وڭتۇستىك قازاقستان وبلىسىنىڭ ديقاندارى قۇربان ايت مەرەكەسىنە وراي استانا قالاسىنداعى 200 الەۋمەتتىك جاعدايى تومەن وتباسى مەن 3 ارنايى الەۋمەتتىك كومەك كورسەتۋ مەكەمەسىنە تەگىن قاۋىن-قاربىز تاراتتى. ونداعى ماقسات – حالىقتىڭ از قامتىلعان توبىنا قولداۋ كورسەتىپ, وڭتۇستىكتىڭ جەرىندە وسكەن تاتتىلىگى ءتىل ۇيىرەر قاۋىن-قاربىزدان ءدام تاتقىزۋ.
ءتىزىمدى ديقاندارعا استانا قالاسى اكىمدىگىنىڭ «الەۋمەتتىك قىزمەت كورسەتۋ ورتالىعى» مەملەكەتتىك مەكەمەسى بەرىپتى. وسىلايشا شارۋالار وڭتۇستىكقازاقستاندىقتاردىڭ دارحاندىعى مەن ەڭبەكقورلىعىن كورسەتىپ, ۇلىق مەرەكەنىڭ قادىر-قاسيەتىن ارتتىرا ءتۇستى.
ايتا كەتەيىك, استانا قالاسىندا 2-3 قىركۇيەك كۇندەرى ەكسپو-2017 حالىقارالىق كورمەسىنە ارنالعان وڭتۇستىك قازاقستان وبلىسى اۋىل شارۋاشىلىعى ونىمدەرىنىڭ جارمەڭكەسى وتكىزىلەدى. «قازاقستان» سپورت الاڭشاسىندا وتەتىن جارمەڭكەگە قۇنى 265 ملن. تەڭگە بولاتىن 500 توننادان استام اۋىل شارۋاشىلىعى ءونىمى ۇسىنىلادى.
