الايدا, بۇل تارتىپكە باعىنباي, باستارىنا اق جاۋلىق وراپ, ورامال تارتىپ كەلەتىن وقۋشىلار دا كەزدەسىپ ءجۇر. مىسالى, وتكەن وقۋ جىلىندا 160 وقۋشى قىزدىڭ مەكتەپكە ورامالمەن كەلگەنى انىقتالسا, بيىل بۇل سان 200-دەن اسقان. وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا زەرتتەۋ جۇمىستارى بالالاردىڭ ورامالعا تىم ەرتە قۇمارتۋىنا اتاانالارىنىڭ ىقپالى بارىن كورسەتكەنىن ايتادى. ال وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ءدىن ىستەرى باسقارماسىنىڭ باسشىسى قايروللا كوشقاليەۆ مەكتەپكە ورامال تاعىپ كەلۋ زاڭعا قايشى ەكەنىن ەسكەرتتى.
– وتكەن جىلدىڭ قىركۇيەك ايىندا ءۇش كەزەڭ بو-يىنشا ءتۇسىندىرۋ جۇمىستارىن باستاعان ەدىك. ءبىرىنشى كەزەڭدە جەتىلدىرۋ, قالاداعى مەكتەپ وقۋشىلارى مەن پسيحولوگتارى, اتا-انالارىنىڭ قاتىسۋىمەن ءتۇسىندىرۋ, اقپارات بەرۋ جۇمىستارى جۇرگىزىلدى. ناتيجەسىندە ورامال تاققان 136 وقۋشىنىڭ توقساننان استامى كادىمگى مەكتەپ فورماسىن كيدى. ەكىنشى كەزەڭدە جەكە كەزدەسۋ جۇمىستارىن وتكىزدىك. وقۋ جىلى بىتكەنشە جۇمىس ءجۇردى. ونىڭ دا وڭ ناتيجەسى بولدى. ءۇشىنشى كەزەڭدە اكىمشىلىك قۇقىق بۇزۋشىلىق تالاپتارى بويىنشا شارا قولدانىلادى, – دەيدى ق.كوشقاليەۆ.
باقىتگۇل باباش,
«ەگەمەن قازاقستان»
اتىراۋ
