ۆەتنامعا العاشقى ساپار

28 قازاندا استانادا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) گۋمانيتارلىق ولشەمى شەڭبەرىندە «تۇراقتى دەموكراتيالىق دامۋ: داستۇرلەر مەن زاماناۋي تاجىريبە» تاقى­رىبىمەن جوعارى دەڭگەيدەگى سەمينار وتەدى, دەدى ءداستۇرلى اپتالىق بريفينگتە ءسىم-ءنىڭ رەسمي وكىلى ا.ابيبۋللاەۆ. وسى ءىس-شاراعا ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە مۇشە ەلدەردىڭ وكىلدەرى, قازاقستان پارلامەنتى دەپۋتاتتارى, جوعارعى سوت, باس پروكۋراتۋرا, سىرتقى ىستەر, مادەنيەت, ادىلەت مينيسترلىكتەرى, ادام قۇقىقتارى جونىندەگى ۇلتتىق ورتالىق پەن ۇكىمەتتىك ەمەس ۇيىمدار وكىلدەرىنىڭ قاتىسۋى جوسپارلانىپتى. سەمينار بارىسىندا سايلاۋ, اتقارۋشى, سوت ورگاندارى, ادام قۇقىقتارى جونىندەگى ۋاكىلدەر مەن قوعامدىق ۇيىمداردىڭ ازيا­داعى ءوزارا ءىس-قيمىل جانە سەنىم شارالارى جونىندەگى كەڭەسكە مۇشە مەملەكەتتەردىڭ دەموكراتيالىق دامۋىنداعى رولىنە بايلا­نىستى ماسەلەلەردىڭ كەڭ اۋقىمى تالقى­لاندى دەپ كۇتىلۋدە ەكەن. رەسمي وكىل سون­داي-اق 30 قازان مەن 1 قاراشا ارالىعىندا قازاقستان رەسپۋبليكاسىنىڭ پرەزيدەنتى ن.نا­زارباەۆتىڭ ۆەتنام سوتسياليستىك رەس­پۋب­ليكاسى پرەزيدەنتىنىڭ شاقىرۋىمەن ۆەتنامعا رەسمي ساپارى وتەتىنىن جاريا ەتتى. ساپار شەڭبەرىندە مەملەكەت باسشى­سى­نىڭ ۆەتنام جوعارعى باسشىلىق وكىل­دەرى­مەن كەلىسسوزدەرى جوسپارلانىپ, ءتۇرلى سالا­لارداعى ءوزارا ىنتىماقتاستىقتى قام­تي­تىن بىرقاتار قۇجاتتارعا قول قويۋى كۇ­تىلۋدە, دەدى ا.ابيبۋللاەۆ. سونىمەن قا­تار, ەكى ەلدىڭ ىسكەر توپتارى وكىلدەرىنىڭ قاتىسۋىمەن قازاق­ستان-ۆەتنام بيزنەس-فورۋمى وتپەك. رەسمي وكىلدىڭ ايتۋىنشا, قازاقستان پرەزيدەنتىنىڭ ۆەتنامعا تۇڭ­عىش ساپارى ەكىجاقتى ىنتى­ماقتاستىقتى ودان ءارى دامىتۋعا جاڭا سەرپىن بەرەدى دەپ كۇتىلىپ وتىر.