– سەرگەي, ەرتەڭگى ويىن تۋرالى قانداي پىكىردەسىز؟
– رۋمىنيا قۇراماسى جاڭا باپكەردىڭ قول استىندا العاشقى ويىندارىن وتكىزبەك. سوندىقتان ولار ءوز جەرىندە, جانكۇيەرلەرى الدىندا ويناعان سوڭ جەڭىسكە جەتۋگە تىرىسادى. دەگەنمەن ءبىز دە رۋمىنياعا جەڭىس ءۇشىن كەلگەنىمىزدى ايتقىم كەلەدى.
– ەكى قۇراما دا الەم چەمپيوناتىنا شىعۋ مۇمكىندىگىنەن ايىرىلدى. ەرتەڭگى ماتچتان جانكۇيەرلەر تارتىستى ويىن كۇتۋىنە بولا ما؟
– ارينە, جانكۇيەرلەر ءۇشىن ءاربىر ويىن ماڭىزدى. رۋمىنياعا جەڭىس ءۇشىن كەلگەن سوڭ, بارىمىزدى سالىپ ويىناۋعا تىرىسامىز. جانكۇيەرلەر ءۇشىن دە ەرتەڭگى ويىن تارتىستى بولادى دەپ ويلايمىن.
- قازاقستاندا فۋتبول ماۋسىمى اياقتالۋعا جاقىن. ءوز مۇمكىندىگىڭىزدى قالاي باعالايسىز؟ شارشاپ قالعان جوقسىز با؟
- ۇلتتىق قۇراما ءۇشىن كەز كەلگەن فۋتبولشى تاڭعى التىدا تۇرۋعا دايىن. سونىمەن قاتار, ويىنشى الاڭعا شىعىپ, جاقسى ويىنىمەن ءوزىن ۇلتتىق قۇراماعا بەكەر شاقىرىلماعانىن دالەلدەۋ كەرەك دەپ ەسەپتەيمىن. ال, شارشاۋ تۋرالى فۋتبولشىلاردا ءسوز بولماۋى كەرەك. ءبىزدىڭ ماقسات - الاڭعا شىعىپ, بەرىلگەن تاپسىرمانى 100 پايىز ورىنداۋ.
ءالي بيتورە,
«ەگەمەن قازاقستان» –
بۋحارەستتەن
سۋرەت اۆتورى – ءىلياس وماروۆ
