«بۇل جالپى حالىق ەرەكشە كۇتەتىن مەرەيلى كۇن. «تارىداي بولىپ كىرىپ, تاۋداي بولىپ شىعاتىن» التىن ۇيا مەكتەپتەرىمىز جاڭا وقۋ جىلىن باستايدى. ءدال وسى كۇنى ادامداردىڭ جەكە تۇلعا, سانالى ازامات رەتىندە قالىپتاسۋ ۇدەرىسى باستالادى.
حالقىمىزدا «اقىل – توزبايتىن تون, ءبىلىم – تاۋسىلمايتىن كەن» دەگەن ءتامسىل بار. بابالارىمىز تال بەسىكتەن جەر بەسىككە دەيىن ءىلىم ىزدەۋدى اماناتتاپ كەتكەن. سوندىقتان ءبىلىم سالاسىن دامىتۋعا مەملەكەت تاراپىنان ۇلكەن قولداۋ جاسالۋدا.
تاۋەلسىزدىك جىلدارى مەملەكەتىمىزدە ءبىلىم بەرۋدىڭ جاڭا يننوۆاتسيالىق دامۋ جۇيەسى قالىپتاستى. الەمدىك ستاندارتتارعا ساي ءبىلىم بەرۋ – ەلىمىزدىڭ نەگىزگى كاپيتالىنا اينالدى. سوڭعى جيىرما جىلدا ەلوردادا جۇزدەگەن جاڭا مەكتەپ پەن مەكتەپكە دەيىنگى بالالار مەكەمەسى پايدالانۋعا بەرىلدى. وسىنىڭ ءبارىن ەل ەرتەڭى, ۇلت بولاشاعى – جاستارعا جاسالعان قامقورلىق دەپ ءتۇسىنۋ كەرەك. ەلوردالىق وقۋشىلار الەمدىك ءبىلىم دودالارىندا وزا شاۋىپ, ەل نامىسىن ابىروي مەن قورعاپ ءجۇر. بۇل دا بولسا, باعىتىمىزدىڭ ايقىن, ناتيجەلى ەكەنىن ايعاقتايدى», دەگەن ول ءبىلىمدى جاستار كوپ بولسىن دەپ تىلەكتەستىگىن ءبىلدىردى.
