قازاقستان رەسپۋبليكاسىنىڭ ەڭبەك سىڭىرگەن ءارتيسى, مەملەكەتتىك سىيلىقتىڭ لاۋرەاتى, وبلىستىق قازاق دراما تەاترىنىڭ اكتەرى سەردەش قاجىمۇراتوۆ توراعالىق ەتكەن قازىلار القاسىنىڭ قۇرامىنا قازاقستان جازۋشىلار وداعىنىڭ مۇشەسى, قازاقستان-ورال تەلەارناسىنىڭ رەداكتورى, اقىن-جۋرناليست مۇنايدار بالمولدا, «ەرەن ەڭبەگى ءۇشىن» مەدالىنىڭ يەگەرى, ع.قۇرمانعاليەۆ اتىنداعى وبلىستىق فيلارمونيا ءانشىسى, حالىقارالىق, رەسپۋبليكالىق بايقاۋلاردىڭ لاۋرەاتى جاڭىلسىن حاسانوۆا, حالىقارالىق, رەسپۋبليكالىق بايقاۋلاردىڭ جۇلدەگەرى, قۇرمانعازى اتىنداعى ساز كوللەدجىنىڭ اعا ۇستازى ەربول عۇبايدۋللين, حالىقارالىق, رەسپۋبليكالىق بايقاۋلاردىڭ لاۋرەاتى, ءانشى-تەرمەشى, قۇرمانعازى اتىنداعى ساز كوللەدجىنىڭ وقىتۋشىسى ارمات يسليامعاليەۆ, ءVىىى جانە ءححى حالىقارالىق «شابىت» شىعارماشىل جاستار فەستيۆالىنىڭ لاۋرەاتى, ءىى جانە ءىىى شارا جيەنقۇلوۆا اتىنداعى رەسپۋبليكالىق قازاق بي بايقاۋىنىڭ لاۋرەاتى, ع.قۇرمانعاليەۆ اتىنداعى وبلىستىق فيلارمونيا جانىنداعى «نازەركە» حالىق بي ءانسامبلىنىڭ جەتەكشىسى اقمارال تاسبولاتوۆا, قر سۋرەتشىلەر وداعىنىڭ مۇشەسى, وبلىستىق قازاق دراما تەاترىنىڭ باس سۋرەتشىسى قايىر ورازعاليەۆ, قر سۋرەتشىلەر وداعىنىڭ مۇشەسى, قۇرمانعازى اتىنداعى ساز كوللەدجىنىڭ اعا وقىتۋشىسى ءاشىم تاسقاليەۆ, بقمۋ دوتسەنتى, مۋزىكالىق ءبىلىم ماگيسترى, ءانشى-سازگەر, قالالىق ۆيا كوركەمدىك جەتەكشىسى قۋانىش قيسمەتوۆتەر كىرگەن ەدى.
جاستار مادەنيەت ءۇيى الدىندا «قىزعالداقتار» بي ءانسامبلىنىڭ «جاسا, قازاقستان» فلەشموب بيىمەن باستالعان ونەر باسەكەسى وتە تارتىستى بولدى. جىل سايىن وتەتىن ءداستۇرلى باسەكە جەڭىمپازدارى كەيىن رەسپۋبليكالىق دەڭگەيدە ءوڭىر نامىسىن قورعايتىن بولعاندىقتان ونەرپازدار بارىن سالدى. ءسويتىپ, ءار جانر بويىنشا مىقتىلار انىقتالدى.
فەستيۆال قورىتىندىسى بويىنشا «حالىق مۋزىكاسى» (دومبىرامەن ءان سالۋ) جانرى بويىنشا – ءى ورىن گاينەدەنوۆا اميناعا (ورال قالاسى), دومبىرا-كۇي جانرى بويىنشا – ءى ورىن سراليەۆ تەمىرلانعا (جاڭاقالا اۋدانى), «ەسترادالىق ۆوكال» جانرى بويىنشا – ءى ورىن ماعزۋموۆ ەلجاس پەن مۇراتوۆ يسلام دۋەتىنە (تەرەكتى اۋدانى) بەرىلدى.
«ادەبي شىعارما» جانرىنان ءبىرىنشى ورىندى سىرىم اۋدانىنان كەلگەن جاس پروزاشى عاپاروۆا سايدا ۇتىپ السا, «ساتيرا» جانرىنان جانىبەكتىك باعداگۇل قاراباسوۆاعا ەشكىم تەڭ كەلمەدى.
مىڭ بۇرالعان بيشىلەر اراسىنان ورالدىق ارۋجان سەرىكباەۆا جەكە بيلەپ, ۇزدىك شىقتى. «بەينەلەۋ ونەرى» جانرى بويىنشا زەلەنوۆ اۋدانىنان كەلگەن الىبەك رولانوۆ جەڭىمپاز دەپ تانىلدى. جانىبەك اۋدانىنان كەلگەن ناعيما تولەبەكوۆا «كەسكىندەمە» جانرىندا ەڭ ۇزدىك شىعارمانىڭ يەسى اتاندى.
جەڭىمپازداردىڭ بارىنە دە ارنايى ديپلومدارمەن ماراپاتتالىپ, گالا-كونتسەرتتە ونەر كورسەتتى.
قازبەك قۇتتىمۇرات ۇلى
«ەگەمەن قازاقستان»
