جاستار ءۇشىن سالىنعان بۇل جاتاقحانانىڭ اياگوز قالاسىندا 1993 جىلدان بەرى العاش رەت بوي كوتەرگەن تۇرعىن ءۇي ەكەنىن ايتا كەتەيىك. باسپانالى بولعان جاس جۇبايلار بەس جىل بويى وسىندا تۇرىپ, تەك كوممۋنالدىق تولەمدەردى عانا وتەيدى. وسى ارالىقتا «تۇرعىنۇيقۇرىلىسجيناقبانكىنە» سالىم جيناپ, يپوتەكا رەسىمدەۋى ءتيىس.
«بۇل پاتەردە قارىنداسىم ەكەۋىمىز تۇرامىز. ءوزىم بالالار ۇيىنەن تۇلەپ ۇشقانىممەن, جۇمىستى دا سول جەردەن تاپقانمىن. اتا-انانىڭ قامقورلىعىنان ايىرىلعان جاندارعا مەملەكەتتىڭ وسىنداي قولداۋ كورسەتىپ جاتقانىنا ريزامىز», دەيدى ء«وز ءۇيى – ولەڭ توسەگىنە» قول جەتكىزگەن جاستاردىڭ ءبىرى جاندوس سەيىتقازين.
اياگوز اۋدانىندا جاساعان جۇمىس ساپارى بارىسىندا ايماق باسشىسى ءوڭىردىڭ ءبىلىم سالاسى ءۇشىن ماڭىزى زور جاعىمدى جاڭالىقتى جەتكىزدى. كەلەسى جىلدان باستاپ شىعىس قازاقستاندا «تۋعان مەكتەپ» اتتى باعدارلاما قولعا الىنىپ, وبلىستاعى 297 ءبىلىم ورداسىنىڭ ماتەريالدىق بازاسى نازارباەۆ زياتكەرلىك مەكتەبىنىڭ دەڭگەيىمەن تەڭەستىرىلمەك. سونىمەن قاتار وسى باعدارلاما اياسىندا 190 روبوت تەحنيكاسى سىنىبى اشىلاتىن بولادى.
ازامات قاسىم,
«ەگەمەن قازاقستان»
شىعىس قازاقستان وبلىسى,
اياگوز اۋدانى
