«بيىل قازاقستاندا حالىقتى ءوزىنىڭ تاريحي باستاۋلارىنا جەتەلەيتىن رۋحاني جاڭعىرۋ باعدارلاماسى ىسكە اسىرىلادى. ونىڭ اياسىندا ۇلتتىق سانانى جاڭعىرتۋ, رۋحاني يگەرىلەتىن وزەكتى ماسەلەلەر قولعا الىنباق. وسى ورايدا يسلام الەمىنە دە رۋحاني سىلكىنىس, جاڭعىرۋ قاجەتتىلىگى تۋىنداپ وتىر دەگەن ويدامىز», - دەدى ەلباسى.
مەملەكەت باسشىسى ادامزات ءتورتىنشى يندۋستريالىق رەۆوليۋتسيا قارساڭىندا تۇرعاندىعىن باسا ايتتى.
«2017 جىلى عىلىمي-تەحنيكالىق جانە يننوۆاتسيالىق دامۋدا جاقسى كورسەتكىشتەرگە قول جەتكىزگەن يسلام ىنتىماقتاستىق ۇيىمىنىڭ ەلدەرى از ەمەس. مۇنى عالامدىق يننوۆاتسيالار يندەكسى ارقىلى كورىپ وتىرمىز. ولاردىڭ قاتارىندا بىرىككەن اراب امىرلىكتەرى 35-ءشى, مالايزيا 37-ءشى, تۇركيا 43-ءشى, كاتار 49-شى, ساۋد ارابياسى 55-ءشى, كۋۆەيت 56-شى ورىندا جانە باسقا دا مەملەكەتتەر بار. عالىمداردىڭ ىزدەنىسىنە ءبىز كومەك كورسەتۋىمىز قاجەت. وسى ماقساتتا, ۇيىم اياسىندا عىلىم مەن تەحنولوگيانى دامىتۋعا قوسقان ۇلەسى ءۇشىن سىيلىعىن تاعايىنداۋ تۋرالى شەشىم قابىلدادىق. بۇگىن وسى سىيلىقپەن ماراپاتتاۋدىڭ العاشقى ءراسىمىن وتكىزەتىن بولامىز», - دەدى نۇرسۇلتان نازارباەۆ.
