مەن ءوز تاراپىمنان, ءارى ەل قاۋىپسىزدىگى جولىندا جۇرگەن اسكەري ازامات رەتىندە باسا ايتارىم, بۇل بولاشاققا باتىل قادام جاساپ, ەلىمىزدى تورتكۇل دۇنيەگە تانىتىپ كەلە جاتقان ەلباسىنىڭ كەزەكتى ماڭىزدى باستامالارىنىڭ ءبىرى جانە دەر كەزىندە قوزعالعان ءتىلىمىزدىڭ بولاشاعى ءۇشىن جاسالعان عىلىمي ماڭىزدى قادام دەپ بىلەمىن. تاۋەلسىز ەلدىڭ نەگىزگى بەلگىلەرىنىڭ ءبىرى رەتىندە جازۋدىڭ ماڭىزى وتە زور.
قازىرگى زامان – جازۋ زامانى. ادام جازۋ ارقىلى ءبىلىم الادى, جازۋ ارقىلى ءبىر-بىرىمەن بايلانىس جاساپ, جۇرگەن-تۇرعانىن, جاساعان جۇمىستارىن دا جازىپ وتىرادى, ياعني حاتتاما, ءتۇرلى قاتىناس-ءىس قاعازدارى, كومپيۋتەر, ينتەرنەت, اگەنت ارقىلى حابارلاسۋلار – ءبارى دە جازۋ ارقىلى جۇزەگە اسادى.
جەر بەتىندە لاتىن ءالىپبيى بارلىق سالادا قولدانىلاتىنى بايقالادى. بارلىق ءدارى-دارمەك اتاۋلارى, ماتەماتيكا, فيزيكا, حيميا فورمۋلالارى, كوپتەگەن تەرميندەر, ماماندىقتارعا, ونىڭ ىشىندە اسكەري سالاعا قاتىستى عىلىمي ادەبيەتتەر – بارلىعى دا لاتىن الىپبيىمەن بايلانىستى ەكەنىن بايقاۋعا بولادى.
لاتىن الىپبيىندەگى بريتاندىق اعىلشىندار ءوز تىلدەرىنىڭ امەريكا, ەۋروپا قۇرلىقتارىندا ءار جەردە ءارتۇرلى ايتىلىپ كەتپەۋىنە, نەمىستەر مەن ەۆرەيلەر جەر-جەردەن كەلگەن ءوز قانداستارىنىڭ ءتىلدى بۇزباي دۇرىس مەڭگەرۋىنە, فرانتسۋزدار ءوز تىلىنە اعىلشىن كىرمە سوزدەرىنىڭ كوپ ەنىپ كەتپەۋىنە الاڭداۋشىلىق ءبىلدىرىپ, ۇنەمى نازاردا ۇستاپ, ءتىلىن دامىتۋ شارالارىن جۇرگىزىپ, ءتىپتى ء«تىل پوليتسياسىن» دا وسى ىسكە قوسىپ وتىر. سوندىقتان ءبىز دە تىلىمىزگە بۇرىنعىدان دا جاۋاپكەرشىلىكپەن قاراۋعا ءتيىسپىز. ەگەمەندىكتىڭ ارقاسىندا عاسىرلارعا جۇك بولار جۇمىستار ءار سالادا اتقارىلىپ جاتىر. مەن ءوزىم باسقا سالاعا اۋىسپاي-اق, ەلىمىزدىڭ ىشكى تىنىشتىعىن قامتاماسىز ەتۋشى ۇلتتىق ۇلان – كۇشتىك قۇرىلىمى جايلى ايتار بولسام, وسىناۋ جىلدار ىشىندە ۇلاندىقتار ەلىمىزدىڭ قورعانىسىن بەكەم قورعار قۇرىلىمعا اينالدى. قازىرگى تاڭدا تەحنيكالىق بازاسى, كادرلىق ساپاسى تمد ەلدەرىندە ەڭ الدىنعى ورىندا. مۇنىڭ بارلىعى دا ەلباسى ساياساتىنىڭ ارقاسىندا جۇزەگە اسقان ىستەردىڭ ءبىر پاراسى عانا.
ال ەندى اسكەرىمىز قازىرگى تاڭدا مەملەكەتتىك تىلدە سويلەپ كەلەدى. بۇل قارقىن جىلدان-جىلعا ارتىپ وتىر. لاتىن الىپبيىنە كوشسەك, ول ءوز اسكەرىمىزدىڭ بويىنداعى ۇلتتىق رۋحتى جاني تۇسەتىنى ءسوزسىز.
قايرات اقتانوۆ,
قازاقستان رەسپۋبليكاسى
ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى, گەنەرال-مايور
الماتى
