اۆتورلىق باعدارلاماعا ارنالدى

وتان تاۋەلسىزدىگىنىڭ 20 جىلدىعىن مەرەكەلەۋگە ارنالعان ءىس-شارالار اياسىندا ءبىلىم جانە عىلىم مينيسترلىگىنىڭ «دارىن» رەسپۋبليكالىق عىلىمي-پراكتيكالىق ور­تا­لىعىنىڭ ۇيىتقى بولۋىمەن جاقىندا ششۋچە قالاسىنداعى «بال­داۋرەن» رەسپۋب­ليكالىق وقۋ-ساۋىقتىرۋ ورتالى­عى بازا­سىندا «ۇزدىك اۆتورلىق باعدارلاما» اتتى رەسپۋبليكالىق كونكۋرس ءوتتى. وعان رەسپۋبليكانىڭ بارلىق ايماعى­نان جينالعان ەڭ ۇزدىك پەداگوگتار مەن پسيحولوگتار قاتىستى. القالى جيىندا دارىن­دى بالالارعا ءبىلىم بەرۋ ماسەلەلەرى تالقى­لانىپ, ۇزدىك ادىستە­مە­لەر مەن وقىتۋ باع­دار­لامالارى ۇسىنىلدى. ەلىمىزدەگى دارىندى بالالارعا ارنالعان 115 ءبىلىم بەرۋ ۇيىمدارىنىڭ وقۋ-تاربيە پروتسەسىن 6 مىڭعا جۋىق پەداگوگتار ىسكە اسىرۋدا. 2011 جىل­عى كونكۋرستىڭ قورى­تىندى كەزەڭىنە ۇسى­نىلعان ءارتۇرلى باعىت­تاعى 162 جۇمىستىڭ 85 جوباسى ءوتتى. شى­عىس قازاقستان, قوستاناي, ال­ماتى, قارا­عاندى, وڭتۇستىك قازاقستان وبلىس­تارى­نىڭ, استانا قالاسى, رەسپۋبليكالىق مامان­دان­­دىرىلعان دارىندى بالالارعا ارنالعان ءبىلىم بەرۋ ۇيىمدارىنىڭ ۇستازدارى ەرەكشە بەلسەندىلىك تانىتتى. كونكۋرس جەڭىمپازدارى مەن جۇلدە­گەرلەرى مينيسترلىكتىڭ I, II, III دارەجەلى ديپلومدارىمەن ماراپاتتالدى. ودان كەيىن پەداگوگتار بۋراباي تاريحي جانە تابيعي ەسكەرتكىشتەر ايماعىنا ساياحات جاسادى. سۇلەيمەن مامەت.