تاراپتار جارىق كوزدەرىنىڭ تيىمدىلىگى, زاڭنامالىق سۇراقتار, مۇناي جەتكىزىلىمى اياسىندا متحا-نىڭ تۇراقتى ەكسپەرتتىك توپتارىنىڭ قىزمەتىن, بيىل چەحيا, سلوۆاكيا, ۆەنگريا جانە قىتاي ماماندارى ءبىرىنشى رەت قاتىسقان «ۇزدىك مامان-2017» كونكۋرسىنىڭ ناتيجەسىن سارالادى. سونداي-اق, «ترانسنەفت» جاق II حالىقارالىق عىلىمي-تەحنيكالىق جاستار كونفەرەنتسياسىنىڭ دايىندىعىمەن بىرگە باسقا دا ماسەلەلەردى ورتاعا سالدى.
«قازترانسويل» اق باس ديرەكتورى ديماش دوسانوۆ ۇيىمنىڭ كەزەكتى وتىرىسىن استانادا وتكىزۋ قازاقستاندىق كومپانيا ءۇشىن ماڭىزدى وقيعا بولىپ سانالاتىنىن باسا ايتتى.
- ءبىز 2017 جىلى «قازترانسويل» اق قۇرىلعانىنىڭ 20 جىلدىعىن اتاپ وتۋدەمىز. قازاقستاندىق مۇنايقۇبىرشىلار ءۇشىن مەرەيلى جىلى اسسوتسياتسيا مۇشەلەرىن قابىلداۋ جوعارى مارتەبە. سونداي-اق, شارا حالىقارالىق ەكسپو-2017 كورمەسىمەن دالمە-ءدال كەلدى. وسى كەزدەسۋ مەملەكەتتەرىمىزدىڭ ەكونوميكالىق تۇراراقتىلىعىن نىعايتۋىنا سەپتىگىن تيگىزەدى دەپ سەنەمىن.
انىقتاما:
مۇناي تاسىمالداۋشىلاردىڭ حالىقارالىق اسسوتسياتسياسى 2013 جىلى قۇرىلدى. متحا قاتىسۋشى-كومپانيالاردىڭ مۇناي قۇبىرى جۇيەلەرىن ءتيىمدى دامىتۋعا ورتاقتاسىپ, حالىقارالىق مۇناي تاسىمالىنىڭ تۇراقتىلىعىن نىعايتۋ ءۇشىن جاساقتالدى. متحا قىزمەتى بارىسىندا ەۋروازيالىق كەڭىستىكتە مۇناي تاسىمالىمەن بايلانىستى ستراتەگيالىق جوسپاردى ازىرلەپ, مۇنايدى ساقتاۋ, مۇنايقۇبىرلارىن پايدالانۋ, دياگنوستيكا, ءتاريفتىڭ قۇرىلۋ ماسەلەلەرى تالقىلانادى. متحا قۇرىلتايشىسى - «مەرو چر» اق (چەحيا) ساۋدا كومپانياسى. «قازترانسويل» اق 2015 جىلدىڭ 4 قىركۇيەگىنەن باستاپ متحا-نىڭ مۇشەسى اتاندى. بۇگىنگى كۇنى متحا 8 ۇيىم كىرەدى: «قازترانسويل» اق (قازاقستان), «ترانسنەفت» جاق (رەسەي), «ترانسپەترول» اق (سلوۆاكيا), «گومەلترانسنەفت درۋجبا» ااق (بەلارۋس), «مەرو چر» (چەحيا), «MOل ۆەنگريا» اق (ۆەنگريا), «CNPC» (قىتاي), «ۋكرترانسنافتا» جاق (ۋكراينا).
