سونىڭ ناتيجەسىندە حالىقارالىق كومپانياسى مەن وڭتۇستىك قازاقستان وبلىسىنىڭ اكىمدىگى اراسىندا وڭىردە ينفراقۇرىلىم, جول جانە دەنساۋلىق ساقتاۋ سىندى بىرقاتار ينۆەستيتسيالىق جوبالاردى جۇزەگە اسىرۋعا مۇمكىندىك بەرەتىن مەموراندۋمعا قول قويىلدى. الداعى ۋاقىتتا قۇجاتتار راسىمدەلىپ, حالىقارالىق كومپانياعا بىرلەسە جۇزەگە اسىراتىن بىرقاتار ءىرى جوبالار ۇسىنىلاتىن بولادى.
كەزدەسۋ بارىسىندا تاراپتار ايماقتاعى مەملەكەتتىك-جەكەمەنشىك ارىپتەستىك اياسىندا ىسكە اسىرىلۋى ءتيىس وزگەدە جوبالاردى تالقىلاپ, وسى باعىتتاعى جۇمىستارعا ينۆەستيتسيا تارتۋ جايىن ءسوز ەتتى.
ءوز كەزەگىندە وبلىس اكىمى قوناقتارعا ىستەرىنە ساتتىلىك تىلەپ, ءوز تاراپىنان بارلىق ماسەلە بويىنشا قولداۋ كورسەتۋگە دايىن ەكەنىن جەتكىزدى.
ايتا كەتەيىك, وبلىستا مەملەكەتتىك-جەكەشەلىك ارىپتەستىك تەتىگى ارقىلى 9,3 ملرد. تەڭگە بولاتىن 13 جوباعا جەكە ارىپتەس انىقتالىپ, كەلىسىم-شارت ءتۇزىلدى. ونىڭ ىشىندە 8-ءى ءبىلىم بەرۋ نىسانى بولسا, 3 سپورت, 2 دەنساۋلىق ساقتاۋ نىسانى. بۇگىندە بۇل جوبالاردىڭ سەگىزىنە كونكۋرس جاريالانعان. ال جىل سوڭىنا دەيىن جالپى 17 جوبا بويىنشا ءمجا اياسىندا كەلىسىم شارت ءتۇزۋ كوزدەلۋدە.
بۇدان بولەك, مەملەكەتتىك-جەكەمەنشىك ارىپتەستىك تەتىگى ارقىلى شىمكەنت قالاسىندا ونكولوگيالىق ورتالىق قۇرىلىسىن, «قاۋىپسىز قالا», شىمكەنت جانە تۇركىستان قالالالارىنىڭ كوشەلەرىن جارىقتاندىرۋ سىندى جوبالاردى ىسكە اسىرۋ جوسپارلانۋدا.
