنشى ورىنباسارى ا. ءماميننىڭ وتىرىسقا قاتىسۋشىلارعا قۇتتىقتاۋىن وقىپ بەردى.
1520 جولتابانى كەڭىستىگىندەگى رەلس ونىمدەرىن دايىنداۋ مەن پايدالانۋدا رەلس كوميسسياسىنىڭ ءرولى زور ەكەندىگى ايتا كەلىپ ا. مامين «اقتوبە رەلس ارقالىعى زاۋىتى مەملەكەت باسشىسىنىڭ تاپسىرماسىمەن سالىنعان ەۋرازيا كەڭىستىگىندەگى بالاماسىز زامانۋي ۇلگىدەگى كاسىپورىن. مۇندا اسا جوعارى ساپالى باسەكەلەستىككە ساي ءونىم وندىرىلەدى»,-دەدى.
«قتج» ۇك» اق ۆيتسە-پرەزيدەنتى ب. ورىنباساروۆ رەلس ءوندىرۋدى قازاقستاننىڭ تەمىرجول كولىگى ماشيناسىن جاساۋ سالاسىنداعى باسىم باعىتتاردىڭ ءبىرى ەكەندىگىن «قازاقستان اۋماعىنداعى تۇڭعىش رەلس ونىمدەرىن شىعارۋ تەمىرجول كولىگى سالاسىنىڭ ماڭىزدى كەزەڭى ەكەندىگىن» اتاپ ءوتتى.
«اقتوبە رەلس ارقالىعى زاۋىتىنىڭ ونىمدەرى «نۇرلى جول» مەملەكەتتىك باعدارلاماسى اياسىنداعى: الماتى-شۋ تەمىرجول جەلىسىنىڭ ەكىنشى تەلىمى, جاڭا قۇرىق تەڭىز پورتىنىڭ ينفراقۇرىلىمى, استانا جاڭا ۆوكزالى كەشەنى قۇرىلىستارىندا كەڭىنەن پايدالانىلۋدا», دەيدى ب. ورىنباساروۆ.
زاۋىت ونىمدەرى ءتيىستى ستەندىلىك, الاڭداعى سىناقتاردىڭ بارلىعىنان وتكىزىلدى. قاۋىپسىزدىك, ساپالىق, تەحنيكالىق رەگلامەنت جانە حالىقارالىق ستاندارت تالاپتارىنا ساي.
قازىرگى تاڭدا اراز كاسىپورنى اۋماعىندا جۇردەك قوزعالىسقا ارنالعان رەلستىڭ ر65 سىنىپتى دت 350 جانە دت 350 سس تۇرلەرى شىعارىلادى.
