ماكسيموۆكا كەنتىنەن 10 تۇرعىن ءۇي سالىپ جاتقان جەكە كاسىپكەر قۇرىلىستى جىل سوڭىنا دەيىن تولىق اياقتاۋدى جوسپارلاپ وتىر. «سۆوبودنوە» جشس اۋىلشارۋاشىلىق داقىلدارىن وسىرۋمەن جانە مال شارۋاشىلىعىمەن اينالىسادى. بۇگىنگى تاڭدا اتالعان شارۋا قوجالىعىندا اسىل تۇقىمدى 1500 ءىرى قارا مال بار. مال باعىپ, ىستەرىن ورگە دوڭگەلەتىپ جاتقان قوجالىق تابىسسىز دا ەمەس. وعان سەرىكتەستىكتىڭ ءوز قىزمەتكەرلەرىنە تۇرعىن ۇيلەر سالىپ بەرۋى دالەل. ا.زاكۋليسوۆ باسشىلىق ەتەتىن شارۋاشىلىقتا 200 ادام جۇمىس ىستەيدى ەكەن. ءبىر بولىگى – وزگە وڭىرلەردەن كوشىپ كەلگەن وتباسىلار. سوندىقتان دا باسپانامەن قامتاماسىز ەتۋ كۇن تارتىبىنەن تۇسپەگەن وتكىر ماسەلە بولاتىن. ال كەنتتە بوس ءۇي جوق.
قازىرگى كەزدە «سۆوبودا» جشس-دا جۇمىس ىستەيتىن 5 قىزمەتكەر وتباسىلارىمەن جاڭا قونىستارىنا ورنالاسىپ تا ۇلگەردى. قالعان 5 وتباسى جىل سوڭىنا دەيىن قونىس تويلارىن تويلاماق. بۇعان دەيىن ا.زاكۋسيلوۆتىڭ باستاماسىمەن كەنتتە 7 كوتتەدج تۇرعىزىلعاندىعىن ايتا كەتكەن ورىندى. اراعا 8 جىل سالىپ سونىڭ ەكەۋىن كاسىپورىن ديرەكتورى اۋىلدىق امبۋلاتوريانىڭ باس دارىگەرى مەن «سۆوبودا» جشس باس ينجەنەرىنە قايتارىمسىز نەگىزدە جەكە مەنشىگىنە وتكىزىپ بەردى. سوندىقتان ماكسيموۆكا كەنتىنە پەداگوگتار, دارىگەرلەر, تەحنيكالىق قىزمەتكەرلەر ەش ويلانباستان كەلىپ جاتادى. ونىڭ سەبەبىن ولاردىڭ جەمىستى جۇمىس ىستەۋى ءۇشىن بارلىق جاعدايدىڭ جاسالۋىنان دەپ بىلۋگە بولادى.
اسقار تۇراپباي ۇلى,
«ەگەمەن قازاقستان»
اقمولا وبلىسى,
ساندىقتاۋ اۋدانى
