اتىراۋ وبلىستىق كəسىپكەرلىك جəنە يندۋستريالىق-يننوۆاتسيالىق دامۋ باسقارماسىنىڭ باسشىسى ايقىن ەلەۋسىزوۆتىڭ ايتۋىنشا, قازىر مەملەكەتتىك يندۋستريالىق-يننوۆاتسيالىق دامۋ باعدارلاماسى اياسىندا 5 663 جۇمىس ورىنى قۇرىلعان 3 ترلن تەڭگەنىڭ 54 ينۆەستيتسيالىق جوباسى جۇزەگە اسۋ ۇستىندە.
باسقارما باسشىسى قر پرەزيدەنتىنىڭ تاپسىرماسىنا سəيكەس ەكونوميكانىڭ وڭدەۋ جəنە ءوندىرۋ سەكتورىن دامىتۋعا باستى نازار اۋدارىلىپ وتىرعانىن ايتادى. سونىڭ نəتيجەسىندە وبلىستا شيكىزات باعىتىنان وڭدەۋ سالاسىنا قاراي ناقتى قادام جاسالدى. يندۋستريالىق-يننوۆاتسيالىق دامۋدىڭ العاشقى بەسجىلدىعىندا 2010-2014 جىلدارى 66,9 ملرد تەڭگەنىڭ 28 جوباسى جۇزەگە اسىرىلىپ, 2135 جۇمىس ورىنى اشىلدى.
2018 جىلى 17,4 ملرد تەڭگەنىڭ 4 جوباسىن ىسكە قوسىپ, 254 جۇمىس ورىنىن قۇرۋ جوسپارلانعان. ودان بولەك ايماق ءۇشىن عانا ەمەس, ەلىمىز ءۇشىن ماڭىزدى تاعى ءبىر جوبا - "قازمۇنايگاز" وك" اق اتىراۋ مۇناي وڭدەۋ زاۋىتىن قايتا قۇرۋ جəنە جاڭعىرتۋ جۇزەگە اسىرىلۋدا. جوبا قۇنى - 626 ملرد تەڭگە, 767 جۇمىس ورىنى قۇرىلادى. جوبانىڭ مەحانيكالىق اياقتالۋ مەرزىمى 2017 جىلدىڭ جەلتوقسان ايى.
"بيزنەستىڭ جول كارتاسى - 2020" باعدارلاماسى شەڭبەرىندە 1,74 ملرد تەڭگەنىڭ ينجەنەرلىك-كوممۋنيكاتسيالىق ينفراقۇرىلىمىمەن قامتۋعا مەملەكەتتىك قولداۋ كورسەتىلدى, 2 156 ملرد تەڭگە نەسيەنىڭ پايىزدىق تولەمىن سۋبسيديالاۋعا ءبولىندى.
ا.ەلەۋسىزوۆ قالىپتاسقان مəسەلەلەردى شەشۋ باعىتىندا دا جۇمىستار ءجۇرىپ جاتقانىن ايتادى. 2015-2017 جىلدارى قۇرمانعازى اۋدانىنداعى "دوسجان جəنە كومپانيا" جشس قامىس-جوڭقا پليتاسىن شىعارۋ زاۋىتىنىڭ جۇمىسى توقتاۋعا ءمəجبۇر بولعان.
- اتالعان مەكەمە 2011 جىلى ىسكە قوسىلدى. 2013 جىلى لاميناتتالعان قامىس-جوڭقا پليتاسى شىعارىلا باستادى. باستاپقى كەزەڭدە زاۋىت الىنعان قۇرال-جابدىقتاردىڭ تەحنيكالىق تالاپتارعا ساي بولماعانىنا قاراماستان جۇمىس ىستەپ تۇردى, - دەيدى ايقىن ەلەۋسىزوۆ.
- ءوندىرىس جەلىنى تولىق اۋىستىرۋ قاجەتتىلىگى تۋىنداعان كەزدە توقتاتىلدى, ۇلتتىق ۆاليۋتا كۋرسىنىڭ وزگەرۋى سالقىنىن تيگىزدى, جابدىقتار مەن پليتاعا كەرەك جەلىم دە قىمباتتادى. كəسىپكەردىڭ قارجىسى بولمادى. كەلىسسوزدەر نəتيجەسىندە رەسەيدەن جەكە ينۆەستورمەن كەلىسىم-شارت جاسالدى. زاڭ رəسىمدەرىنە دە ءبىراز ۋاقىت كەتتى. قازىر قاجەتتى جابدىقتار ورناتىلىپ, ءوندىرىستى جاڭعىرتۋعا جاعداي جاسالدى. جاقىندا جۇمىس باستالادى. مەكەمەنىڭ جوسپارلى قۋاتىنا شىعۋ مەزگىلى 2018 جىلدىڭ ءبىرىنشى جارتىجىلدىعىنا جوسپارلانعان.
باقىتگۇل باباش,
«ەگەمەن قازاقستان»
