مينيسترلىكتىڭ اقپاراتىنا سايكەس, اتالعان كورسەتكىش 2016 جىلمەن سالىستىرعاندا 5,2 پايىزعا وسكەن. وسى كەزەڭدە تۇتىنۋ تاۋارلارى مەن كورسەتىلەتىن قىزمەتتەردىڭ باعاسى 7,5 پايىزعا ءوسىپ, حالىقتىڭ ناقتى اقشالاي تابىستارى 2,1 پايىزعا تومەندەگەن.
«اتالعان مەرزىمدە اتاۋلى اقشالاي تابىستاردىڭ مولشەرى بويىنشا جوعارى كورسەتكىش اتىراۋ وبلىسىندا بايقالدى. ول وڭىردەگى كورسەتكىش رەسپۋبليكالىق دەڭگەيدەن 1,7 ەسەگە ارتىپ وتىر. تابىسى ەڭ تومەن وڭىرلەر - وڭتۇستىك قازاقستان جانە جامبىل وبلىستارى. ەكى وبلىستا حالىقتىڭ تابىس مولشەرى ورتاشا رەسپۋبليكالىق دەڭگەيدىڭ 57-66 پايىزىن قۇرايدى», - دەپ حابارلادى ۆەدومستۆودان. وڭىرلەر بويىنشا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارىنىڭ ەڭ جوعارى جانە ەڭ تومەنگى مولشەرى اراسىنداعى ايىرماشىلىق 3 ەسەنى قۇراعان.
