ءباسپاسوز كونفەرەنتسياسىنىڭ باستى تاقىرىبى قالا قوناقتارى مەن تۇرعىندارىنىڭ تاكسي جولاۋشىلارىنا قىزمەت كورسەتۋ ساپاسىنا بايلانىستى ۇندەۋلەرى بولدى.
ەستەرىڭىزگە سالا كەتەيىك, 2017 جىلدىڭ 12 ساۋىرىندە تاكسي اۆتوموبيلدەرىنىڭ جاڭا ەسكيزى جانە جۇرگىزۋشىلەردىڭ فورمالىق كيىم ۇلگىسى بەكىتىلدى. بۇگىنگى كۇنى 14 تاكسوموتورلىق كومپانيا جولاۋشىلار كولىگى باسقارماسىمەن شارت جاساستى. ول شامامەن 500 اۆتوكولىك.
اتاپ كەتكەن ءجون, قر «اۆتوموبيل كولىگى تۋرالى» زاڭىنىڭ 26-بابىنا سايكەس جەكە كاسىپكەرلەر نەمەسە زاڭدى تۇلعالار تاكسي تاسىمالداۋشى رەتىندە قىزمەت كورسەتۋدىڭ الدىندا جەرگىلىكتى اتقارۋشى ورگانعا قازاقستان رەسپۋبليكاسىنىڭ «رۇقسات جانە حابارلاما تۋرالى» زاڭىمەن بەلگىلەنگەن تارتىپتە قىزمەتتىڭ باستالعانى تۋرالى حابارلاما جىبەرۋگە مىندەتتى.
وسىدان كەيىن, قر ۇكىمەتىنىڭ استانادا جولاۋشىلاردى جانە جۇكتى اۆتوموبيل كولىگىمەن تاسىمالداۋ ەرەجەلەرىنە سايكەس جەكە كاسىپكەرلەر نەمەسە زاڭدى تۇلعالار ەلوردادا جولاۋشىلار مەن باگاجدى تاسىمالداۋ جونىندە استانا قالاسىنىڭ جولاۋشىلار كولىگى باسقارماسىمەن شارت جاساسۋى قاجەت. سودان كەيىن باسقارمامەن ءار كولىك قۇرالىنا كۋالىك بەرىلەدى.
ماماندار اتاپ وتكەندەي, زاڭسىز تاكسي تاسىمالداۋشىلارىنىڭ كولىكتەرى قاناعاتتانارلىقسىز تەحنيكالىق جاعدايدا جانە كوپ بولىگى توقسانىنشى جىلدان بەرى قولدانىستا. بارلىق دەرلىك زاڭسىز تاسىمالداۋشىلار جولاۋشىلار تاسىمالىن «تاپسىرىس» تۇرىندە جۇزەگە اسىرادى.
جوعارى پايدا تابۋ ماقساتىندا زاڭسىز تاسىمالداۋشى بارلىعىندا ۇنەمدەيدى: ساپار الدىنداعى جۇرگىزۋشىلەردىڭ مەديتسينالىق تەكسەرىسى جوق; جىلجىمالى قۇرامنىڭ ءتيىستى تەحنيكالىق تەكسەرىسى جوق; كولىكتىڭ جولاۋشىلاردى جانە جۇكتى اۆتوموبيل كولىگىمەن تاسىمالداۋ ەرەجەلەرىنىڭ تالاپتارىنا سايكەس كەلمەۋى.
اتالعان بارلىق قاۋىپ زاڭسىز قىزمەتتى قولداناتىن جولاۋشىرلاعا جۇكتەلەدى.
سونىمەن بىرگە بەكىتىلگەن نەگىزدە ساقتاندىرۋ پوليستەرى جانە تاسىمالداۋشىنىڭ جولاۋشى الدىنداعى ازاماتتىق-قۇقىقتىق جاۋاپكەرشىلىكتى مىندەتتى ساقتاندىرۋ شارتى بولمايدى, سونداي-اق رۇقسات بەرۋشى قۇجاتتار مەن كەلىسىمدەر.
زاڭسىز تاكسي قىزمەتتەرىن قولدانىلاتىن ازاماتتار وزدەرىنىڭ ومىرلەرى مەن دەنساۋلىعىن قاتەرگە توندىرەدى, سەبەبى, زاڭسىز جۇرگىزۋشىلەر پايدا تابۋ ماقساتىندا ءجيى تۇردە جول ءجۇرۋ ەرەجەلەرىن بۇزادى, جىلدامدىق رەجيمىن ساقتامايدى, بۇل, ءجيى جول-كولىك وقيعالارىنا اكەلەدى, ناتيجەسىندە جولاۋشىلار جاراقات الىپ, قازالى جاعدايلار بولۋى مۇمكىن.
اتالعان زاڭسىز تاكسي قىزمەتى ادال تاسىمالداۋشىلاردىڭ ابىرويى مەن بەدەلىن تۇسىرەدى, سەبەبى, كوپ جاعدايدا قىزمەتتى تۇتىنۋشى كىمنىڭ قىزمەتىن قولدانعانىن بىلمەيدى جانە تۇسىنبەيدى. سوڭعى كەزدە جيىلەپ كەتكەن قىلمىستىق جانە الاياقتىق سيپاتتاعى وقيعالارعا قوعام كوبىنەسە جالپى تۇردە «تاكسيستتەر» دەپ قارايدى.
وسى ماسەلەنى رەتتەۋ ماقساتىندا 12 قىركۇيەكتەن 11 قازانعا دەيىن اۆتوكولىك قۇرالدارى جۇرگىزۋشىلەرىنىڭ زاڭسىز قىزمەت كورسەتۋىن الدىن-الۋ بويىنشا جەدەل پروفيلاكتيكالىق ءىس-شارالار وتكىزۋ جوسپارلانعان.
جەرگىلىكتى پوليتسيا قىزمەتى جانە اكىمشىلىك پوليتسيا باسقارماسى قىزمەتكەرلەرىمەن قر زاڭناماسىمەن قاراستىرىلعان تالاپتاردىڭ (بىرىڭعاي ءتۇس گامماسى, اۆتوكولىكتىڭ سانيتارلىق جانە تەحنيكالىق جاعدايى, رۇقسات بەرۋشى قۇجاتتاردىڭ بار بولۋى) ساقتالۋىن قاداعالاۋ جۇرگىزىلەدى.
جانە تەكسەرىسكە تاكسي اقپاراتتىق-ديسپەتچەرلىك قىزمەتتەرى تارتىلادى.
قر «اۆتوموبيل كولىگى تۋرالى» زاڭىنا سايكەس تاكسي اقپاراتتىق-ديسپەتچەرلىك قىزمەتتەرى اقپاراتتىق-ديسپەتچەرلىك قىزمەت كورسەتۋ بويىنشا تاكسي تاسىمالداۋشىلارىنىڭ رەەستىرىنە تىركەلگەن تاكسي تاسىمالداۋشىلارىمەن شارت جاساسادى.
بۇگىندە استانا قالاسىندا كوپتەگەن زاڭسىز اقپاراتتىق-ديسپەتچەرلىك قىزمەتتەر جۇمىس اتقارادى. ديسپەتچەرلىك قىزمەتتەر رەەسترىندە ەكى قىزمەت تىركەلگەن. ول – «Astana taxi» جانە «01 ءوڭىر», ولار وزدەرىنىڭ قىزمەتتەرىن زاڭدى نەگىزدە جۇزەگە اسىرا الادى.
بىراق, اتالعان ەكى اقپاراتتىق-ديسپەتچەرلىك قىزمەتتەردىڭ تەك «Astana taxi» قىزمەتى زاڭناما تالاپتارىنا سايكەس كەلەدى.
