ءبىلىم جانە عىلىم ءمينيسترى ەرلان ساعاديەۆ بيىل ۇلتتىق قور قاراجاتى ەسەبىنەن 109 مەكتەپتىڭ قۇرىلىسىنا 71,7 ملرد تەڭگە بولىنگەنىن, ونىڭ 26,5 ملرد تەڭگەسى بۇعان دەيىن باستالعان 53 مەكتەپتىڭ قۇرىلىسىن اياقتاۋعا جانە 45,2 ملرد تەڭگەسى 56 مەكتەپتىڭ قۇرىلىسىن باستاۋعا ءبولىندى.
بيىلعى جىلدىڭ جوسپارى بويىنشا 2016 جىلى قارجىلاندىرىلعان 76 مەكتەپ پەن 2 بالالار باقشاسى پايدالانۋعا بەرىلەدى.
«اكىمدىكتەردىڭ اقپاراتى بويىنشا, جىل سوڭىنا دەيىن 24 مەكتەپ پايدالانۋعا بەرىلەدى. 2018 جىلى قالعان 33 مەكتەپ پايدالانۋعا بەرىلەدى. 2018 جىلى اتالعان مەكتەپتەردىڭ قۇرىلىسىن اياقتاۋعا قاراجات ءبولۋ قارجى مينيسترلىگىندە قۇپتالعان», – دەدى ەرلان ساعاديەۆ.
سونداي-اق, وتىرىس بارىسىندا ماڭعىستاۋ وبلىسىنىڭ اكىمى ەرالى توعجانوۆ, وقو وبلىسىنىڭ اكىمى جانسەيىت تۇيمەباەۆ, اقمولا وبلىسىنىڭ اكىمى مالىك مىرزالين جانە شقو اكىمى دانيال احمەتوۆ ءسوز سويلەدى.
قر پرەمەر-ءمينيسترى باقىتجان ساعىنتاەۆ قر پرەمەر-ءمينيسترىنىڭ ءبىرىنشى ورىنباسارى اسقار مامينگە جانە قر پرەمەر-ءمينيسترىنىڭ ورىنباسارى ەربولات دوساەۆقا قاجەتتى جۇمىستاردى جۇرگىزىپ, جاۋاپتى مەملەكەتتىك ورگاندارمەن بىرلەسىپ, مەكتەپتەردىڭ قۇرىلىسى سالاسىنداعى تەندەرلەردى جۇرگىزۋ راسىمدەرىن وزگەرتۋ شارالارىن قابىلداۋدى جانە مەملەكەتتىك بيۋدجەتتەن بولىنگەن قاراجاتتاردى يگەرۋدى جىلدامداتۋدى تاپسىردى.
