كۇن ءتارتىبى بەكىتىلدى

كەشە پارلامەنت سەناتىنىڭ توراعاسى قاي­رات ءماميدىڭ توراعالىق ەتۋىمەن وتكەن پار­لامەنت سەناتى بيۋروسىنىڭ وتىرى­سىن­دا ماجىلىستە ماقۇلدانعان زاڭ جوبالارى تۇراق­تى كوميتەتتەر مەن سەنات اپپاراتىنا بەرىلدى, دەپ حابارلادى وسى پالاتانىڭ ءباسپاسوز قىزمەتى. زاڭناما جانە قۇقىقتىق ماسە­لە­لەر كوميتەتى «قازاقستان رەس­پۋب­ليكاسىنىڭ ۇكىمەتى مەن ەسىرت­كى قۇرالدارىنىڭ, پسيحوتروپتىق زاتتار مەن ولاردىڭ پرەكۋر­سور­لارى­نىڭ زاڭسىز اينالىمىنا قار­سى كۇرەس جونىندەگى ورتالىق ازيا وڭىرلىك اقپاراتتىق ءۇي­لەستىرۋ ورتالىعى اراسىنداعى الماتى قالا­سىندا ورتالىقتىڭ ورنالاسۋ شارتتارى تۋرالى كەلىسىمدى راتيفيكاتسيالاۋ تۋرالى» زاڭ جوباسىن ودان ءارى زەردەلەۋدە باس كوميتەت بولىپ بەلگىلەندى. ەكونوميكالىق دامۋ جانە ءوڭىر­لىك ساياسات كوميتەتى «قازاق­ستان رەسپۋبليكاسى مەن ازيا دامۋ بانكى اراسىنداعى قارىز تۋرالى كەلىسىمدى (جاي وپەراتسيالار) (واوەى 1 كولىك ءدالىزى [جامبىل وبلىسىنداعى جول ۋچاسكەسى] [باتىس ەۋروپا – باتىس قىتاي حالىقارالىق ترانزيت ءدالىزى] ينۆەستيتسيالىق باعدارلا­ما – 4-جوبا) راتيفيكاتسيالاۋ تۋرالى» زاڭ جوباسى بويىنشا نەگىزگى كوميتەت بولىپ بەلگىلەندى. بيۋرودا سونداي-اق بيىلعى 27 قازاندا بولاتىن كەزەكتى سەنات وتىرىسىنىڭ كۇن ءتارتىبى بوي­ىن­شا ۇسىنىستار دا تالقىلاندى. اتاپ ايتقاندا, «قا­زاق­ستان رەس­پۋب­لي­كا­سىنىڭ ۇكىمەتى مەن قىر­عىز رەس­پۋب­ليكاسىنىڭ ۇكىمەتى اراسىن­دا­عى وتەۋسىز اسكەري-تەح­ني­كالىق كو­مەك كورسەتۋ تۋرالى كەلىسىمدى راتيفيكاتسيالاۋ تۋ­را­لى» زاڭ جوباسىن تالقىلاۋ كوزدەلىپ وتىر. وتىرىستا باسقا دا زاڭ جو­با­لا­رى قارالاتىن بولادى.