2017 جىلدىڭ سوڭىنا دەيىن استانا قالاسىنىڭ اۋماعىندا كوشە قيىلىستارى مەن قالانىڭ سىزىقتىق ايماقتارىندا, سونىمەن قاتار ويىن-ساۋىق ورتالىقتارى, تەاتر, سپورت الاڭدارى, مۋزەي سياقتى كوپشىلىك قاۋىم جينالاتىن جەرلەردە 13 000 سۋرەت جانە بەينە جازۋ كامەرالارى قولدانىسقا ەنەتىنى جايلى ەسكە سالىپ وتەيىك. سۋرەت جانە بەينەباقىلاۋدىڭ جاڭا جۇيەسىنە 3 مىڭعا جۋىق جالپى بەينەباقىلاۋ جۇيەلەرى ەنگىزىلگەن. بۇل كامەرالار تاۋلىكبويى ۇزدىكسىز جۇمىس ىستەپ, ولاردان تۇسىرىلگەن بەينە ماتەريالدار تىرشىلىكتى كەشەندى قامتاماسىز ەتۋ جۇيەسى مەن (تكقج) مەن استانا قالاسى ءىىد جەدەل باسقارۋ ورتالىعى (جبو) كىرەتىن احۋالدىق ورتالىق باقىلاۋىنا الىنۋ جانە وڭدەلۋ ءۇشىن جىبەرىلەدى.
ودان بولەك, قوسىمشا 10 000 كامەرا ءدال سول ۋاقىتتاعى اۆتوكولىكتەردىڭ نومىرلىك بەلگىلەرىن, جىلدامدىق رەجيمدەرىن, قوعامدىق كولىكتىڭ جولاعىمەن جۇرگەنىن جانە ستوپ-سىزىعىن كەسىپ ءوتۋ جاعدايلارىن جازىپ الاتىن بولادى: 6 000 كامەرا 400 كوشە قيىلىستارىندا جانە قالانىڭ 300 سىزىقتىق جەر تەلىمدەرىندە; 4 000 كامەرا ويىن-ساۋىق ورتالىعى, تەاتر, سپورت الاڭدارى سياقتى كوپشىلىك قاۋىم جينالاتىن ورىنداردا ورنالاساتىن بولادى.
سۋرەت جانە بەينە جازۋ كامەرالارى ورناتىلاتىن ورىندار اكىمشىلىك پوليتسيا باسقارماسى ء(اپب) جانە جەرگىلىكتى پوليتسيا قىزمەتىنىڭ (جپق) قىزمەتكەرلەرى بىرلەسە وتىرىپ زەرتتەلگەن. اپاتتىلىق جاعدايى مەن جول-كولىك وقيعالارىنىڭ سانى بويىنشا جاسالعان تالداۋدى ەسكەرە وتىرىپ, قازىرگى تاڭدا سۋرەت جانە بەينە جازۋ كامەرالارىن ورناتۋ جۇمىستارى جۇرگىزىلۋدە.
جاڭا وقۋ جىلىنىڭ باستالۋىنا وراي, استانا اكىمدىگى جۇمىستارىنىڭ كوپشىلىك بولىگى بالالاردىڭ قاۋىپسىزدىگىنە باعىتتالعان: وقۋ مەكەمەلەرى مەن بالاباقشالارعا جاقىن جەردەگى كولىك قوزعالىسىنىڭ جىلدامدىعى 40 كم/ساع دەيىن شەكتەلگەن, جىلدامدىقتى شەكتەۋ بەلگىلەرى ورناتىلعان, سايكەس جول بەلگىلەرى سىزىلعان. بۇل جەر تەلىمدەرى سۋرەت جانە بەينە جازۋ جۇيەلەرىنىڭ نازارىنا ەرەكشە الىنعان.
ەسكە سالايىق, ججە-ءنىڭ سۋرەت جانە بەينە جازۋ جۇيەلەرى استانادا العاش رەت 2015 جىلدىڭ اقپان ايىندا VOCORD اپپاراتتار كەشەنى مەن Red Speed جىلدامدىق ولشەۋىشتەرىن قالانىڭ 11 كوشە قيىلىستارىندا ورنالاستىرۋمەن ىسكە قوسىلعان. ول «قالانىڭ زياتكەرلىك كوشە قيىلىستارى» دەگەن اتاۋعا يە بولدى. 2016 جىلدىڭ قاڭتار-جەلتوقسان ايلارىندا 21 VOCORD كامەرالارى مەن 83 Red Speed جىلدامدىق ولشەۋىشتەرىنىڭ جۇمىسىنىڭ ناتيجەسىندە استانا قالاسىندا 66 410 ججە بۇزۋشىلىقتارى مەن 51 493 ۇيعارىمداردىڭ شىعارىلعانى تىركەلدى.
بۇگىنگى تاڭدا, 323 رەتتەلەتىن كوشە قيىلىستارى جۇمىس ىستەۋدە, ونىڭ 60-ى «استانا قالاسىندا سۋرەت جانە بەينە جازۋ اپپاراتتىق-باعدارلامالىق كەشەنىن قۇرۋ جانە قولدانىسقا بەرۋ» اتتى جوباسىنىڭ اياسىندا سۋرەت جانە بەينەكامەرالارىمەن جابدىقتالعان. سونىمەن قاتار, قازىردىڭ وزىندە قالانىڭ 100 سىزىقتىق جەر تەلىمدەرىندە رادار كەشەندەرى تولىعىمەن جۇمىس ىستەۋدە. كەشەننىڭ تەستىلىك كەزەڭدەگى جۇمىسىنان الىنعان اقپاراتتار بويىنشا قۇقىق بۇزۋشىلىقتاردى تالداۋدان وتكىزۋ جۇمىستارى جۇرگىزىلدى. تالداۋ 2017 جىلدىڭ تامىز ايىنىڭ وزىندە كەيبىر اۆتوكولىك يەلەرى 25-كە جاقىن ججە بۇزۋشىلىقتارىن جاساعانىن كورسەتتى. 15 قىركۇيەككە دەيىنگى ۇيعارىمداردى ازىرلەۋ ۇردىستەرى ۋاقىتشا بولماعانىنا قاراماستان, اتالعان مەرزىم ارالىعىندا بۇزۋشىلىق جاساعان جۇرگىزۋشىلەر ءىىد جەرگىلىكتى پوليتسيا قىزمەتى (جپق) باقىلاۋىنا الىنادى.
ججە بۇزۋشىلىقتارىن تىركەۋ جانە ۇيعارىمداردى دايىنداۋ
اۆتوكولىك جۇرگىزۋشىسى ججە بۇزۋشىلىقتارىن جاساعان جاعدايدا, ولاردى قانداي اكىمشىلىك جازا كۇتۋدە؟ ەڭ الدىمەن, قازاقستان رەسپۋبليكاسىنىڭ اكىمشىلىك قۇقىق بۇزۋشىلىق كودەكسىنىڭ 807 بابىنا سايكەس, قۇقىق بۇزۋشىلىق كامەراعا تۇسكەن جاعدايدا, اكىمشىلىك قۇقىق بۇزۋشىلىق تۋرالى حاتتاما تۇزىلمەيدى جانە قاۋلى شىعارىلمايدى. بۇل قۇجاتتاردىڭ ورنىنا, جۇرگىزۋشى ججە بۇزعان جاعدايدا, وكىلەتتى ورگان جاسالعان قۇقىق بۇزۋشىلىق نەگىزىندە ۇيعارىم شىعارادى.
ء بىرىنشى كەزەڭدە, رادار كەشەنى اۆتوماتتى تۇردە جىلدامدىق رەجيمىن بۇزعانىن نەمەسە اۆتوبۋس جانە ستوپ-سىزىقتارىن كەسىپ وتكەنىن سۋرەت جانە بەينەباقىلاۋ كامەرالارى ارقىلى انىقتايدى. كەيىننەن سۋرەت جانە بەينە ماتەريالدار اكىمشىلىك پوليتسيا باسقارماسى ء(اپب) ينسپەكتورىمەن وڭدەلۋ ءۇشىن وڭدەۋ ورتالىعىنا جىبەرىلەدى. ينسپەكتور جازبالاردى قاراپ, اۆتوكولىكتىڭ ءنومىرى بويىنشا تەحنيكالىق تولقۇجات دەرەكتەرىن, سونىمەن بىرگە كولىك قۇرالىنىڭ يەسى تۋرالى جەكە اقپاراتتى انىقتايدى. ماڭىزدى ساتىنە كوڭىل ءبولۋ كەرەك: ۇيعارىم جولدا ءجۇرۋ ەرەجەسىن بۇزعان كەزدە كولىكتى جۇرگىزگەن ادامعا ەمەس, تەحنيكالىق تولقۇجات دەرەكتەرى بويىنشا اۆتوكولىك يەسىنىڭ اتىنا جاسالادى.
كەلەسى كەزەڭدە اكىمشىلىك پوليتسيا باسقارماسى ينسپەكتورى ءااىج – تەكسەرىسىن (اۆتوماتتاندىرىلعان اقپاراتتىق ىزدەستىرۋ جۇيەسى) جۇرگىزەدى. ول ۋاقىتتا كولىك قۇرالىنىڭ تىركەلۋى تۋرالى اقپاراتتار تەكسەرىلەدى. سۋرەت بەينە جازباداعى اۆتوكولىك دەرەكتەرى تەحنيكالىق تولقۇجاتتى تىركەۋ دەرەكتەرى تەحنيكالىق تولقۇجاتتى تىركەۋ دەرەكتەرىمەن سايكەس كەلمەگەن جاعدايدا (ماركا, ءنومىرى, ءتۇسى) بۇزۋشىلىق قابىلدانبايدى دا, كولىكتىڭ مەملەكەتتىك ءنومىرى تەحنيكالىق تولقۇجاتىمەن سايكەس كەلمەگەن سەبەپتەن اتالعان كولىكتىڭ باعىتتاماسى تۋرالى حابارلاما جاسالىنادى. ءااىج – تەكسەرىسىن كەيىن اۆتوماتتى تۇردە ءاپب ينسپەكتورىنىڭ قايتا تەكسەرىسىنەن وتەدى دە, سودان سوڭ عانا باسىپ شىعارىلعان تۇرىندە اۆتوكولىك يەسىنە اقىرعى ۇيعارىم تولتىرىلادى. ۇيعارىم اۆتوكولىك يەسىنە تەحنيكالىق تولقۇجاتتا كورسەتىلگەن مەكەن-جاي بويىنشا "قازپوشتا" بولىمشەلەرى ارقىلى ىسكە اساتىن بولادى.
سونىمەن قاتار, 15 قىركۇيەكتەن باستاپ باسقا قالا كولىكتەرىنىڭ يەلەرى مەن شەتەل نومىرلەرى بار اۆتوكولىك جۇرگىزۋشىلەرى استانادا جۇرگەن ساپارىندا 2 نەمەسە ودان دا كوپ ججە بۇزۋشىلىقتارىن جاساعان جاعدايدا, ولار ب ۇلىنىستەرى جانە الداعى ايىپپۇل سالىناتىنى تۋرالى ەسكەرتىلەتىن بولادى. بۇل ماسەلەلەرمەن قالانىڭ ءىىد جپق پاترۋلدىك بريگادالارى ارنايى پلانشەت پەن سۋرەت جانە بەينە جازۋ جۇيەسىنە بايلانىستى موبيلدىك قوسىمشالار ارقىلى اۆتوكولىكتىڭ ورنالاسقان ورنىن انىقتاپ وتىراتىن بولادى. اتالعان قوسىمشالار جپق قىزمەتكەرلەرىنە اقپاراتتى جەتكىزۋ ماقساتىندا قۇرىلعان بولاتىن.
استانانىڭ اكىمشىلىك پوليتسياسىنىڭ ۇيعارىمى بويىنشا ايىپپۇل تولەۋ
ۇيعارىمدى العان اۆتوكولىك يەسى ايىپپۇلدى بىرنەشە جولمەن تولەي الادى. ەكىنشى دەڭگەيدەگى بانكتىڭ قولما-قول ەسەپ ايىرىسۋ بولىمشەسى نەمەسە «قازپوشتا» ارقىلى قولما-قول تولەۋ. قولما-قول اقشا ارقىلى ايىپپۇل تولەۋ بانكتىڭ تولەمدەر جۇيەسى مەن ءىىم-ءنىڭ «باقىلاۋ» اتتى ءااىج ارقىلى جۇزەگە اسادى. ناتيجەسىندە ايىپپۇلدى تولەدى دەگەن حابارلاما تىكەلەي قر ءىىم قورىنا تۇسەدى. ايىپپۇلدى تولەۋدىڭ مۇنداي تۇرىندە ايىپپۇل تۇسەتىن بيۋدجەتتىك سىنىپتاما كودىن (بسك) - 204106 دۇرىس كورسەتۋ كەرەك. بسك دۇرىس ەمەس كورسەتكەن جاعدايدا, ايىپپۇل وتەلمەيدى. قازىرگى تاڭدا, بۇل جۇيەگە ەكىنشى دەڭگەيدەگى 17 بانك قوسىلعان. ودان بولەك, ايىپپۇلدى Kaspi تولەم قىزمەتتەرىن كورسەتەتىن تەرمينالدار مەن «QIWI كوشەلەك» تەرمينالدار ارقىلى تولەۋگە بولادى.
قولما-قول اقشاسىز تولەم تۇرلەرى دە, ياعني egov.kz پورتالىندا تىركەلۋ ارقىلى بانكتىك كارتامەن ايىپپۇلدى تولەۋ ەندى قولجەتىمدى. سونىمەن بىرگە ەكىنشى دەڭگەيەگى بانكتەردىڭ ينتەرنەت-سايتتارى ارقىلى ونلاين-تولەم: مىسالى, Qazqom تولەم كارتالارىنىڭ يەلەرى homebank.kz سايتى ارقىلى ايىپپۇلدى تولەي الادى.
ەgov.kz سايتىندا ايىپپۇلدى تولەۋ ءۇشىن جۇرگىزۋشىنىڭ جەكە سايكەستەندىرۋ دەرەكتەرىن ەنگىزۋ كەرەك, اتاپ ايتقاندا اۆتوكولىكتەردىڭ مەملەكەتتىك تىركەۋ نومىرلەرى جانە تەحنيكالىق تولقۇجات ءنومىرى. اقپاراتتىق تەرەزەدە ايىپپۇل مەن ونىڭ سوماسى شىعادى, سودان سوڭ «تولەۋ» دەگەن جازۋدى باسۋ كەرەك. ودان كەيىن, ايىپپۇل ءىىم دەرەكقورىنان جويىلاتىن بولادى. ءدال وسىنداي جولمەن بانكتەردىڭ ينتەرنەت-سايتتارى ارقىلى ايىپپۇلدى تولەۋگە بولادى.
سونىمەن بىرگە, وتە ىڭعايلى ءارى زاماناۋي ءتاسىل بار – ول ايىپپۇلدى ءموبيلدى قوسىمشا ارقىلى تولەۋ: ججە بۇزعانى ءۇشىن ايىپپۇل تولەۋ قىزمەتتەرى egov.kz, HandyPay, MyPay جانە telegram ءموبيلدى قوسىمشا مۇمكىن.
ايىپپۇلدىڭ بار-جوقتىعىن تەكسەرۋ ءۇشىن نەمەسە telegram ارقىلى تولەم جاساۋ ءۇشىن ىزدەۋ جولاعىندا @KazPostBot پاراقشاسىنىڭ اتاۋىن تەرىپ, نۇسقاۋلىقتى ساقتاۋ كەرەك. جوعارىدا كورسەتىلگەن تاسىلدەر ارقىلى ججە بۇزعانى ءۇشىن ايىپپۇلدار تولەنگەن بولسا, ارنايى تۇبىرتەكتى اكىمشىلىك پوليتسيا بولىمشەلەرىندە كورسەتۋدىڭ قاجەتتىلىگى تۋىندامايدى, سەبەبى ايىپپۇلداردىڭ تولەنۋى تۋرالى اقپاراتتار اۆتوماتتى تۇردە ءىىم-ءنىڭ اكىمشىلىك قۇقىق بۇزۋشىلىقتاردى ەسەپكە الۋدىڭ اقپاراتتىق جۇيەسىنە تۇسەدى.
اۆتوكولىك جۇرگىزۋشىلەرىنىڭ نازارىنا: ايىپپۇلدى تەكسەرۋ جانە وعان قاتىستى تەكسەرىس - كولىكتىڭ تىركەۋ ءنومىرى مەن تەحنيكالىق تولقۇجات نومىرىنە سايكەس جۇزەگە اسادى. وسى ورايدى, بارلىق جۇرگىزۋشىلەرگە تەحنيكالىق تولقۇجات جانە تولقۇجاتتا كورسەتىلگەن تۇرعىلىقتى مەكەن-جاي دەرەكتەرىن جاڭارتۋدى ۇسىنامىز.
استانا قالاسىنىڭ اكىمشىلىگى, ءىىد ءاپب بارلىق اۆتوكولىك يەلەرى جانە ەلوردا تۇرعىندارى مەن قالا قوناقتارىنا جولدا ءجۇرۋ ەرەجەلەرىن قاتاڭ ساقتاۋدى جانە قالا كوشەلەرىندەگى بۇزۋشىلىقتارعا جول بەرمەۋدى وتىنەدى.
