تارقاتا ايتار بولساق, تاياۋدا ۇەۇ-نىڭ قىزمەتى تۋرالى اقپاراتتىڭ قولجەتىمدىلىگىن قامتاماسىز ەتۋ ماقساتىندا ۇكىمەتتىك ەمەس ۇيىمداردىڭ دەرەكتەر بازاسى قۇرىلعان-دى. ازاماتتار ۇەۇ دەرەكقورى ارقىلى وسى ۇيىمداردىڭ قىزمەتىنە قاتىستى قاجەتتى اقپاراتتى الا الادى. سونىمەن قاتار بۇل دەرەكقوردىڭ كومەگىمەن ۇەۇ-لار ءبىر-بىرىمەن اقپارات الماسىپ, ءوزارا بايلانىس ورناتاتىن بولادى. ۇەۇ دەرەكقورى ۇكىمەتتىك ەمەس ۇيىمداردىڭ قىزمەتىنىڭ اشىقتىعىن قامتاماسىز ەتۋ جانە ولاردىڭ جۇمىسىمەن حالىقتى اقپاراتتاندىرۋ ماقساتىندا, سونداي-اق مەملەكەتتىك الەۋمەتتىك كەلىسىمشارتتاردى ورنالاستىرۋ, گرانتتار بەرۋ جانە جۇلدەلەردى تاعايىنداۋ شەڭبەرىندە قولدانۋ ءۇشىن قۇرىلعان اقپاراتتىق الاڭ بولىپ تابىلادى.
قازىرگى تاڭدا ۇەۇ دەرەكقورىندا قازاقستاندىق جانە شەتەلدىك 3 مىڭداي ۇيىمنىڭ تاجىريبەلەرى تۋرالى اقپارات كورسەتىلگەن. ۇەۇ دەرەكتەر بازاسىنداعى اقپاراتتار ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتىنە جىل سايىن 31 ناۋرىزعا دەيىن ۇسىنىلۋى ءتيىس.
اقپاراتتار ۇەۇ دەرەكقورىنىڭ ينتەرنەت-پورتالى ارقىلى (infonpo.kz) پوشتا ارقىلى نەمەسە قاعاز جانە ەلەكتروندى باق ارقىلى ۇسىنىلادى.
نەگىزىندە, اقپاراتتى ينتەرنەت-پورتال ارقىلى بەرۋ جۇمىس پروتسەسىن جەڭىلدەتەدى, ەسەپتى تولتىرۋدىڭ دۇرىستىعىنا ىقپال ەتەدى ايتا كەتۋ كەرەك, ينتەرنەت-پورتالعا ۇيىمنىڭ حقو-دان (حالىققا قىزمەت كورسەتۋ ورتالىقتارى) الىنعان ەسق (ەلەكتروندى تسيفرلى قولتاڭبا) كىلتى ارقىلى تىركەلۋگە بولادى.
دەرەكقورعا اقپاراتتى ۇسىنباۋ, ۋاقىتىندا بەرمەۋ, سونداي-اق جالعان نەمەسە بۇرىس اقپارات بەرگەن جاعدايدا اكىمشىلىك جاۋاپكەرشىلىككە تارتۋ قاراستىرىلعان. اكىمشىلىك قۇقىق بۇزۋشىلىق تۋرالى كودەكستىڭ 489-1-بابىنا سايكەس, قۇقىق بۇزۋشىلىق ورىن العان جاعدايدا ەسكەرتۋ جاسالادى, ال قايتالاناتىن بولسا, 25 اەك مولشەرىندە ايىپپۇل سالىنادى نەمەسە زاڭ بۇزۋشىلىق جاساعان ۇيىمنىڭ قىزمەتى ءۇش اي مەرزىمگە توقتاتىلادى.
ەستەرىڭىزگە سالا كەتەيىك, قازاقستاندا بۇگىندە 19 680 ۇكىمەتتىك ەمەس ۇيىم تىركەلگەن, ونىڭ 13 879-ى ءوز قىزمەتىن بەلسەندى جۇرگىزۋدە.
جولدىباي بازار,
«ەگەمەن قازاقستان»
