24 ساعات

انگليادا ەلدىڭ ەۋروپا ودا­عى­نان شىعۋىنا قاتىستى بۇكىل­حالىقتىق رەفەرەندۋم وتكىزۋ ءما­سەلەسى كوتەرىلىپ وتىر. ءبىر­قا­تار ەل تۇرعىندارىنىڭ پىكىرىنشە, انگلياعا ەۋرووداقتان كەلىپ وتىرعان پايدا شامالى. ەلدە وقشاۋلانىپ ءومىر سۇرۋگە قار­سىلار قاراسى دا قالىڭ. ليۆيانىڭ بۇرىنعى باس­شى­­­سى مۋاممار كاددافيدىڭ ءمايىتى جەر قوينىنا بەرىلدى. ول ءوزى امانات ەتكەندەي تۋعان قا­لاسىندا ەمەس, قۇم اراسىنا جەر­­لەندى. جانىندا قازا بول­عان ورتانشى ۇلى دا تىنىش تاپ­تى. ۇلكەن ۇلى اكەسىن ءول­تىر­گەن­دەردەن كەك الاتىنىن ءما­لىمدەپ وتىر. تۇركىمەنستان پرەزيدەنتى گۋر­بانگۋلى بەردىمۇحامەدوۆ ءوز ەلىنىڭ باتىرى اتاعىن الدى. بۇل اتاقتى ءتيىستى قاۋلى قابىلداۋ ارقىلى پارلامەنت بەردى. دە­پۋ­تاتتاردىڭ شەشىمىن بۇكىل ءوڭىر وكىلدەرى كىرەتىن كەڭەسۋشى ورگان – اقساقالدار كەڭەسى قولدادى. ولاردىڭ پىكىرىنشە, بەردىمۇ­حا­مەدوۆ ەل تاۋەلسىزدىگىن نىعاي­تۋ­عا باعا جەتكىسىز ۇلەس قوسىپتى. تۇركياداعى ءزىلزالا سال­دا­رىنان وپات بولعاندار سانى ۋا­قىت وتكەن سايىن كوبەيە ءتۇ­سىپ كەلەدى. سوڭعى دەرەكتەرگە قا­راعاندا, قازا تاپقاندار 370 مىڭ ادامعا جەتكەن. ءبىر قۋانىشتىسى, قيراندى­لار­دىڭ استىنان ءتىرى ادامدار دا قۇتقارىپ الىنىپ جاتىر. اقش-تىڭ تەحاس شتاتىندا­عى «پانتەكس» كاسىپورنىندا «قىرعي-قاباق سوعىس» ۋاقى­تى­نان قالعان ەڭ سوڭعى ۆ53 سى­نىپتى اسا الىپ اتوم بومباسىن زالالسىزداندىرۋ جۇمىستارى اياقتالدى. بۇل ۇدەرىس بەلگىلەنگەن كەستەدەن ءبىر جىلعا جۋىق ۋاقىت بۇرىن ءتامامدالىپ وتىر. سيرياداعى ب ۇلىكشىلەر ار­نايى قىزمەتتىڭ انتيتەر­رور­لىق بولىمشەسى كولونناسىنا شابۋىل جاسادى. شابۋىل سال­دارىنان كەم دەگەندە جەتى ادام وپات بولدى. «رەيتەر» اگەنت­تى­گىنىڭ حابارلاۋىنا قا­را­عاندا, ب ۇلىكشىلەر سونداي-اق ۇكىمەت­تىك تانكتى قيراتقان. ەلدە تەكەتىرەس باستالعالى ەكى جاقتان مىڭداعان ادام كوز جۇمدى. بەرلين پوليتسياسى جۇزدەن استام ماشينەنى ورتەپ جىبەردى دەپ كۇدىككە الىنعان ادامدى ۇس­تادى. 27 جاستاعى نەمىس استا­ناسىنىڭ تۇرعىنى بۇل ارەكەتكە اقشا جەتپەگەندىكتەن دەپرەس­سيا­عا ۇشىراپ بارعاندىعىن موي­ىنداعان. ول ماماندىعى بويىنشا كاسىبي سىلاقشى ەكەن. ەستونيانىڭ مەملەكەتتىك پروكۋراتۋراسى وسى ەلدىڭ ازا­ماتى ميحايل گورشكوۆقا قا­تىستى تەرگەۋ جۇمىستارىن توق­تاتتى. وعان ەكىنشى ءدۇ­نيە­جۇزىلىك سوعىس كەزىندە 3 مىڭ ەۆرەيدى ولتىرۋگە قاتىسى بار دەگەن ايىپ تاعىلعان بو­لاتىن. قىل­مىستىق ءىستىڭ جا­بىلۋ سەبەبى, ىقتيمال قىل­مىس­كەردىڭ ناقتى كىم ەكەنى انىقتالماعان. رەسەي فەدەراتسياسىنا قا­راستى كارەليا اۆتونوميا­سىندا ەكى پوليتسيا قىزمەتكەرىنە قا­تىستى قىلمىستىق ءىس قوزعالدى. ولارعا سۋويارۆي قالاسىنداعى شىركەۋدىڭ كۇزەتشىسىن سوققىعا جىقتى دەگەن ايىپ تاعىلعان. ماس ءتارتىپ ساقشىلارى كۇزەت­شى­نى اياقتارىمەن دە, قولدارىمەن دە اياماي تومپەشتەسە كەرەك. اقپارات اگەنتتىكتەرى ماتەريالدارى نەگىزىندە ازىرلەندى.