قورىتىندى وتىرىس

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى قانات ساۋداباەۆتىڭ توراعالىعىمەن عىلىم مەن تەحنيكا سالاسىنداعى مەملەكەتتىك سىيلىق بەرۋ جونىندەگى رەسپۋبليكالىق كوميسسيانىڭ قورىتىندى وتىرىسى بولدى. عىلىم مەن تەحنيكا سالاسىن­داعى وتانىمىزدىڭ مەملەكەتتىك سىيلىعى عىلىم, تەحنيكا قاي­رات­كەرلەرىنىڭ قوعام مەن ەل الدىن­دا­عى ەڭبەگىن جوعارى باعالاۋ بولىپ تابىلادى. قازاقستان رەسپۋب­ليكا­سىنىڭ ازاماتتارىنا بەرىلەتىن بۇل جوعارى ماراپاتتى پرەزيدەنت ەلدىك عىلىمدى دامىتۋعا ەلەۋلى ۇلەس قوسقانى ءۇشىن ەكى جىلدا ءبىر رەت تاۋەلسىزدىك كۇنى قارساڭىندا ءوزى تاپسىرادى. مەملەكەتتىك حاتشى وتى­رىس­تى اشار سوزىندە كوميسسياعا وتە جاۋاپكەرشىلىكتى تاپسىرما جۇك­تەل­گەنىن, سىيلىق ەلباسىنىڭ جار­لىعىمەن بەكىتىلەتىن بولعان­دىق­تان ۇسىنىلعان جۇمىستار­دىڭ ىشىنەن بارلىق تالاپتارعا سايكەس كەلەتىن, عىلىمعا قوسار ۇلەسى بار, بولاشاقتا ناتيجەلى بو­لا­تىن ناعىز لايىقتىسىن ىرىكتەۋ قاجەت بولعانىن اتاپ ءوتتى. بۇل كريتەريلەردىڭ انىق جانە ناقتى ەكەنى بەلگىلى. مەملەكەتتىك سىيلىققا ۇمىتكەر ءاربىر جۇمىس, ەڭ الدىمەن, وتاندىق عىلىمدا سەرپىندى بولۋى, ءوز سالاسىندا الەمدىك عىلىمي جۇمىستارمەن ءبا­سەكەلەسە الۋى, عىلىمي-تەح­ني­كا­لىق دامۋعا ەلەۋلى ۇلەس قوسۋى ءتيىس. وتىرىستىڭ قورىتىندىسى بويىنشا كوميسسيا عىلىم مەن  تەحنيكا سالاسىنداعى 2011 جىل­عى قازاقستان رەسپۋبليكاسىنىڭ مەملەكەتتىك سىيلىعىن بەرۋ ءۇشىن پرەزيدەنتكە ۇسىنىلاتىن جۇمىستاردىڭ ءتىزىمىن بەكىتتى. سۇلەيمەن مامەت.