سۋرەت: ru.sputniknews.kz
ونىڭ اجىراماس ءبىر بولىگى – مونمارتر. نەبىر ونەردىڭ توعىسقان ولكەسىنە اينالعان عاجايىپ اۋدانعا الەمنىڭ تۇكپىر-تۇكپىرىنەن تالانتتى سۋرەتشىلەر, اقىندار مەن مۋزىكانتتار اعىلىپ جاتادى. مونمارتردىڭ وسىنداي ادەمى لەبى استاناعا دا جەتتى.
ەكسپو كورمەسىندەگى ەڭ ۇلكەن پاۆيلونداردىڭ ءبىرى – فرانتسيا ەلىنىكى. كەشە وسى الىپ اۋماقتا فرانتسۋزداردىڭ ونەر كۇنى اتالىپ ءوتتى. سونىڭ اياسىندا فرانتسۋز سۋرەتشىلەرى مەن قازاقستاندىق قىلقالام شەبەرلەرى جينالىپ, فرانتسيانىڭ ەڭ كورىكتى ورىندارىنىڭ بەينەسىن سالدى. «ونەر كۇنىندە استانا مەن ءپاريجدىڭ ادەمىلىگىن الەمگە تانىستىرماقشى بولدىق. ءبىز فرانتسيادان ەشقانداي سۋرەتشىنى ارنايى شاقىرعان جوقپىز. بىراق استاناعا ارنايى ەكى پاريج سۋرەتشىسى كەلدى. ولاردىڭ شابىتىنا سەبەپ بولعان – قازاقتىڭ شالقار دالاسى», دەدى فرانتسۋز پاۆيلونىنىڭ باس كوميسسارى پاسكال لورو.
پاريجدەن ارنايى كەلگەن سۋرەتشىلەردىڭ ءبىرى – سيلۆي تۋزەري. ول قازاقستانعا العاش رەت كەلىپ وتىر ەكەن. قازاقستان تۋرالى, وندا ءوتىپ جاتقان ەكسپو كورمەسى تۋرالى ءوز ەلىندە ەستىگەن ول وسىندا كەلۋگە اسىعىپتى. «قازاق ەلى مەنى ەرەكشە ىنتىقتىرىپ, شابىتىمدى وياتتى. قازىر وزىمە ۇناعان دۇنيەلەردىڭ ءبارىن قاعازعا ءتۇسىرىپ ءجۇرمىن. ءدال قازىر قازاقستاننىڭ «نۇر الەم» پاۆيلونىنىڭ بەينەسىن سالىپ جاتىرمىن. اراسىندا بۋرابايعا, شارىن شاتقالىنا دا بارىپ كەلدىم. العان اسەرىم كەرەمەت. كەيىن قازاقستان تۋرالى, ونىڭ تاماشا تابيعاتى جايىندا جەكە سۋرەتتەر سەرياسىن شىعارۋ جوسپارىمدا بار», دەيدى سۋرەتشى.
فرانتسيانىڭ ونەر كۇنىنە قاتىسۋشى قازاقستاندىق سۋرەتشىلەردىڭ ىشىندە قۇسمانبەك ومار ۇلى دا بار. ونىڭ ەسىمى ونەرسۇيەر قاۋىمعا جاقسى تانىس. الماتى كوركەمونەر ۋچيليششەسىن بىتىرگەن ول ۋنيۆەرسيتەتتەن كەيىن «قازاقفيلم» كينوستۋدياسىنا جولداما العان. ول قازاقتىڭ انيماتسيالىق فيلمدەرىن تۇسىرۋگە كوپ ۇلەس قوسىپ ءجۇر. قۇسمانبەك ونەر كۇنىندە ءپاريجدىڭ كوركەم كورىنىستەرىن بەينەلەيتىن بىرنەشە
تۋىندىنى دۇنيەگە اكەلدى.
بۇدان وزگە, سۋرەتشى ءارى كاريكاتۋراشىلار ادىلعالي باياندين, ءاليا ايتجانوۆا, ايتولقىن جانتەمىروۆا, ءمۇسىلىم سارين سىندى تالانتتار ءارتۇرلى پورترەتتەردى جاساپ شىعاردى. ال كەلۋشى قوناقتار وزدەرىنە ۇناعان سۋرەتتەردى تاڭداۋعا مۇمكىندىك الدى.
بۇل كۇنى فرانتسيا پاۆيلونىن كورۋگە كەلگەن كوپشىلىك قۇر قايتقان جوق. پاۆيلون تۋرالى سۇراقتارعا دۇرىس جاۋاپ بەرگەندەرگە ۇيىمداستىرۋشىلار سىي-سىياپات كورسەتىپ, كادەسىيلار تاراتتى.
قىمبات توقتامۇرات,
«ەگەمەن قازاقستان»
سۋرەتتەردى تۇسىرگەن
ورىنباي بالمۇرات,
«ەگەمەن قازاقستان»
