فورۋم جۇمىسىنا 150 دەلەگات قاتىستى. ولاردىڭ قاتارىندا جاس رەجيسسەرلەر, وپەراتورلار, دəرىگەرلەر, ەكولوگتار, مەملەكەتتىك قىزمەتشىلەر, ەرىكتىلەر, جاس تالانتتار, ستۋدەنتتەر مەن اتىراۋ, باتىس قازاقستان, اقتوبە, ماڭعىستاۋ وبلىستارى مەن رەسەيدىڭ شەكارالاس وبلىستارىنىڭ بەلسەندى جاستارى بار.
فورۋمدا ستسەناريست, رەجيسسەر اسقار بيسەمبين, ەكولوگ لاۋرا مəلىكوۆا, قر دەنساۋلىق مينيسترلىگى قوعامدىق دەنساۋلىق ساقتاۋ كوميتەتى توراعاسىنىڭ ورىنباسارى بەرىك ءشəرىپ, اكتەر سانجار مəديەۆ سىندى باسقا دا تانىمال ادامدار وي-پىكىرلەرىن ورتاعا سالدى.
فورۋم اياسىندا قاتىسۋشىلار اتىراۋ وبلىسىنىڭ قاسيەتتى ورىندارىنا باردى. "قازاقستاننىڭ كيەلى جەرلەر گەوگرافياسىنا" ەنگەن سارايشىق قالاشىعىنا ساياحات جاسادى.
-بۇل اياداي جەرىنىڭ ءوزى اتا-بابا تاريحىنان سىر شەرتەتىن عاجايىپ ورىن,- دەپ əسەرىمەن ءبولىستى اكتەر سانجار مəديەۆ. -سارايشىق قالاشىعى جەتى بىردەي حانىمىزدىڭ مəڭگىلىك مەكەنى, كينەماتوگرافتار ءۇشىن وتە قىزىقتى ورىن. مەن وسى جەردىڭ تاريحى تۋرالى كوركەم فيلم ءتۇسىرۋدىڭ باستاماشىسى بولار ەدىم.
فورۋم قاتىسۋشىلارىمەن كەزدەسۋدە اتىراۋ وبلىسىنىڭ əكىمى نۇرلان نوعاەۆ مۇنداي شارالاردى وتكىزۋدىڭ جاس ماماندار ءۇشىن ماڭىزدى ەكەنىن ايتتى.
-جاستار ءۇشىن ءوز سالاسىنىڭ بىلگىرلەرىمەن كەزدەسۋ وي-ورىستەرىنىڭ كەڭەيىپ, جاڭا يدەيالارمەن شابىتتانۋىنا جول اشادى,-دەدى ايماق باسشىسى. -مۇنداي شارالار وبلىستا جىل سايىن ءدəستۇرلى تۇردە وتەدى. مەملەكەت باسشىسى جاستاردى ەلدىڭ قوعامدىق ومىرىنە تارتۋدىڭ ماڭىزىنا əركەز نازار اۋدارىپ كەلەدى. تəۋەلسىز قازاقستاننىڭ جاس ۇرپاعى بولاشاق ءۇشىن قاجەت جاقسى قاسيەتتەردى بويلارىنا ءسىڭىرىپ وسۋلەرى كەرەك.
فورۋم ءۇش باعىتتا جۇمىس ىستەدى: كينەماتوگرافيا, ەكولوگيا, مەديتسينا. شارا اياسىندا جاستار ەكولوگيا, مەديتسينا جəنە كينويندۋستريا سالالارىنىڭ بەلگىلى تۇلعالارىمەن اشىق الاڭدا وي ءبولىسىپ, ءوز كەڭىستىكتەرىن اشىپ, جاستىق جىگەرلەرىن كورسەتۋگە مۇمكىندىك بەرەتىن əلەۋەتتى تاپسىرىس بەرۋشىلەر مەن ينۆەستورلارمەن كەزدەستى.
