جوعارىدا كورسەتىلگەن ماسەلەلەردى شەشۋ ماقساتىندا الماتى قالالىق ءدىن ىستەرى جونىندەگى باسقارماسىنىڭ «ساراپتاما جانە زەرتتەۋ ورتالىعى» «الماتى قالاسىنىڭ ينتەراكتيۆتى ءدىني كارتاسى» جوباسىن جۇزەگە اسىردى. سالا ساراپشىلارى جاڭا جوبانىڭ حالىقتىڭ ءدىني ساۋاتىن كوتەرۋگە ىقپالىن تيگىزەدى دەپ وتىر.
ەكى تىلدە, ەرەكشە ديزاينمەن جاسالعان جوبا بارلىق گادجەت تۇرلەرىنە بەيىمدەلگەن ارنايى ەلەكتروندى پورتال تۇرىندە شىعارىلدى.
سايتتىڭ باستى بەتىندەگى «ينتەراكتيۆتى كارتادا» قالانىڭ بارشا ءدىني ۇيىمدارى, كۋلتتىك عيماراتتارى, ءدىني ادەبيەتتەر تاراتاتىن ورىندارى مەن باسقا دا نىساندار تولىق سيپاتتالعان. بۇل كارتانىڭ باستى ارتىقشىلىعى, الماتىلىقتاردىڭ باقىلاۋ پروتسەسىنە ارالاسا الادى. سايت قىزمەتى حابارلامالار مەن فوتو-بەينەماتەريالداردى تىركەپ, كارتادا ناقتى گەوپوزيتسياسىن كورسەتىپ, سايت ارقىلى جىبەرۋدى قاراستىرادى.
جوبا ناقتى ىسكە كىرىسكەن كەزدە قالا تۇرعىندارى زاڭدى تۇردە قىزمەت ەتىپ جاتقان ءدىني ۇيىمدار, كۋلتتىك عيماراتتار مەن ميسسيونەرلەر جايلى حاباردار بولىپ وتىرادى. بۇل ءوز كەزەگىندە تۇرعىنداردىڭ تىركەلمەگەن ءدىني اعىمدار مەن دەسترۋكتيۆتى كۋلتتەرگە تارتىلۋىن ايتارلىقتاي ازايتادى دەپ كۇتىلۋدە.
– البەتتە راديكالدى جانە ەكسترەميستىك توپتار مەن ءدىني اعىمداردىڭ, وعان قوسا ءدىني كۋلتتەردىڭ تارالۋى قوعامىمىزعا ۇلكەن زاردابىن تيگىزەدى. نەگە دەسەڭىز, باقىلاۋسىز ءوز بەتىمەن كەتكەن اعىمدار قاي جاققا باستايتىنى بەلگىلى. ءدىن ىستەرى باسقارماسى مەن «ساراپتاما جانە زەرتتەۋ» ورتالىعىنىڭ بىرىككەن جوباسى – ينتەراكتيۆتى كارتا وسىنداي اعىمداردىڭ ىقپالىنان ادامداردى ساقتاندىرۋعا سەپتىگىن تيگىزەدى. سەبەبى رەسۋرس اشىق ءارى كەز كەلگەن قولدانۋشى كىرە الادى. بارلىق اقپارات قولجەتىمدى, – دەيدى ورتالىقتىڭ باس ساراپشىسى اسحات قۇماشەۆ.
ايناش ەسالي,
«ەگەمەن قازاقستان»
الماتى
