پولشالىق كاسىپكەرلەردى قازاقستاننىڭ ينۆەستيتسيالىق الەۋەتىمەن جانە ەكونوميكالىق جەتىستىكتەرىمەن تانىستىرۋ, ەكىجاقتى ءوزارا ءىس-قيمىلدىڭ اناعۇرلىم تارتىمدى جانە پەرسپەكتيۆالى باعىتتارىن انىقتاۋ فورۋم الاڭىنداعى كەزدەسۋ بارىسىندا نەگىزگى تالقىلاۋ تاقىرىبىنا اينالدى. فورۋم بارىسىندا قازاقستان مەن پولشا كومپانيالارى اراسىنداعى ىنتىماقتاستىق تۋرالى 10 قۇجاتقا قول قويىلدى.
الدىمەن پاۆلودار وبلىسىنىڭ اكىمدىگى مەن پولشا شارۋاشىلىق پالاتاسى اراسىندا پاۆلودار وبلىسى اۋماعىنداعى «اگروقالا» باعدارلاماسىن ىسكە اسىرۋ تۋرالى مەموراندۋمعا قول قويىلدى. ودان ءارى «Kazakh Invest» ۇك مەن «PolPharma» كومپانياسى اراسىنداعى ءوزارا تۇسىنىستىك تۋرالى مەموراندۋمعا قول قويىلدى. كەيىن «قازپوشتا» اق مەن «پولشا پوشتاسى» اق اراسىندا ىنتىماقتاستىق تۋرالى مەموراندۋم جاسالدى. سونداي-اق پوشتالىق ماركالاردى بىرلەسىپ شىعارۋ تۋرالى كەلىسىمگە دە قول قويىلدى.
«قازاقستاننىڭ سىرتقى ساۋدا پالاتاسى» مەن «WarwawExpo» اراسىندا, سونداي-اق «ExpoGruop» مەن «WarwawExpo» كومپانيالارى اراسىندا ارىپتەستىك تۋرالى مەموراندۋمعا قول قويىلدى.
«ترانسفەرت جانە اگروتەحنولوگيالاردى كوممەرتسيالاندىرۋ» مەن «SGGW ۆارشاۆا جاراتىلىستانۋ عىلىمدارى ۋنيۆەرسيتەتى» ارىپتەستىك تۋرالى كەلىسىمگە قول قويدى.
قازاقستان پولشالىق بيزنەس وكىلدەرىمەن ەكىباستۇز قالاسىنداعى حالىقارالىق وقۋ ورتالىعىن قايتا قۇرۋ تۋرالى مەموراندۋم جاساۋدى جوسپارلاۋدا.
