ءتۇرلى كاسىپ يەلەرىنەن جينالعان 12 مىڭنان اسا اقتوبەلىك ورتالىق ستاديون الاڭىنان باستاپ وبلىس اكىمدىگىنە دەيىن ءجۇرىپ ءوتتى. مۇندا شەرۋگە قاتىسۋشىلار قازاقستان رەسپۋبليكاسىنىڭ ءانۇرانىن ورىنداۋمەن اشىلعان سالتاناتتى شاراعا قوسىلدى.
- بۇگىن ءبىز قازاقستاننىڭ ۇلى, ەڭ باستى مەرەكەسىن اتاپ وتۋدەمىز. 22 جىل بۇرىن قازاقستاندىقتار جالپى رەفەرەندۋمدا اتا زاڭىمىز – ەلىمىزدىڭ كونستيتۋتسياسىن قابىلدادى. وتكەن جىلداردىڭ ىشىندە قازاقستاننىڭ كونستيتۋتسياسى ءوزىنىڭ ومىرلىك كۇشىن دالەلدەدى. كونستيتۋتسيانىڭ ارقاسىندا ەلىمىزدىڭ ەكونوميكاسى دامىپ, قازاقستاننىڭ حالىقارالىق ارەناداعى ءرولى جىلدان جىلعا ارتىپ كەلەدى. ازاماتتاردىڭ قۇقىقتارى مەن بوستاندىقتارىنا كەپىلدىك بەرەتىن اتا زاڭىمىزدىڭ ارقاسىندا جۇزدەن استام كوپ ۇلتتىڭ وكىلدەرى قازاقستاندا - ءبىر شاڭىراقتىڭ استىندا ءبىر جانۇياداي تۇرىپ جاتىر. وسىنىڭ بارلىعى پرەزيدەنتىمىز نۇرسۇلتان نازارباەۆتىڭ جۇرگىزىپ وتىرعان ساياساتىنىڭ تۇراقتىلىعى مەن دۇرىستىعىنىڭ ايعاعى. مەن وبلىس باسشىلىعىنىڭ اتىنان ۇلى مەرەكەمەن قۇتتىقتاپ, دەنساۋلىق پەن قۇت-بەرەكە تىلەيمىن. قازاقستانىمىز گۇلدەنە بەرسىن!,- دەدى وبلىس اكىمى بەردىبەك ساپارباەۆ جينالعاندارعا.
مەرەكەلىك شارانىڭ اياسىندا وبلىس اكىمدىگىنىڭ الدىندا سونداي-اق, 50 جۇپتى ءبىر مەزەتتە سالتاناتتى تىركەۋ ءراسىمى دە ءوتتى. وبلىس اكىمى بەردىبەك ساپارباەۆ پەن وبلىستىق ءماسليحات حاتشىسى ءسانيا قالدىعۇلوۆا ءار جاڭا وتباسىنى قۇتتىقتاپ, نەكە قيۋ كۋالىكتەرىن تابىس ەتتى.
25 جىل وتاسقان 50 جۇپ جاس جۇبايلارمەنوتباسىلىق ءومىردىڭ قىر-سىرىمەن ءبولىستى. ولاردىڭ قاتارىندا ۇيلەنگەندەرىنە 65 جىل تولۋىن تويلاپ جاتقان باقىت پەن ولگا ءىزباساروۆتار دا بار. ولار جاستارعا بەرەكە-بىرلىكتى اماناتتاپ, ەستەلىك سىيلىقتار تابىستادى. ءداستۇر بويىنشا جاس جۇبايلار ۆالس ءبيىن بيلەپ, اسپانعا جۇرەك ءتارىزدى شارلار ۇشىردى.
شارا كىشكەنتاي بيشىلەردىڭ حورەوگرافيالىق كورىنىستەرىمەن جالعاستى.
