- كەشە ماتچ الدىندا قازاقستان قۇراماسى جاڭا باپكەردىڭ تۇسىندا جاڭا ءبىر دەڭگەيگە كوتەرىلگەنى تۋرالى ايتتىڭىز. شىن مانىندە ۇلتتىق قۇرامامىزدىڭ ويىنىنان پروگرەسس بايقادىڭىز با؟
- بىلەسىز بە, بۇل جەردە ماسەلە باپكەردە ەمەس ويىنشىلاردىڭ موتيۆاتسياسىندا بولىپ تۇر. ءبىزدىڭ جاعدايىمىزدا جىگىتتەر توپتا جوعارىدان كورىنگىسى كەلەدى. ال قازاقستان قۇراماسىنان مۇنداي جىگەردى بايقامادىم.
- ماتچ وسىنداي ءىرى ەسەپپەن اياقتالۋى كەرەك ەدى دەپ ويلايسىز با؟
- جوق, ولاي ويلامايمىن. قارسىلاستارىمىزدىڭ كەمىندە ءبىر گول سوعاتىن مۇمكىندىگى بار ەدى. بىراق ساتتىلىك جولداس بولماعان سەكىلدى.
- ەسەپ 0:2 بولعان تۇستا ءسىز الاڭنان ويىنشى الماستىردىڭىز. ويىنشى جاراقات الىپ قالدى ما, الدە تاكتيكالىق تۇرعىدا وسىلاي دۇرىس دەپ شەشتىڭىز بە؟
- بۇل تاكتيكالىق تۇرعىدان قابىلدانعان شەشىم ەدى.
- قازاقستان قۇراماسىنىڭ ويىنىنان ۇناعان جەرى بار ما؟ سونداي-اق, قاي ويىنشىنى ەرەكشە اتاپ وتەر ەدىڭىز؟
- قازاقستان قۇراماسىن وسال دەپ ايتا المايمىن. سول قاپتالدا جانە ورتالىق شابۋىلدا ونەر كورسەتكەن جىگىتتەر ۇنادى.
ايان ءابدۋالي,
«ەگەمەن قازاقستان»
