جيىندى اشقان سەنات توراعاسى «ەلىمىزدىڭ وركەندەۋى مەن حالقىمىزدىڭ يگىلىگى جولىندا دەپۋتاتتىق كورپۋس ۇكىمەتپەن تىعىز بايلانىستا جۇمىس جۇرگىزىپ, ەلباسى بەلگىلەگەن مىندەتتەردى ورىنداۋدا, زاڭنامالىق جاعىنان دەر كەزىندە جانە ساپالى قامتاماسىز ەتەدى دەپ سەنەمىن», دەدى.
سودان كەيىن جاڭادان سايلانعان 16 دەپۋتات پەن پرەزيدەنت تاعايىنداعان 4 دەپۋتات انت بەردi. ءوز كەزەگىندە توراعا ق.توقاەۆ وسى كەزگە دەيىن پارلامەنت سەناتىندا 6 تۇراقتى كوميتەت قالىپتى جاعدايدا جۇمىس ىستەپ كەلگەندىگىن جانە ونىڭ سانى مەن اتاۋىن وزگەرتپەي-اق, جۇمىستى جالعاستىرۋ جونىندە ۇسىنىس ءبىلدىردى. «قازاقستان رەسپۋبليكاسى پارلامەنتىنىڭ كوميتەتتەرى مەن كوميسسيالارى تۋرالى» قازاقستان رەسپۋبليكاسى زاڭىنىڭ 3-بابىنا جانە قازاقستان رەسپۋبليكاسى پارلامەنتى سەناتى رەگلامەنتىنىڭ 106-تارماعىنا سايكەس, سەناتتا التى تۇراقتى كوميتەت قۇرىلاتىن بولادى. الايدا, ءبىز بۇگىنگە دەيىنگى كوميتەتتەردىڭ ءتيىستى دەڭگەيدە جۇمىس جۇرگىزگەنىن ەسكەرە وتىرىپ, ولاردىڭ سانى مەن اتاۋىن وزگەرىسسىز قالدىرساق دەگەن ويدامىز», – دەدى سەنات سپيكەرى.
ق.توقاەۆتىڭ بۇل ۇسىنىسى دەپۋتاتتار تاراپىنان ءبىراۋىزدان ماقۇلداندى. ءسويتىپ, دەپۋتاتتاردىڭ اشىق داۋىسقا سالۋ ءادىسى ارقىلى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە گەورگي كيم, قارجى جانە بيۋدجەت كوميتەتىنە ولگا پەرەپەچينا, حالىقارالىق قاتىناستار, قورعانىس جانە قاۋىپسىزدىك كوميتەتىنە داريعا نازارباەۆا, ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنە اسقار بەيسەنباەۆ, الەۋمەتتىك-مادەني دامۋ جانە عىلىم كوميتەتىنە بىرعانىم ءايتىموۆا, اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە جەڭىس نۇرعاليەۆ جەتەكشىلىك ەتەتىن بولدى.
سونداي-اق, كۇن تارتىبىندە قارالعان ماسەلەلەردىڭ ءبىرى رەتىندە جاڭا كونستيتۋتسيالىق وكىلەتتىكتەرىنە سايكەس سەناتورلار العاش رەت قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتىنە اسقار شاكىروۆتى سايلادى.
نۇرلىبەك دوسىباي,
«ەگەمەن قازاقستان»
سۋرەتتى تۇسىرگەن
ەرلان ومار,
«ەگەمەن قازاقستان»
