جيىندا قازاقستاندا سپورتتى قارجىلاندىرۋدىڭ جاڭا مودەلىنە ساي, سپورت تۇرلەرىن سارالاپ قارجىلاندىرۋدىڭ ەرەجەسى ءتۇسىندىرىلدى.
كەڭەستە ءسوز العان قر ۇوك باس حاتشىسى دانيار ابۋلگازين سارالاپ قارجىلاندىرۋ ۇلگىسىنىڭ ەنگىزىلۋى وتاندىق دەنە شىنىقتىرۋ جانە سپورت سالاسىنىڭ دامۋىنا باعىتتالعان جاڭا قادام ەكەندىگىنە توقتالدى. «مۇنداي مودەل سپورتى جوعارى دەڭگەيدە دامىعان اۆستراليا, گەرمانيا, فرانتسيا جانە رەسەي سياقتى ەلدەردە بار. حالىقارالىق ولمپيادا كوميتەتىنىڭ ءوزى سارالاۋ ءپرينتسيپىن حالىقارالىق سپورت فەدەراتسيالارىن قارجىلاندىرۋ كەزىندە قولدانادى. ءاربىر ەل سارالاپ قارجىلاندىرۋدىڭ كريتەري-تالاپتارىن وزىندەگى سپورت سالاسى مەن دەنە شىنىقتىرۋ جۇيەسىن قارجىلاندىرۋ ەرەكشەلىكتەرىنە قاراپ انىقتايدى», – دەپ اتاپ ءوتتى باس حاتشى.
ەسكە سالساق, اعىمداعى جىلدىڭ مامىر ايىندا قازاقستان پرەزيدەنتى نۇرسۇلتان نازارباەۆ «قازاقستان رەسپۋبليكاسىنىڭ دەنە شىنىقتىرۋ جانە سپورت ماسەلەلەرى بويىنشا كەيبىر زاڭ اكتىلەرىنە وزگەرىستەر مەن قوسىمشالار ەنگىزۋ تۋرالى» سپورتتى قارجىلاندىرۋ جۇيەسىن جەتىلدىرۋگە باعىتتالعان جاڭا زاڭعا قول قويعان بولاتىن.
ەگەمەن-اقپارات
