بۇل مەملەكەتى تىنىق جانە اتلانت مۇحيتتارى ارالىعىندا جولدى جاقسارتا, اۋە جانە جۇك تاسىمالىمەن, بىلىكتى ماماندارمەن ورتالىق امەريكادا لوگيستيكا الاڭىنا اينالۋدا.
مەرەكەنىڭ رەسمي بولىمىندە گوندۋراس سىرتقى ىستەر جانە حالىقارالىق ىنتىماقتاستىق ءمينيسترى دولورەس اگۋەرو لارا ماريا ءسوز سويلەپ, ەلىندە جانعىش ەنەرگيانى قولدانۋدى ازايتۋ ماسەلەلەرىن شەشۋدە ۇلكەن جۇمىس اتقارىلىپ جاتقانىن əڭگىمەلەدى. ياعني, وندا تۇتانبالى وتىندى جاڭعىرمالى ەنەرگيا كوزدەرىنە الماستىرۋدا. ونىڭ ايتۋىنشا, «بولاشاق ەنەرگياسى» اتتى كورمە تاقىرىبى جاھاندى جىلىنۋ جانە كليماتتىق وزگەرىس ورىن العان زاماندا ەلەۋلى ماسەلەلەردىڭ قاتارىنا كىرەدى. «1992 جىلى ريوداعى جەر سامميتىنەن باستاپ كليماتتىق وزگەرىس بويىنشا حالىقارالىق شارالار قولدانىلۋدا. 2015 جىلى پاريجدە وتكەن كليمات وزگەرىسى جونىندەگى كونفەرەنتسيادا ادامزاتتىڭ اتموسفەراعا پارنيكتىك گازداردىڭ شىعارىلىمىن تۇراقتاندىرۋ قاجەتتىلىگى اتاپ ءوتىلدى. مەملەكەتىمىزدە پارنيكتىك گاز شىعارىلىمىنىڭ ۇلەسى از, الايدا 1996-2015 جىلدار ارالىعىندا كليماتتىق وزگەرىستەردىڭ جاھاندىق قاۋىپتەرى كورسەتكىشى بويىنشا ەلىمىز الەم بويىنشا وسال مەملەكەتتەردىڭ قاتارىندا بولدى. بۇگىن, بارشامىز, ۇلتتار مەن حالىقتار ءبىر-بىرىمىزگە تاۋەلدىلىگىمىزدى تۇسىنە, ءوزىمىزدى جانە بولاشاق ۇرپاقتى جارقىن الەممەن قامتاماسىز ەتۋ ءۇشىن ءوزارا ءتيىمدى ارەكەتتەسۋىمىز قاجەت», دەدى دولورەس اگۋەرو لارا ماريا.
قازاقستان تاراپىنان ءسوز العان دەنساۋلىق ساقتاۋ ءمينيسترىنىڭ ورىنباسارى الەكسەي تسوي ءوز ەكسپو-2017 كورمەسى ەكى جاقتى قاتىناستىڭ نىعايۋىنا مۇمكىندىك بەرەتىندىگىن اتاپ ءوتتى. «قازاقستان ساياسي, ەكونوميكالىق, عىلىمي-تەحنيكالىق جانە مادەني سالالالاردا, سونداي-اق دەنساۋلىق ساقتاۋ, اتاپ ايتقاندا, مەديتسينالىق ساقتاندىرۋ جانە تۋريزم سالالارىندا ىنتىماقتاستىقتى نىعايتۋعا مۇددەلى. قازاقستان جانە گوندۋراس رەسپۋبليكالارى اراسىنداعى ديپلوماتيالىق قارىم-قاتىناس 1995 جىلى 28 قاراشادان باستاپ ورنادى. گوندۋراستىڭ ەكسپو-2017 كورمەسىنە قاتىسۋى ەلدەرىمىز اراسىنداعى ەكى جاقتى ءوزارا ءتيىمدى ىنتىماستىقتىقتى نىعايتۋعا مۇمكىندىك بەرەتىنىنە كامىل سەنەمىن», دەدى ۆيتسە-مينيستر.
مەملەكەت -- كۇن ەنەرگەتيكا ۇلەسى بويىنشا الەمدەگى جەتەكشى ەل. «ەNEE» ەنەرگەتيكالىق كومپانياسىنىڭ ستاتيستيكالىق مالىمەتتەرى بويىنشا 2016 جىلى وندا ەلەكتر ەنەرگياسىنىڭ 10,2 پايىزى فوتوەلەكترلى كۇن ەلەكتر ستانسالارىندا وندىرىلگەن. بۇل -- الەمدىك كورسەتكىش بويىنشا رەكوردتىق ناتيجە.
اسحات رايقۇل,
«ەگەمەن قازاقستان»
