«بۇل بوكستاعى ەڭ ۇلكەن جەكپە-جەك.ء بارى «كانەلو» ەكەۋىمىزدىڭ ستيلىمىزدى جاقسى بىلەدى. جەكپە-جەك ءۇشىن بۇل ەڭ ءتيىمدى. مەن ءوزىمدى جاقسى سەزىنەمىن. 35-كە كەلسەم دە وزىمدى 25 جاستاعى كەزىمدەي سەزىنەمىن. «كانەلو» 26-دا, سوندىقتان ءبىز جاقىنبىز. ءبىزدىڭ ايقاس - بۇل ويىن ەمەس, بۇل ناعىز جەكپە-جەك! ول دا, مەن دە مۇنى ۇزاق ۋاقىت قالادىق. جانكۇيەرلەر بۇل كەزدەسۋدەن تابىستى بولاتىنىنا سەنىمدىمىن», دەيدى گولوۆكين ۆيدەودا.
ايتا كەتەيىك, 16 قىركۇيەكتە گەننادي گولوۆكين مەكسيكالىق ساۋل الۆارەسپەن قولعاپ تۇيىستىرەدى. وسى جەكپە-جەكتە الۆارەس GGG-ءدىڭ تەك ەكى اتاعى - WBA مەن IBF بەلبەۋلەرى ءۇشىن عانا تالاسادى. گولوۆكين ۇتىلىپ قالسا, ونىڭ تاعى ەكى بەلبەۋى - WBC مەن IBO بوس قالىپ, ونى باسقا بوكسشىلار ءوزارا ساراپقا سالادى. ال قازاقستاندىق بوكسشى جەڭىسكە جەتسە, ءتورت بەلبەۋىنە تاعى The Ring جۋرنالىنىڭ ارنايى بەلبەۋىن قوسىپ الادى.
