تورعا توعىتىلدى

قازىرگى تاڭدا ەسىرتكى تاسىمالداۋشىلار قاراسىن قايتا كورسەتە باستاعانداي كورىنەدى. ونىڭ ناقتى دالەلى قوستاناي ستانساسى جەلىلىك ىشكى ىستەر ءبولىمىنىڭ ەسىرتكى بيزنەسىنە قارسى كۇرەس توبىنىڭ قىزمەتكەرلەرى جەدەل-ىزدەستىرۋ شاراسى بارىسىندا قوستاناي وبلىسىنىڭ ازاماتىن «استانا-قوستاناي» باعىتىمەن جۇرەتىن پويىز ارقىلى گەرويندى جاسىرىن الىپ وتپەكشى بولعان جەرىنەن قۇرىقتاعان. ال ونى ۇستاۋعا گەرا ەسىمدى قىزمەتتىك ءيىسشىل ءيتتىڭ كومەگى ءتيىپتى. ۇستالعاننان سالماعى 1,78 گرامم بولاتىن «گەروين» ەسىرتكى زاتى تابىلىپ, تاركىلەندى. ول ەسىرتكى زاتىن قوستانايدان رەسەي فەدەراتسياسىنىڭ چەليابينسك قالاسىنا جەتكىزبەكشى بولعان. وعان قر قك 259-بابىنىڭ 1-1-ءبولىمى ياعني «اسا ءىرى كولەمدە ەسىرتكى زاتىن زاڭسىز ساقتاۋ» بويىنشا ايىپ تاعىلىپ, قىلمىستىق ءىس قوزعالدى. ول وسى باپ بويىنشا 2006 جىلى دا سوتتى بولعان ەكەن. كەزىندە جىبەرگەن قاتەلىگىنەن ساباق الماعان ازامات قازىرگى ۋاقىتتا قوستاناي قالاسى ءىىب ۋاقىتشا ۇستاۋ يزولياتورىنا جەتكىزىلدى, دەپ حابارلادى كولىكتەگى ءىىد ءباسپاسوز قىزمەتى. «ەگەمەن-اقپارات».