ەل گازەتىنە ءىلتيپات ەرەكشە

ەل ەسىندە قالاتىنداي وقي­عا­لار تاۋەلسىزدىكتىڭ 20 جىلدىعى قار­­ساڭىندا ءور التايدىڭ ءتو­رىن­دەگى وبلىس ورتالىعى مەن اۋدان-قالالاردا كۇن سايىن دەرلىك ءوتىپ جاتىر. جىل باسىنان بەرى وزەن­دەر ورنەكتەگەن وسكەمەندەگى ءور­كەن­دى وزگەرىستەر ەلدىڭ ەرتەڭگە دەگەن سەنىمىنە شۋاق ۇيالاتىپ, كوڭىل قىلىن تەربەگەندەي. وب­لىس ورتالىعىنداعى ءتۇستى مە­تال­لۋرگيانىڭ الىبى «كازتسينك» جاۋاپكەرشىلىگى شەكتەۋلى سەرىكتەستىگىندە سەرپىندى جوبا بوي­ىن­شا جاڭا زاۋىت ىسكە قوسىلدى. جا­قىن كۇندەرى تاعى ءبىر ءوندىرىس ورنى اشىلماق. جاقىندا عانا عاسىر مەتالىن ءوندىرۋشى تاعى ءبىر ءوندىرىس – «وسكەمەن تيتان-ماگني كومبيناتى» اكتسيونەرلىك قوعامىندا وڭتۇستىك كورەيا­نىڭ «پوسكو» كومپانياسىمەن بىرلەسىپ شىعاراتىن جاڭا زاۋ­ىت­تىڭ ىرگەتاسى قالاندى. ول ەكى جىلدان كەيىن پايدالانۋعا بەرىلمەك. كەندى التايداعى باسقا ءوندىرىس ورىندارى سەرپىندى جوبالار بويىنشا ەڭبەك ەتىپ, ەل بايلىعىن ەسەلەي تۇسۋگە ۇلەس قوسۋدا. – «شىعىس شىنارى» اتتى حالىقارالىق اقىندار ءمۇشاي­را­سى ەكىنشى رەت وسكەمەندە ءدۇر­كىرەپ ءوتتى. وعان ءبىر مىڭعا تارتا جازبا اقىندارى شىعارمالارىن ۇسىنىپ, كەندى التايدىڭ تابي­عا­تىن, ابايدى, وركەندى قا­لا­نىڭ ەرتەڭگى كەلبەتىن جىر­لا­رى­نا ارقاۋ ەتتى. ءوڭىردىڭ قوس قا­لاسى وسكەمەن مەن سەمەيدە اپتا سايىن جارمەڭكەلەر ءوتىپ, انشىلەر تۇرعىندارعا اننەن شاشۋ شاشۋدا. زايسان مەن كاتون­قا­راعاي اۋداندارىندا بايتەرەك پەن تاۋەلسىزدىك الاڭدارى, زى­ريان, ريددەر قالالارى مەن ءبىر­قاتار اۋدانداردا دا «ەل ءتاۋ­ەل­سىزدىگىنىڭ 20 جىلدىعىنا – 20 جارقىن ءىس» اكتسياسى بويىنشا ءما­دەني-تۇرمىستىق عيماراتتار بوي كوتەردى. ەندى, مىنە, تاۋەل­سىزدىگىمىزدىڭ مەرەيتويى قارسا­ڭىن­دا وسكەمەندە استانا قا­لاسىنىڭ كۇندەرى وتۋدە, – دەدى ءوڭىر باسشىسى بەردىبەك ساپارباەۆ جىلدا قالىپتاسقان ءۇردىس بويىنشا «ەگەمەن قازاقستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆپەن كەشە وتكەن كەزدەسۋىندە. – قازاق ءباسپاسوزىنىڭ قارا شا­ڭىراعى «ەگەمەن قازاقستان» گازەتىنىڭ وقىرماندارى جىل ساي­ىن كوبەيىپ كەلەدى, – دەپ اڭگىمەسىن جالعاستىردى ءوڭىر باسشىسى. – سوڭعى ەكى-ءۇش جىل­دا گازەتتىڭ وبلىسقا تارايتىن تي­راجى ەكى ەسەگە جۋىق ارتىپ, قازىر ونىڭ سانى 12 مىڭنان استى. ال كەلەر جىلى وڭىردەگى گازەت تارالىمى 14 مىڭعا جۋ­ىق­تايدى دەگەن بولجام بار. ءويت­كەنى, ەلدىگىمىز بەن ورلىگىمىزدى, دامىعان مەملەكەتتەر قاتارىنا قوسى­لۋ­داعى ەرەن ىستەرىمىزدى كۇن سايىن ناسيحاتتاپ كەلە جاتقان باس با­سى­لىمعا دەگەن وقىر­مان­دار ءىلتيپاتى ەرەكشە. ساۋىتبەك ابدراحمانوۆ اي­ماق­تىڭ تىنىس-تىرشىلىگى تۋرا­لى اڭگىمەلەپ بەرگەن وبلىس اكى­مىنە العىسىن ءبىلدىردى. «ءتاۋ­ەل­سىز­دىكتىڭ 20 جىلىندا ەلىمىز ءوزىنىڭ دانا باس­شى­سى ن.نازارباەۆتىڭ جەتەكشىلىگىمەن تالاي تار جول, تايعاق كەشۋدەن, اسۋلار مەن بەلەستەردەن ءوتتى. قيىندىقتار ارتتا قالدى. قازىر الەمدەگى دامىعان 50 مەملەكەتتىڭ قاتا­رىنا قوسى­لۋ ءۇشىن ەلىمىز بويىنشا سەرپىندى جوبالار ىسكە اسىرىلىپ جاتىر. كەندى التايدا دا ونىڭ ناقتى كورىنىستەرى بار. باسىلىم مارتەبەسىن كوتە­رۋ, وقىرماننىڭ جوعارى تال­عامى­نان كورىنۋ ءۇشىن رەداكتسيا ۇجى­مى الداعى ۋاقىتتا دا ىزدەنىستەر تانىتا بەرەدى. قازىر گا­زەت­تىڭ قاي بەتىن اشىپ قارا­ساڭىز دا كەڭ بايتاق قازاق­ستاندا جۇزەگە اسىپ جاتقان جارقىن ىستەر تۋرالى كورۋگە بولادى», – دەدى باسىلىم باس­شىسى. بۇدان كەيىن ساۋىتبەك ابدراحمانوۆ جەرگىلىكتى بۇقارالىق اقپارات قۇرالدارى وكىلدەرىنە سۇحبات بەرىپ, ولارعا «ەگە­مەن­نىڭ» الداعى جۇمىس جوسپارى تۋرالى ايتىپ بەردى. وڭداسىن ەلۋباي, وسكەمەن.