...ۇلگى تۇتادى
ۇلتتىق ويىن ۇلىقتالدى
ماڭعىستاۋ اۋداندىق جاستار رەسۋرستىق ورتالىعىنىڭ باستاماسىمەن جانە اۋداندىق ءبىلىم ۇيلەستىرۋ ورتالىعىنىڭ قولداۋىمەن ۇلتتىق توعىزقۇمالاق ويىنىنان جاستار اراسىندا تۋرنير بولىپ ءوتتى. جارىستىڭ ماقساتى – ماڭعىستاۋ سپورتشىلارىنىڭ داڭقتى داستۇرلەرىن جالعاستىرۋ, جاستار اراسىندا توعىزقۇمالاقتى ناسيحاتتاۋ, تاتۋلىقتى نىعايتۋ, سالاۋاتتى ءومىر سالتىن قالىپتاستىرۋ, ولاردى پاتريوتتىققا تاربيەلەۋ, جاس سپورتشىلاردىڭ شەبەرلىگىن ارتتىرۋ. جارىسقا 1999-2002 جىلدارى تۋعان قىزدار مەن ۇلدار قاتىستى. اۋدان بويىنشا بارلىق اۋىلداردىڭ كوماندالارى بەلسەندى بولىپ, اسىرەسە تۇششىقۇدىق, جارمىش, جىڭعىلدى اۋىلدارىنان كەلگەن كوماندالار ويىندارى تارتىستى ءوتتى.
جارىستىڭ مارەسىندە ءبىرىنشى ورىندى جارمىش اۋىلىنىڭ «جارمىش قىراندارى» كومانداسى يەلەنسە, ەكىنشى ورىندى شەتپەلىك «الشىن ۇلاندارى», ال ءۇشىنشى ورىندى «تۇششىقۇدىق تارلاندارى» كومانداسى مىسە تۇتتى. بەلسەندى جاستار ىنتالاندىرۋ سىيلىقتارىنا يە بولدى.
اللابەرگەن قونارباەۆ
ماڭعىستاۋ وبلىسى,
ماڭعىستاۋ اۋدانى
...قىنجىلىسىن جەتكىزەدى
اۋىلدان كوشىپ كەتۋشىلەر كوپ
ءبىزدىڭ اۋىلىمىز كەڭقياق كەنتىنەن وڭتۇستىك شىعىسقا قاراي ءۇش شاقىرىم جەردە ورنالاسقان. ىرگەمىزگە كورەيلەردىڭ باسقارۋىنا بەرىلگەن مۇناي-گاز كومپانياسى ءتيىپ تۇر. الايدا اسپاننان شۇعا جاۋسا, ودان قۇلعا ۇلتاراق تا تيمەيدى» دەگەندەي, كوگىلدىر وتىننىڭ يگىلىگىن كورەتىن ءتۇرىمىز جوق. وسى باعىتتا جەرگىلىكتى وكىلەتتى ورگاندارعا ايتقان ءوتىنىش-تىلەكتەرىمىز اياقسىز قالىپ قويا بەرەدى.
بۇگىنگى زامان بۇرىنعىداي قي, كومىر, اعاش جاعىپ وتىراتىن كەز ەمەس. ءبىز تۇراتىن باشەنكول اۋىلى سۋى تۇششى, ەجەلدەن مال ۇستاۋعا قولايلى ەلدى مەكەن بولاتىن. الايدا اۋىلداعى باستاۋىش مەكتەپتىڭ جابىلۋ قاۋپى تۋىپ وتىرعاندىقتان ءارى وتىن جاعۋ ماشاقاتىنىڭ اۋىرلىعىنا بايلانىستى وزگە جاققا كوشىپ كەتۋشىلەر قاتارى ازايار ەمەس. بۇرىن 200-گە تارتا ءتۇتىنى بار ىرگەلى اۋىل ەدىك. قازىر سودان نەبارى 13 ءتۇتىن عانا قالىپ وتىرمىز. ولاردىڭ ءبارى ءوزىم سەكىلدى كوشىپ-قونۋعا جاعدايلارى كەلە بەرمەيتىن جاسى ۇلعايعان ادامدار. ءبىزدىڭ وسى جانايقايىمىزعا قۇلاق اساتىن بىرەۋ تابىلار ما ەكەن؟
قالجان كوپتىلەۋوۆا,
باشەنكول اۋىلىنىڭ تۇرعىنى
اقتوبە وبلىسى,
تەمىر اۋدانى
...قاۋىپ ەتەدى
ءدىني اعىم جارعا جىعادى
اۋىلداعى ءبىر اۋلەتتىڭ ايالاپ وتىرعان قىزى تۇرمىسقا شىعىپ, قوساعى ۇستانعان ءدىني اعىمعا كىرۋىنە تۋرا كەلگەن. سونىڭ جاقىندا كۇيەۋى قايتىس بولىپ, الگى جىگىتتىڭ «تامىرلاستارى» قايعى جامىلعان ۇيدە جىلاۋعا تىيىم سالىپ, تەز ارادا جەرلەۋگە بۇيرىق بەرگەن. قازاق حالقى مارقۇمدى شىعاراردا الىستاعى ەت جاقىن, اعايىن-تۋىس, تامىر-تانىستارى كەلمەيىنشە ەكى كۇندەي كۇتەدى ەمەس پە؟.. ونىمەن قويماي, كۇيەۋىنىڭ بۇكىل جورا-جولداستارى الگى ايەلدى ىقتيارىنسىز تەرىس جولدا جۇرگەن تاعى ءبىر ازاماتقا تۇرمىسقا بەرىپتى...
قوعامدا ءدىني نانىم-سەنىمدى بۇرمالاۋشىلار ساقال قويىپ, قىسقا شالبار كيىنىپ, وزدەرىن تازا يسلام ءدىنىنىڭ بەلدى مۇشەسى سانايتىن وسىنداي ازاماتتار ەرتەڭ قانداي ۇرپاق تاربيەلەيدى؟! تاپتاۋرىن بولعان تاعدىر, تاس-تالقانى شىققان وتباسىلار وسىدان شىقپاسىنا كىم كەپىل؟! قازىرگى الماعايىپ زاماندا تەرىس ءدىننىڭ جەتەگىنە ەرىپ, جيھاد اتىن جامىلىپ, شەتەل اسىپ كەتكەن قانداستاردىڭ قىلىعى جامباسىمىزعا جاراداي باتاتىنى تاعى بار. ادام بالاسى كىنانى دىننەن ەمەس – وزىنەن ىزدەپ, ءوز-ءوزىن تاربيەلەپ وتىرسا, مۇنداي سوراقى قىلىقتار جاساماس ەدى. جالعان ءدىننىڭ جەتەگىنە ەرگەندەردى دەر كەزىندە دۇرىس جولعا قوعام بولىپ بۇرماساق, باسقالاردى جات اعىمعا ۇگىتتەۋگە تىرىساتىنى انىق.
ايمان مۇقىشەۆا
استانا
...ءوتىنىش ايتادى
ارتىستەردەن قاتتى قىسىلدىق...
ءبىز قىزىلوردا وبلىسى, ارال اۋدانى, قاراشالاڭ اۋىلىنداعى مادەنيەت ۇيىندە جەرگىلىكتى جاستاردان قۇرالعان ونەرپازدار ءتۇرلى شارالار ۇيىمداستىرىپ, تۇرعىنداردىڭ كوڭىلدەرىن كوتەرۋدى داستۇرگە اينالدىرعانبىز. الايدا, ءبىزدىڭ كوڭىلىمىزدى قىنجىلتاتىن ماسەلە – اۋىلىمىزداعى مادەنيەت ءۇيى سانالاتىن كلۋبىمىزدىڭ سىن كوتەرمەيتىن جاعدايى. اسىرەسە, قىس مەزگىلىندە كلۋبقا قانشا وت جاققانمەن ەش جىلىمايدى.
وتكەندە اۋداندىق ءبىلىم بولىمىنەن اۋىلىمىزعا «تاقيا مەن مافيا» تەاترى كەلىپ ونەر كورسەتەدى دەگەن حابار جەتتى. شالعايداعى اۋىلعا ارتىستەردىڭ كەلەتىنى ءبىزدى قاتتى قۋانتقانىمەن, سىن كوتەرمەيتىن اۋىل كلۋبىنىڭ جاعدايىن ويلاپ ءبىراز ابىگەرلەنىپ قالعانىمىز راس. ءسويتىپ, ارتىستەردىڭ ونەرىن اۋىلىمىزداعى №75 ورتا مەكتەپتىڭ اكت زالىندا تاماشالادىق.
كونتسەرتتەن كەيىن تەاتر ۇجىمى تاعى دا كەلىپ ونەر كورسەتۋلەرىن سۇراعان تىلەگىمىزگە الداعى ۋاقىتتا ۇلكەن قويىلىم اكەلۋگە ۋادە بەرىپ تاراستى. تەك سول كەزگە دەيىن كلۋبىمىزدىڭ جاعدايى جاقسارىپ, باسشىلىق اۋىل تۇرعىندارىنىڭ وتىنىشىنە قۇلاق اسىپ, قولعا الىنسا ەكەن دەيمىز.
ايگۇل كۇزەنوۆا
قىزىلوردا وبلىسى
...رەنىش بىلدىرەدى
سوتسياليزممەن قوشتاسا الماي ءجۇر
وسى ۋاقىتقا دەيiن ءباسپاسوز بەتتەرىندە كوشە اتاۋلارىن قازاقشالاۋ جايىندا تالاي رەت وقىرماندار ءوز پiكiرiن ءبiلدiرىپ كەلەدى. قاراپ وتىرساڭىز, قازاق جەرiندە ءالi كۇنگە قازاقشا اتاۋ الا الماي كەلە جاتقان كوشە, اۋىل, اۋدان اتتارى جەتەرلiك ەكەن. سولاردىڭ بiرi – جەتiساي قالاسىنداعى 70 مىڭعا جۋىق تۇرعىنى بار لەنين كوشەسi. قازاقستان تاۋەلسiز ەل اتانعانىنا 25 جىلدان اسسا دا جەتiساي قالاسى سوتسياليزممەن قوشتاسا الماي ءجۇر. مەنiڭ مىسالعا الىپ وتىرعانىم – تەك بiر عانا كوشە (تۇرعىنى ەڭ كوپ كوشەنi ايتىپ وتىرمىن). سەنسەڭiزدەر دە, سەنبەسەڭiزدەر دە وسى اۋداننىڭ مىرزاكەنت كەنتiندە يۋجنىي, ۆوستوچنىي, ەنەرگەتيك, اپتەچنىي دەگەن ماعىناسىز كوشە اتاۋلارى دا بار.
جوعارىداعى باسشىلىق تاراپىنان جەكەلەگەن كوشەلەر مەن نىسانداردىڭ اتتارىن وزگەرتۋ تۋرالى قاۋلى-قارارلار, تاپسىرمالار جوق ەمەس, بار ەكەن. بiراق اۋدان, قالا اكiمدiكتەرi بۇل تاپسىرمانى ازiرشە قاپەرلەرiنە الا قويماعان سياقتى.
وسكەن پIستەبەك
وڭتۇستiك قازاقستان وبلىسى,
ماقتاارال اۋدانى
