قايتارىمسىز تەگىن ۆاكتسينانى 1 قىركۇيەككە دەيىن «ۆيزانتيا» ۆەتەرينارلىق كلينيكاسىندا الۋعا بولادى. بۇگىنگە دەيىن 1 مىڭنان استام جانۋار ەكپە سالدىردى, تاعى 4 مىڭعا جۋىق يت پەن مىسىق ەگىلەدى دەپ كۇتىلۋدە.
مامانداردىڭ ايتۋىنشا قۇتىرمانىڭ نەگىزگى تاراتۋشىسى جابايى تۇلكى مەن اتجالماندار. ۆەتەرينارلاردىڭ ايتۋىنشا, ەكپەنى ۋاقىلى جاساسا ءۇي جانۋارلارىنا بۇل دەرتتەن قاۋىپ جوق.
«استانا ۆەتسەرۆيس» جشس ۆەتەريناريا ءبولىمىنىڭ باسشىسى ەرلان جەكەباەۆتىڭ ايتۋىنشا, قۇتىرماعا قارسى ۇدايى ءارى تۇراقتى يممۋنداۋ اتالعان كەسەلدىڭ الدىن الۋعا مۇمكىندىك بەرەتىن بىردەن-ءبىر شارا.
«جانۋارلارعا ادامگەرشىلىكپەن قاراۋ ماقساتىندا اكىمدىكپەن جانۋارلاردى زارارسىزداندىرۋعا قارجى ءبولىندى. كەز كەلگەن ادام جانۋارلارىن تەگىن ەكتىرە الادى. بىراق قازىر باسقا ءدارى بەلورۋسيادا شىعارىلعان «بەرلاپ» ءدارىسى پايدالانىلادى», — دەيدى ە.جەكەباەۆ.
ايتا كەتەرلىگى, اكتسيا جانۋارلاردى زارارسىزداندىرۋدى دا سوزدەر وتىر. بۇل, «استانا ۆەتسەرۆيس» جشس ديرەكتورىنىڭ بيبول بەگاليننىڭ ايتۋىنشا, قاڭعىباس يتتەردىڭ كوبەيۋىنە توسقاۋىل قويۋ ءۇشىن جاسالادى.
«سەنبى كۇنگە دەيىن 1 020 جانۋار زالالسىزداندىرىلدى. بۇل باقىلاۋسىز ءارى قاڭعىباس يتتەردىڭ كوبەيۋىنە توسقاۋىل قويۋ ءۇشىن جاسالۋدا. ال اۋلاۋعا قاتىستى الار بولساق, كورسەتكىشتىڭ تومەندەگەنى بايقالادى. العاشقى جىلدارى 15 000 يت اۋلاساق, وتكەن جىلى 9 610 يت قۇرىقتادىق. اعىمداعى جىلى اۋلانعان جانۋارلاردىڭ سانى 5 670 قۇرادى», — دەدى ب.بەگالين.
اتالعان قىزمەتتى پايدالانۋ ءۇشىن جانۋاردىڭ يەسى يت پەن مىسىقتى تىركەپ, زارارسىزداندىراتىن «استانا ۆەتسەرۆيس» ۆەتيرينارلىق مەكەمەسىنە بارۋى كەرەك. اكتسيا 1 جەلتوقسانعا دەيىن جالعاسادى.
