قوعامدىق كەلىسىمنىڭ ۇلگىسى

كەشە قاراعاندىدا «بەيبىتشىلىك پەن جاسامپازدىقتىڭ 20 جىلى. قازاقستاننىڭ مەملەكەتتىك ەتنوساياساتى: جاڭا باعىتتار» تاقىرىبىندا ەكى كۇندىك سەمينار-پراكتيكۋم ءوز جۇمىسىن اشتى. قازاقستان حالقى اسسامبلەياسى مەن قازاقستان پرەزيدەنتى جا­نىن­داعى مەملەكەتتىك باسقارۋ اكا­دەمياسىنىڭ اراسىندا قول قويىلعان ارىپتەستىك تۋرالى مەموراندۋم شەڭبەرىندە مەملەكەتتىك قىزمەتشىلەر مەن ەتنومادەني بىرلەستىكتەر باسشىلارىن وقىتۋ, دايارلاۋ جانە بىلىكتىلىگىن ارتتىرۋ جونىندەگى اتالعان بىرلەسكەن جوبا بويىنشا اقتوبە, الماتى وبلىس­تارىندا, استانا قالاسىندا 160 مەملەكەتتىك قىزمەتشى مەن اي­ماقتارداعى ەتنومادەني بىرلەس­تىكتەردىڭ 100 باسشىسى وقىتۋ كۋرس­تارىنان وتسە, بۇل شارا سو­نىڭ جالعاسى بولدى. سەمينار جۇمىسىن قازاقستان حالقى اسسامبلەياسى توراعاسى­نىڭ ورىنباسارى, قحا حاتشى­لى­عىنىڭ مەڭگەرۋشىسى ەرالى توعجانوۆ اشىپ, اسسامبلەيانىڭ, مەملەكەتتىك باسقارۋ اكادە­ميا­سىنىڭ عىلىمي-ساراپشىلىق قاۋ­ىمداستىعىنىڭ تەوريالىق جانە قولدانبالى الەۋەتىن پايدالانا وتىرىپ, جەرگىلىكتى جەرلەردە ساياسي مەنەدجمەنتتىڭ قازىرگى زا­مان­عى تەحنولوگيالارى مەن ءادىس­تە­مە­لەرىن مەڭگەرۋدىڭ ماڭىزدىلىعىن اتاپ ءوتتى. سەمينارعا قاتىسۋشىلار ال­دىن­دا عىلىم دوكتورلارى ج.ءجۇنىسوۆا, ن.كالاشنيكوۆا, تاعى باسقا عالىمدار ەتنوسارالىق قا­تىناستاردى جەتىلدىرۋ, ەتنوس­ارالىق توزىمدىلىك پەن قوعامدىق كەلىسىمنىڭ قازاقستاندىق ۇلگىسىنىڭ باستى نەگىزدەرىن نىعايتۋ جول­دا­رىنا ارنالعان باياندامالار جاسادى. سەمينار بۇگىن ءوز جۇمىسىن جالعاستىرادى. ايقىن نەسىپباي, قاراعاندى.