قر مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتىنەن حابارلاعانداي, الەم چەمپيوناتىن دۇنيەجۇزىلىك توعىزقۇمالاق فەدەراتسياسى مەن قر مادەنيەت جانە سپورت مينيسترلىگى, اcتانا قالاسىنىڭ اكىمدىگى ۇيىمداستىرىپ وتىر.
«3-8 تامىز ارالىعىندا وتەتىن چەمپيوناتقا الەمنىڭ 25 ەلىنەن, اتاپ ايتقاندا اقش, اۆستريا, اۋعانستان, انتيگۋا جانە باربۋدا, ازەربايجان, ۇلىبريتانيا, گەرمانيا, گرۋزيا, ءۇندىستان, كامەرۋن, كولۋمبيا, قازاقستان, قىرعىزستان, قىتاي, مونعوليا, وزبەكستان, پولشا, رەسەي, سيريا, تاجىكستان, تۇركيا, تۇرىكمەنستان, ۋكراينا, چەحيا, شۆەيتساريا ەلدەرىنەن سپورتشىلار قاتىسادى», - دەپ حابارلايدى ۆەدومستۆودان.
الەم چەمپيوناتىنا 70-تەن استام سپورتشىسى ءوزارا باق سىناسپاق. سايىس استانا قالاسىنىڭ تاۋەلسىزدىك - مومىش ۇلى كوشەلەرىنىڭ قيىلىسىنداعى «IBIS» قوناق ۇيىندە وتەدى.
