ەكى كوماندا اراسىنداعى تەكەتىرەستىڭ تاعدىرىن «بارىستىڭ» كاپيتانى نايدجەل دوۋستىڭ مەرگەندىگى شەشتى. ول اۋەلى ماتچتىڭ 9-مينۋتىندا, ودان كەيىن ءۇشىنشى كەزەڭنىڭ سوڭىنا تامان (58-مينۋت) قاتارىنان ەكى گول سوعىپ, ەلوردا كلۋبىنىڭ جەڭىسىن قامتاماسىز ەتتى. ال ويىننىڭ بىتۋىنە ساناۋلى سەكۋندتار قالعاندا استانالىق تاعى ءبىر لەگيونەر ليندەن ۆەي ءۇشىنشى جانە سوڭعى شايبانى سوقتى.
بۇل كەزدەسۋدەگى ەستە قالعان ءبىر وقيعا – «بارىس» قاقپاشىسى حەنريك كارلسسوننىڭ ايدىننان الاستاتىلۋى بولدى. ەكىنشى كەزەڭنىڭ باسىندا ول ءوزىن ەرەجە بۇزعاندىعى ءۇشىن جازالاعان تورەشىلەرمەن داۋلاسامىن دەپ ويىننان مۇلدە قۋىلدى. كارلسسوندى الماستىرعان جاس قاقپاشى سەرگەي كۋدرياۆتسەۆ سەنىمدى ويىنىمەن كوزگە ءتۇسىپ, كوماندانىڭ جەڭىسىنە ءوز ۇلەسىن قوسا ءبىلدى.
وسى جەڭىستەن كەيىن «بارىس» ۇپاي سانىن 28-گە جەتكىزىپ, شىعىس كونفەرەنتسياسى بويىنشا بەسىنشى ورىنعا كوتەرىلدى. ەلوردا كلۋبى قحل-داعى كەزەكتى ويىنىن بۇگىن مينسكىدە جەرگىلىكتى «دينامو» كومانداسىمەن وتكىزەدى.
قايرات ءابىلدا,
«ەگەمەن قازاقستان»
